Hyderabad Crime: హైదరాబాద్ లో దారుణం.. అప్పుడే పుట్టిన శిశువు కాల్చివేత.

తెలంగాణ బ్యూరో స్వేచ్ఛ: Hyderabad Crime: అబం శుభం తెలియని అప్పుడే పుట్టిన పసికందును అత్యంత పాశవికంగా హత్య చేసిన కిరాతకుల ఉదంతమిది. ఈ దారుణం ఎన్టీఆర్​ స్టేడియం వద్ద సోమవారం వెలుగు చూసింది. పూర్తిగా కాలిపోయిన స్థితిలో ఉన్న ఆ శిశువు మృతదేహాన్ని చూసి కొంతమంది స్ధానికులు చిక్కడపల్లి పోలీసులకు సమాచారం అందించారు. ఈ క్రమంలో సంఘటనా స్థలానికి చేరుకున్న పోలీసులు క్లూస్ టీంను వెంటనే రప్పించారు.

పోలీసుల  జరిపిన విచారణలో ఇంకా కళ్లు కూడా పూర్తిగా తెరవని చిన్నారిపై పెట్రోల్​ పోసి నిప్పంటించినట్టుగా నిర్ధారణ అయ్యింది. ఇంతటి ఘాతుకానికి ఒడిగట్టింది ఎవరు? అన్నది తెలుసుకోవటానికి పోలీసులు విచారణను ముమ్మరం చేశారు. ఈ క్రమంలో హత్య జరిగిన ప్రదేశంతోపాటు ఆ స్థలానికి వెళ్లే అన్ని రహదారుల్లోని సీసీ కెమెరాల ఫుటేజీని విశ్లేషిస్తున్నారు. ఈ విషాదంపై మాట్లాడగా దర్యాప్తు కొనసాగుతోందని పోలీసు అధికారులు చెప్పారు.

Also Read: Nandamuri Kalyan Ram: ప్రాణం పోయడం కోసం ప్రాణాన్ని పణంగా పెట్టే స్త్రీమూర్తుల కోసమే ఈ సినిమా..

నిందితులను తప్పకుండా పట్టుకుంటామన్న నమ్మకాన్ని వ్యక్తం చేశారు. వివాహేతర సంబంధం నేపథ్యంలో పుట్టిన శిశువును చంపి ఉండవచ్చన్న అనుమానాన్ని పోలీసులు వ్యక్తం చేశారు. లేదంటే ఆడపిల్ల అని చంపేశారా? అన్నది నిర్ధారించుకోవాల్సి ఉందని పోలీసులు చెప్పారు.