Thieves Arrested: దొంగను చాకచక్యంగా పట్టేసిన పోలీసులు.. ఎలాగంటే?

తెలంగాణ బ్యూరో స్వేచ్ఛ: Thieves Arrested: దొంగతనాలు చేయటమే వృత్తిగా చేసుకున్న పాతనేరస్తున్ని సౌత్​ ఈస్ట్​ జోన్​ టాస్క్​ ఫోర్స్​ అధికారులు సైదాబాద్ పోలీసులతో కలిసి అరెస్ట్​ చేశారు. నిందితుని నుంచి 15లక్షల రూపాయల విలువ చేసే సొత్తును స్వాధీనం చేసుకున్నారు. టాస్క్​ ఫోర్స్​ అదనపు డీసీపీ అందె శ్రీనివాస రావు తెలిపిన ప్రకారం వివరాలు ఇలా ఉన్నాయి.

గ్రీన్​ సిటీ షాహీన్​ నగర్​ నివాసి హబీబ్​ మహ్మద్​ (37) వృత్తిరీత్యా ప్లంబర్​. చేస్తున్న పనిలో ఆశించిన ఆదాయం రాకపోతుండటంతో దొంగతనాలు చేయటం మొదలు పెట్టాడు. ఈ క్రమంలో అరెస్టయి జైలుకు కూడా వెళ్లాడు. అయినా ప్రవృత్తిని మార్చుకోకుండా నేరాలు చేయటాన్ని కొనసాగిస్తున్నాడు.

ఈనెల 23న తెల్లవారుఝాము సమయంలో సైదాబాద్​ పోలీస్​ స్టేషన్​ పరిధిలోని ఓ ఇంట్లో చోరీ చేసి ఉడాయించాడు. ఈ మేరకు ఫిర్యాదు అందగా కేసులు నమోదు చేసిన సైదాబాద్​ పోలీసులు విచారణ చేపట్టారు. కాగా, టాస్క్​ ఫోర్స్ సీఐ సైదాబాబు, సైదాబాద్ సీఐ రాఘవేంద ర్ తోపాటు సిబ్బందితో కలిసి మంగళవారం రాత్రి హబీబ్​ మహ్మద్​ ను అరెస్ట్​ చేశారు.

విచారణలో చోరీ సొత్తును హబీబ్​ అలీ అనే వ్యక్తికి ఇచ్చినట్టు చెప్పటంతో అతన్ని కూడా అదుపులోకి తీసుకున్నారు.

Also Read: Kurnool News: మందుబాబు దెబ్బకు.. పోలీసుల మైండ్ బ్లాక్.. అసలేం జరిగిందంటే?