Epaper 
Drug Peddlers Arrested: బెంగళూరు నుంచి విమానంలో డ్రగ్స్ తోపాటు నాన్ డ్యూటీ పెయిడ్ లిక్కర్ తీసుకొచ్చిన వ్యక్తిని ఎక్సయిజ్ స్టేట్ టాస్క్ ఫోర్స్ పోలీసులు అరెస్ట్ చేశారు. నిందితుని నుంచి 5.39 గ్రాముల ఎండీఎంఏ డ్రగ్ తోపాటు ఆరు బాటిళ్ల మద్యం స్వాధీనం చేసుకున్నారు. వివరాలు ఇలా ఉన్నాయి. న్యూ ఇయర్ వేడుకలు సమీపించిన నేపథ్యంలో కొందరు పెడ్లర్లు బెంగళూరు నుంచి డ్రగ్స్ తోపాటు నాన్ డ్యూటీ పెయిడ్ లిక్కర్ బాటిళ్లు తీసుకొస్తున్నట్టుగా ఎక్సయిజ్ స్టేట్ టాస్క్ ఫోర్స్ పోలీసులకు సమాచారం అందింది. ఈ క్రమంలో బీ టీం ఎస్ఐ బాలరాజు సిబ్బందితో కలిసి ఎయిర్ పోర్టు వద్ద నిఘా పెట్టారు. బెంగళూరు నుంచి ఎండీఎంఏ డ్రగ్ తోపాటు మద్యం బాటిళ్లు తెచ్చిన సాయిచరణ్ అనే వ్యక్తి కారులో వెళుతుండగా అదుపులోకి తీసుకున్నారు. అతని నుంచి మాదక ద్రవ్యాలు, మద్యం సీజ్ చేసి కేసులు నమోదు చేశారు. నిందితున్ని తదుపరి దర్యాప్తు నిమిత్తం శంషాబాద్ ఎక్సయిజ్ పోలీసులకు అప్పగించారు.
ఒడిషా నుంచి గంజాయి..
గంజాయి అమ్మకాలు జరుగుతున్నట్టు అందిన సమాచారంతో దాడులు జరిపిన ఎక్సయిజ్ స్టేట్ టాస్క్ ఫోర్స్ పోలీసులు ముగ్గురిని అరెస్ట్ చేశారు. వారి నుంచి 6.300 కిలోల గంజాయిని స్వాధీనం చేసుకున్నారు. ఒడిషాకు చెందిన జగన్నాథ్, సరోజ్ జలారి, బెహన్ దూరే అనే వ్యక్తులు కొత్త సంవత్సరం సందర్భంగా ఉన్న డిమాండ్ ను క్యాష్ చేసుకునేందుకు గంజాయితో హైదరాబాద్ వచ్చారు. సరూర్ నగర్ హుడా కాలనీలోని రాఘవేంద్ర భవన్ వద్ద దానిని అమ్ముతుండగా సమాచారం తెలిసి సీ టీం సీఐ వెంకటేశ్వర్లు సిబ్బందితో కలిసి దాడి చేసి ముగ్గురిని అరెస్ట్ చేశారు.
Also Read: Kichcha Sudeepa: ఇతర ఇండస్ట్రీ స్టార్స్పై సుదీప్ సంచలన వ్యాఖ్యలు
నానక్ రాంగూడలో..
ఎక్సయిజ్ డిస్ట్రిక్ట్ టాస్క్ ఫోర్స్ సీఐ పవన్ కుమార్, ఎస్ఐ శ్రీకాంత్ రెడ్డితోపాటు సిబ్బందితో కలిసి నానక్ రాంగూడలో గంజాయి అమ్ముతున్న అస్సాం రాష్ట్రానికి చెందిన దిలీప్ ను అరెస్ట్ చేసి 1.3 కిలోల గంజాయిని స్వాధీనం చేసుకున్కనారు. నిందితునిపై కేసులు నమోదు చేసి తదుపరి దర్యాప్తు నిమిత్తం శేరిలింగంపల్లి పోలీసులకు అప్పగించారు.
మద్యం బాటిళ్లు సీజ్..
ఇతర రాష్ట్రాల నుంచి నాన్ డ్యూటీ పెయిడ్ మద్యం బాటిళ్లను తీసుకు వచ్చిన ఇద్దరిని రంగారెడ్డి జిల్లా ఎక్సయిజ్ ఎన్ ఫోర్స్ మెంట్ అధికారులు అదుపులోకి తీసుకున్నారు. వారి నుంచి 64 బాటిళ్ల మద్యాన్ని స్వాధీనం చేసుకున్నారు. నిందితులకు నోటీసులు జారీ చేశారు. సీజ్ చేసిన మద్యం బాటిళ్లను మీర్ పేట ఎక్సయిజ్ పోలీస్ స్టేషన్ లో అప్పగించారు.
Also Read: Gold Rates: మహిళలకు గుడ్ న్యూస్.. నేడు భారీగా తగ్గిన గోల్డ్ రేట్స్..!
