Prabhas RajaSaab: ప్రభాస్ ‘ది రాజాసాబ్’ నుంచి మ్యూజికల్ సర్‌ప్రైజ్.. క్రిస్మస్ ట్రీట్ అదిరిందిగా..

Prabhas RajaSaab: పాన్ ఇండియా స్టార్ ప్రభాస్ హీరోగా తెరకెక్కుతున్న ‘ది రాజాసాబ్’ సినిమా నుంచి అదిరిపోయే ట్రీట్ ఇచ్చింది మూవీ టీం. తాజాగా ఈ సినిమా నుంచి క్రిస్మస్ కానుకగా ‘రాజే యువరాజే’ ప్రోమో విడుదల చేశారు. ఈ ప్రోమో ఇప్పుడు తెగ వైరల్ అవుతోంది. దీనిని చూసిన ప్రభాస్ అభిమానులు సంబరాలు చేసుకుంటున్నారు. క్రిస్మస్ కానుకగా వచ్చిన ఈ ప్రోమోలో హీరో చర్చ్ లో ప్రార్థనలు చేస్తూ కనిపిస్తారు. దీంతో రెబల్ స్టార్ ప్రభాస్ అభిమానులకు క్రిస్మస్ కానుకగా ఒక అద్భుతమైన సర్‌ప్రైజ్ లభించింది. ఈ చిన్న ప్రోమో సోషల్ మీడియాలో భారీ స్పందనను సొంతం చేసుకుంటూ సినిమాపై అంచనాలను రెట్టింపు చేస్తోంది.

Read also-Google Search Trends 2025: గూగుల్ సెర్చ్ 2025లో అత్యధికంగా సెర్చ్ అయిన టాలీవుడ్ హీరో ఎవరో తెలుసా?..

క్రిస్మస్ వేడుకల మధ్య ప్రభాస్ స్టైలిష్ ఎంట్రీ

ఈ ప్రోమో పూర్తిగా పండుగ వాతావరణంలో సాగుతుంది. రంగురంగుల లైట్లు, క్రిస్మస్ చెట్లు మరియు గిఫ్ట్ బాక్సులతో అలంకరించబడిన సెట్టింగ్ ఎంతో కలర్‌ఫుల్‌గా ఉంది. ఇందులో ప్రభాస్ చాలా స్లిమ్‌గా, స్టైలిష్ లుక్‌లో కనిపిస్తూ అభిమానులను ఆకట్టుకుంటున్నారు. ముఖ్యంగా శాంతా క్లాజ్ బొమ్మతో ఆయన చేసే సందడి చూస్తుంటే, సినిమాలో వినోదం ఏ స్థాయిలో ఉండబోతుందో అర్థమవుతోంది. ఈ పాట ప్రోమోలో వినిపిస్తున్న సంగీతం వినగానే హుషారునిచ్చేలా ఉంది. ఎస్.ఎస్. థమన్ మరోసారి తనదైన శైలిలో ఫీల్ గుడ్ ట్యూన్ అందించారు. “రాజే యువరాజే… నీది ప్రేమ… ప్రేయర్ చేస్తా కళ్ళు మూసుకో” అనే సాహిత్యంతో సాగే ఈ పాట, ప్రభాస్ క్యారెక్టర్ ఎలివేషన్‌తో పాటు ఒక స్వీట్ లవ్ స్టోరీని కూడా సూచిస్తోంది. నిధి అగర్వాల్ కూడా ఈ ప్రోమోలో మెరిసి తన గ్లామర్‌తో ఆకట్టుకుంది.

Read also-Allu Arjun: మళ్లీ అల్లు అర్జున్‌తోనే ‘గాడ్ ఆఫ్ వార్’.. త్రివిక్రమ్ మైథలాజికల్ మూవీపై క్లారిటీ!

దర్శకుడు మారుతి మార్క్

సాధారణంగా మారుతి సినిమాలు ఎంటర్టైన్మెంట్‌కు కేరాఫ్ అడ్రస్‌గా ఉంటాయి. ‘ద రాజా సాబ్’ ప్రోమోలో కూడా అదే వినోదాత్మక కోణం కనిపిస్తోంది. ప్రభాస్‌ను సరికొత్త మాడ్రన్ అవతార్‌లో చూపిస్తూనే, కథలో ఉన్న హారర్-కామెడీ ఎలిమెంట్స్ పట్ల ఆసక్తిని పెంచుతున్నారు. ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై టి.జి. విశ్వ ప్రసాద్ ఎంతో ప్రతిష్టాత్మకంగా నిర్మిస్తున్నారు. ప్రభాస్ హీరోగా నటిస్తున్న ఈ భారీ చిత్రం 2026, జనవరి 9న సంక్రాంతి కానుకగా ప్రపంచవ్యాప్తంగా థియేటర్లలో విడుదల కానుంది. కేవలం 45 సెకన్ల నిడివి ఉన్న ఈ ప్రోమోలోనే ప్రభాస్ మేనరిజమ్స్, డ్యాన్స్ స్టెప్పులు నెటిజన్లను విపరీతంగా ఆకట్టుకుంటున్నాయి. మొత్తానికి “రాజే యువరాజే” పాట పూర్తి వెర్షన్ కోసం సినిమా కోసం ప్రభాస్ ఫ్యాన్స్ ఈగర్‌గా ఎదురుచూస్తున్నారు.