Epaper 
Realme 16 Pro : స్మార్ట్ఫోన్ అభిమానులకు రియల్మీ నుంచి శుభవార్త. రియల్మీ 16 ప్రో సిరీస్ను వచ్చే ఏడాది జనవరి 6, 2026న భారత్లో అధికారికంగా విడుదల చేయనున్నట్లు కంపెనీ ప్రకటించింది. ఈ కొత్త సిరీస్తో రియల్మీ తన నంబర్ సిరీస్ లైనప్ను పెంచనుంది. ముఖ్యంగా కెమెరా క్వాలిటీ, డిజైన్, అలాగే డైలీ యూజ్ కి ప్రాధాన్యం ఇచ్చే యూజర్లను దృష్టిలో పెట్టుకుని ఈ ఫోన్లను తయారు చేసినట్లు కంపెనీ తెలిపింది. లాంచ్కు ముందే కొన్ని కీలక వివరాలను రియల్మీ అధికారికంగా వెల్లడించింది.
కొత్త డిజైన్
రియల్మీ 16 ప్రో సిరీస్లో పూర్తిగా కొత్త Urban Wild Designను పరిచయం చేస్తున్నారు. ఈ డిజైన్ను ప్రముఖ ఇండస్ట్రియల్ డిజైనర్ నావోటో ఫుకసావాతో కలిసి రూపొందించారు. ప్రకృతి నుంచి ప్రేరణ పొందిన టెక్స్చర్లు, ఆధునిక అర్బన్ లుక్ కలగలిసినట్లు ఈ డిజైన్ ఉంటుందని రియల్మీ చెబుతోంది. ఫోన్ బాడీలో బయో-బేస్డ్ ఆర్గానిక్ సిలికోన్ మెటీరియల్, కర్వ్డ్ సర్ఫేస్లు ఉండనున్నాయి. దీని వల్ల రోజంతా ఫోన్ ఉపయోగించినా చేతికి సౌకర్యంగా ఉండేలా డిజైన్ చేశామని కంపెనీ పేర్కొంది. కలర్ ఆప్షన్ల విషయానికి వస్తే.. మాస్టర్ గోల్డ్, మాస్టర్ గ్రే, కామెలియా పింక్, ఆర్కిడ్ పర్పుల్ వంటి నేచర్-ఇన్స్పైర్డ్ రంగుల్లో ఈ ఫోన్లు అందుబాటులోకి రానున్నాయి.
Also Read: Kingfisher – ED: కింగ్ఫిషర్ కేసులో ఈడీ సంచలన నిర్ణయం.. మాజీ ఉద్యోగులకు రూ.300 కోట్ల నిధులు విడుదల
కెమెరాపైనే స్పెషల్ ఫోకస్
రియల్మీ 16 ప్రో సిరీస్లో ప్రధాన ఆకర్షణ కెమెరానే. ఈ సిరీస్లో తొలిసారిగా 200MP Portrait Master కెమెరా సిస్టమ్ ను తీసుకురానున్నారు. దీని మరింత డీటైల్ ఉన్న పోర్ట్రెయిట్ ఫొటోలు, సహజమైన కలర్ అవుట్పుట్ లభిస్తుందని కంపెనీ చెబుతోంది. ఇదే సిరీస్తో రియల్మీ తన సొంత LumaColor IMAGE పోర్ట్రెయిట్ ఇమేజింగ్ టెక్నాలజీని పరిచయం చేయనుంది. ఇది వేర్వేరు లైటింగ్ కండిషన్లలో కూడా స్కిన్ టోన్స్ నేచురల్గా కనిపించేలా బ్యాలెన్స్ చేస్తుందని వివరించింది. దీన్ని మరింత మెరుగుపరచేందుకు, TÜV R సంస్థతో కలిసి LumaColor IMAGE Labను కూడా రియల్మీ ఏర్పాటు చేసింది. దీని నుంచి ఫోన్లలో కలర్ అక్యూరసీని స్టాండర్డ్గా ఉంచాలని కంపెనీ లక్ష్యంగా పెట్టుకుంది.
లాంచ్ డేట్, ఇతర వివరాలు
రియల్మీ 16 ప్రో సిరీస్ జనవరి 6, 2026న భారత్లో అధికారికంగా లాంచ్ కానుంది. అయితే ధర, పూర్తి స్పెసిఫికేషన్లు, విక్రయ వివరాలను మాత్రం లాంచ్ ఈవెంట్ సమయంలో వెల్లడించనున్నారు.
