2025 Most Expensive Phones: ప్రపంచంలోనే అత్యంత ఖరీదైన మొబైల్ ఫోన్లు ఇవే

2025 Most Expensive Phones: మీ చేతిలో ఉన్న వెయ్యి డాలర్ల ఐ ఫోన్ ( iPhone) చాలా ఖరీదైన ఫోన్ అని మీరు అనుకుంటే, ఒకసారి మీ ఆలోచన మార్చుకోవాల్సిందే. ఎందుకంటే 2025 నాటికి ప్రపంచంలో కొన్ని మొబైల్ ఫోన్లు కోట్లలో కాదు.. ఏకంగా పదుల మిలియన్ల డాలర్ల ధరతో అమ్ముడవుతున్నాయి. ఇవి టెక్నాలజీ కంటే ఎక్కువగా లగ్జరీ, స్టేటస్ సింబల్‌గా మారాయి.

ప్రపంచంలోనే అత్యంత ఖరీదైన మొబైల్ ఫోన్‌గా ఫాల్కన్ సూపర్‌నోవా ఐఫోన్ 6 పింక్ డైమండ్ ( Falcon Supernova iPhone 6 Pink Diamond ) నిలిచింది. దీని ధర ఏకంగా 48.5 మిలియన్ డాలర్లు. 24 క్యారెట్ బంగారంతో తయారైన ఈ ఫోన్ వెనుక భాగంలో భారీ పింక్ డైమండ్ అమర్చారు. ప్లాటినం కోటింగ్, హ్యాక్ ప్రొటెక్షన్ వంటి ప్రత్యేక భద్రతా ఫీచర్లు కూడా దీనిలో ఉన్నాయి. ఈ ఫోన్ ఆసియా అత్యంత సంపన్నుడు ముఖేష్ అంబానీ భార్య నీతా అంబానీ వద్ద ఉందని సమాచారం.

ఈ ఫోన్‌ను ఫాల్కన్ లగ్జరీ ( Falcon Luxury)  సంస్థ డిజైన్ చేసింది. పింక్ గోల్డ్, ప్లాటినం అనే రెండు మోడళ్లలో ఇది అందుబాటులో ఉండగా, పింక్ గోల్డ్ వేరియంట్ ఎక్కువగా ప్రాచుర్యం పొందింది. ధర ఎంత భారీగా ఉన్నా, ఇందులో 8 మెగాపిక్సెల్ రియర్ కెమెరా, 1.2 మెగాపిక్సెల్ ఫ్రంట్ కెమెరానే ఉన్నాయి. అయితే, లగ్జరీ వినియోగదారులకు అవసరమైన సెక్యూరిటీ ఫీచర్లపై కంపెనీ ఎక్కువ దృష్టి పెట్టింది.

Also Read: GHMC Ward Delimitation: మజ్లిస్ కోసమే కొత్త వార్డులు.. ప్రజాభిప్రాయం తీసుకోరా? ప్రభుత్వంపై బీజేపీ ఆగ్రహం!

రెండో స్థానంలో ఐఫోన్ 5 బ్లాక్ డైమండ్ ( iPhone 5 Black Diamond) ఉంది. దీని ధర సుమారు 15 మిలియన్ డాలర్లు. లగ్జరీ డిజైనర్ స్టువర్ట్ హ్యూజ్‌స్ రూపొందించిన ఈ ఫోన్ మొత్తం 24 క్యారెట్ బంగారంతో తయారైంది. హోమ్ బటన్‌గా బ్లాక్ డైమండ్ ఉపయోగించగా, వెనుక భాగంలో 600 తెల్ల వజ్రాలు అమర్చారు. ఆపిల్ లోగోపై కూడా 53 వజ్రాలు ఉండటం విశేషం.

ఇదే డిజైనర్ రూపొందించిన ఐఫోన్ 4ఎస్ ఎలైట్ గోల్డ్ ( iPhone 4S Elite Gold) కూడా అత్యంత ఖరీదైన ఫోన్ల జాబితాలో ఉంది. దీని ధర 9.4 మిలియన్ డాలర్లు. ఈ ఫోన్ చుట్టూ 500కి పైగా వజ్రాలు ఉండగా, హోమ్ బటన్‌గా 8.6 క్యారెట్ డైమండ్ అమర్చారు. అదనంగా, ఒక డైమండ్ పోయినా ఉపయోగించేందుకు మరో డైమండ్‌ను కూడా ప్యాక్‌లో ఇచ్చారు. ఈ ఫోన్ డైనోసార్ ఎముకలతో చేసిన ప్రత్యేక పెట్టెలో వస్తుంది.

అదేవిధంగా ఐఫోన్ 4 డైమండ్ రోజ్ ( iPhone 4 Diamond Rose) కూడా లగ్జరీ ఫోన్‌లలో ఒకటి. దీని ధర సుమారు 8 మిలియన్ డాలర్లు. ఈ ఫోన్ రోజ్ గోల్డ్‌తో తయారై, 500 వజ్రాలతో అలంకరించారు. హోమ్ బటన్‌లో 7.4 క్యారెట్ పింక్ డైమండ్ ఉండటం దీని ప్రత్యేకత. ప్రపంచంలో కేవలం రెండు యూనిట్లు మాత్రమే తయారు చేయడం దీనికి మరింత విలువను తెచ్చిపెట్టింది.

Also Read: Medchal District: మహాత్మ జ్యోతిరావు పూలే తెలంగాణ బీసీ రెసిడెన్షియల్ బాయ్స్ హాస్టల్ డిప్యూటీ వార్డెన్ సస్పెండ్!

ఇక గోల్డ్‌స్ట్రైకర్ ఐఫోన్ 3GS సుప్రీమ్ ( Goldstriker iPhone 3GS Supreme) ధర 3.2 మిలియన్ డాలర్లు. ప్లాటినం ఫ్రేమ్, 130 వజ్రాలు, 18 క్యారెట్ రోజ్ గోల్డ్ బాడీతో ఈ ఫోన్ తయారైంది. హోమ్ బటన్‌గా 7.1 క్యారెట్ డైమండ్ ఉపయోగించారు. దీనితో పాటు ఒస్ట్రిచ్ లెదర్‌తో చేసిన లగ్జరీ వాలెట్ కూడా ఇచ్చారు.

ఐఫోన్ 3జి కింగ్స్ బటన్ ( iPhone 3G King’s Button) ధర 2.5 మిలియన్ డాలర్లు. దీనిని పీటర్ అలొయిసన్ రూపొందించాడు. ఈ ఫోన్‌లో సాధారణ హోమ్ బటన్ స్థానంలో 6.6 క్యారెట్ డైమండ్ ఉంది. యెల్లో గోల్డ్, వైట్ గోల్డ్, రోజ్ గోల్డ్ మిశ్రమంతో ఈ ఫోన్ తయారైంది. ఇది అప్పట్లో ప్రపంచంలో అత్యంత ఖరీదైన ఫోన్‌లలో ఒకటిగా నిలిచింది.

ఒకప్పుడు ప్రపంచంలోనే అత్యంత ఖరీదైన ఫోన్‌గా నిలిచిన డైమండ్ స్క్రీన్‌తో స్మార్ట్‌ఫోన్ ( Diamond Crypto Smartphone) ధర 1.3 మిలియన్ డాలర్లు. ప్లాటినం బాడీ, రోజ్ గోల్డ్ కీలు, అరుదైన నీలి వజ్రాలతో ఇది తయారైంది. ముఖ్యంగా ఇందులో ఉన్న హై-లెవల్ ఎన్క్రిప్షన్ టెక్నాలజీ, కిడ్నాప్‌లు, ఫైనాన్షియల్ బెదిరింపుల నుంచి డేటా రక్షణ కోసం డిజైన్ చేశారు.

Also Read: Indigo CEO Apology: చేతులు జోడించి దేశాన్ని క్షమాపణ కోరిన ఇండిగో సీఈవో.. కేంద్రమంత్రి సమక్షంలో ఆసక్తికర ఘటన

ఈ జాబితాలో చివరగా గోల్డ్‌విష్ లే మిలియన్ ( Goldvish Le Million) , గ్రెస్సో లక్సర్ లాస్ వెగాస్ జాక్‌పాట్ ( Gresso Luxor Las Vegas Jackpot) , గోల్డ్‌విష్ రెవల్యూషన్ ( Goldvish Revolution) వంటి ఫోన్లు ఉన్నాయి. ఇవి 18 క్యారెట్ గోల్డ్, బ్లాక్ డైమండ్స్, 200 ఏళ్ల పురాతన చెక్క, లగ్జరీ వాచ్‌లతో వస్తాయి. కొన్ని మోడళ్లను కేవలం మూడు లేదా తొమ్మిది యూనిట్లకే పరిమితం చేయడం వల్ల ఇవి మరింత ప్రత్యేకంగా మారాయి.