Renigunta Airport: రేణిగుంట ఎయిర్‌పోర్టులో ఆగిపోయిన విమానం.. ఆందోళనకు గురైన ప్యాసింజర్లు

Renigunta Airport: రేణిగుంట ఎయిర్‌పోర్టు (Renigunta Airport) నుంచి హైదరాబాద్ (Hyderabad) బయలుదేరాల్సిన ఇండిగో విమానం (Indigo Flight) అనూహ్యంగా నిలిచిపోయింది. సాంతికే సమస్యను గుర్తించడంతో విమానాన్ని సిబ్బంది ఆపివేశారు. బయలుదేరడానికి సిద్ధమై, ప్రయాణికులు అందరూ విమానంలోకి ఎక్కి, సిబ్బంది అన్ని తనిఖీలను పూర్తి చేసి, రన్‌వేపైకి వెళ్లడానికి సిద్ధమవుతున్న తరుణంలోనే ఈ పరిణామం జరిగింది. ప్రయాణికులు అందర్ని కిందికి దింపేశారు. అకస్మాత్తుగా విమానం నిలిపివేస్తున్నట్టు చెప్పడంతో ప్రయాణికులు ఆందోళన వ్యక్తం చేశారు. ఈ ఘటన శనివారం జరిగింది.

అయితే, సాంకేతిక లోపాన్ని విమాన కీలక వ్యవస్థలో గుర్తించడం, లోపం తీవ్రతను వెంటనే అంచనా వేసిన పైలట్లు, ప్రయాణికుల భద్రతకు ఎలాంటి ముప్పునకు ఆస్కారం ఇవ్వకుండా రన్‌పైకి తీసుకెళ్లకూడదని నిర్ణయించారు. కాగా, ఈ విమానం హైదరాబాద్‌లోని రాజీవ్ గాంధీ అంతర్జాతీయ విమానాశ్రయం నుంచి రేణిగుంటలోని ఎయిర్‌పోర్టుకు వెళ్లిందని, తిరిగి బయలుదేరే సమయంలో ఈ సమస్య తలెత్తిందని పేర్కొన్నారు. సాంకేతిక సమస్యపై సమాచారం అందిన వెంటనే విమానాశ్రయానికి చెందిన టెక్నికల్ టీమ్ వెంటనే రంగంలోకి దిగింది. లోపాన్ని సరిదిద్దే చర్యలు మొదలుపెట్టింది.

Read Also- Deeksha Divas: సచివాలయంలో మళ్లీ తెలంగాణ తల్లి విగ్రహం ప్రతిష్ఠిస్తాం.. కేటీఆర్ కీలక వ్యాఖ్యలు

భయాందోళనకు గురైన ప్రయాణికులు

షెడ్యూల్ ప్రకారం బయలుదేరకుండా, ఎయిర్‌పోర్టులోనే విమానం నిలిచిపోవడంపై ప్రయాణికులు ఒకింత ఆందోళనకు గురయ్యారు. ఏం జరిగిందో తెలియక మొదట కొంత గందరగోళానికి గురయ్యారు. ఆ తర్వాత, సాంకేతిక లోపం గురించి, ప్రయాణం తాత్కాలికంగా ఆలస్యమవుతుందని సిబ్బంది ప్రకటించడంతో ఊపిరి పీల్చుకున్నారు. కేవలం సాంకేతిక లోపం మాత్రమేనని, ఎటువంటి ప్రమాదం లేదని సిబ్బంది చెప్పారు. సాంకేతిక లోపం త్వరగా సరిదిద్దలేని పరిస్థితి ఉంటే, ప్రయాణికులను హైదరాబాద్‌కు పంపించడంపై ప్రత్యామ్నాయ విమానాలను, లేదా ఇతర ప్రయాణ ఏర్పాట్లను చేయాలనే అంశంపై అధికారులు చర్చిస్తున్నట్టు తెలిసింది.

Read Also- Bigg Boss9: భరణి అలా అన్నందుకు ఫైర్ అవుతున్న తనూజా.. సంచాలక్ విషయంతో బిగ్ ట్విస్ట్ ..