Sabarimala Issues: విమానంలో వెళ్లే అయ్యప్ప స్వాములకు గుడ్ న్యూస్..!

Sabarimala Issues: శబరిమలలో వసతుల లేమితో తెలుగు రాష్ట్రాలకు చెందిన అయ్యప్ప భక్తులు పెద్ద సంఖ్యలో ఇబ్బందులు పడుతున్నారు. ఎన్నో వ్యయ ప్రయాసలు పడి వందల కిలోమీటర్లు ప్రయాణం చేసి శబరిమల చేరుకుంటే స్వామివారి దర్శనం కోసం ఇబ్బందులు పడే పరిస్థితి నెలకొన్నది. దీనిపై సోషల్ మీడియా(Social Media)లో పెద్దఎత్తున విమర్శలు వెల్లువెత్తుతున్నాయి. ఇదే సమయంలో విమానాల్లో ఇరుముడి విషయంపైనా జోరుగా చర్చ జరుగుతున్నది. ఇప్పటివరకు ఇరుముడిని చెక్ ఇన్ లగేజీలోకి మాత్రమే అనుమతిస్తూ వస్తున్నారు. దీనివల్ల భక్తులు అసౌకర్యానికి గురవుతున్నారు.

Also Read: Yuva Sarpanch: నామినేషన్ రెండో రోజే ఎన్నిక ఏకగ్రీవం.. సర్పంచ్‌గా 24 ఏళ్ల కుర్రాడు

ప్రత్యేక సడలింపు

దీన్ని గుర్తించిన కేంద్రం ఇకపై శబరిమల దర్శనానికి వెళ్లే అయ్యప్ప భక్తులు విమాన ప్రయాణంలో పవిత్ర ఇరుముడిని(కొబ్బరి కాయతోపాటు) తమ వెంటే ఉంచుకునే వెసులుబాటు కల్పించింది. ఈ మేరకు కేంద్రమంత్రి రామ్మోహన్ నాయుడు(Rammohan Naidu) ప్రకటన విడుదల చేశారు. ఈ ప్రత్యేక సడలింపు జనవరి 20 వరకు వర్తిస్తుందని స్పష్టం చేశారు. ఇకపై ఇరుముడిని విమాన క్యాబిన్‌లో తమతోపాటు తీసుకువెళ్లొచ్చని చెప్పారు. అయితే, ఎయిర్‌పోర్టు భద్రతా సిబ్బంది మార్గదర్శకాలను పాటించాలని సూచనలు చేశారు.

Also Read: Imran Khan’s Son: ఇమ్రాన్ ఖాన్ మృతిపై వదంతులు.. పాక్ ప్రభుత్వానికి కుమారుడు స్ట్రాంగ్ వార్నింగ్!