Epaper 
iPhone Lunch Box: ఒక స్కూల్ క్లాస్ రూమ్ లో జరిగిన సరదా సంఘటన సోషల్ మీడియాలో అందరి దృష్టిని ఆకర్షిస్తోంది. ఓ విద్యార్థి సాధారణ టిఫిన్ బాక్స్ కాకుండా.. ఖాళీ ఐఫోన్ పెట్టెలో లంచ్ తీసుకొని రావడం అందరినీ ఆశ్చర్యానికి గురిచేసింది. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది. విద్యార్థి చేసిన పనికి నెటిజన్లు విపరీతంగా నవ్వుకుంటున్నారు. ఫేమస్ అయ్యేందుకు ఆ బాలుడు పెద్ద స్కేచ్చే వేశాడని నెటిజన్లు ఫన్నీగా కామెంట్స్ చేస్తున్నారు.
వీడియో ఏముందంటే?
విద్యార్థి చేతిలో ఉన్న ఐఫోన్ బాక్స్ ను చూసి క్లాస్ టీచర్ ఆశ్చర్యపోవడం వీడియోలో చూడవచ్చు. ఇంతకీ బాక్సులో ఏముందని టీచర్ ప్రశ్నించగా.. లంచ్ (పరాటాలు) ఉందంటూ బాలుడు సమాధానం ఇచ్చాడు. దీనిని ఎవరు ప్యాక్ చేశారంటూ టీచర్ ప్రశ్నించడం వీడియోలో చూడవచ్చు. అంతేకాదు ఇది నీకు లంచ్ బాక్సులా కనిపిస్తుందా? అంటూ స్టూడెంట్ ను టీచర్ ప్రశ్నిస్తుంది. అయితే ఆ బాక్సులో ఏముందో తెలుసుకునేందుకు తోటి విద్యార్థులు ఆసక్తిగా ముందుకు రావడం కూడా వీడియోలో కనిపించింది.
క్షణాల్లోనే వైరల్..
బాలుడి ఐఫోన్ లంచ్ బాక్స్ వీడియో సోషల్ మీడియాలోకి వచ్చిన క్షణాల్లోనే వైరల్ మారింది. ఈ వీడియోపై పెద్ద ఎత్తున మీమ్స్, జోకులు, సరదా కామెంట్లు చక్కర్లు కొడుతున్నాయి. విద్యార్థి సృజనాత్మకతను పలువురు మెచ్చుకుంటున్నారు. ‘ప్రీమియం లంచ్ బాక్స్’ అంటూ దీనికి పేరు కూడా పెట్టేశారు.
Also Read: Hong Kong Fire Accident: హాంకాంగ్‌లో భారీ అగ్ని ప్రమాదం.. వెలుగులోకి షాకింగ్ నిజాలు.. ముగ్గురు అరెస్టు
నెటిజన్ల రియాక్షన్..
బాలుడి లంచ్ బాక్స్ వీడియోపై కొందరు నెటిజన్లు తమదైన శైలిలో క్యాప్షన్ కూడా ఇచ్చారు. ‘క్లాస్ రూమ్ లో అమ్మాయిల దృష్టిని భలే ఆకర్షించేశాడు’ అంటూ ఓ వ్యక్తి కామెంట్ చేశాడు. ‘బాలుడి దెబ్బకు మేడం ఈగో హర్ట్ అయ్యిందేమో’ అంటూ ఇంకొకరు వ్యాఖ్యానించారు. ‘ఒక్క దెబ్బతో క్లాస్ లో హీరోగా అయ్యాడు’ అంటూ ఇంకొకరు రాసుకొచ్చారు.
Student’s iPhone lunch box stuns teacher 😳
TEACHER : What is inside this iphone box?
BOY: Ma’am, parathas 😅**Caught between disbelief and amusement**
TEACHER: Who packed this? Does this even look like a lunch box?
INNOCENT BOY: I packed it myself 😂 pic.twitter.com/xd7ws3WcMX
— News Algebra (@NewsAlgebraIND) November 27, 2025
