Epaper 
Imran Khan: పాకిస్థాన్ మాజీ ప్రధాని ఇమ్రాన్ ఖాన్ మరణించారంటూ వచ్చిన వార్తలు దయాది దేశంలో తీవ్ర కలవరాన్ని సృష్టించాయి. గత కొంతకాలంగా జైలులో శిక్ష అనుభవిస్తున్న ఆయన్ను.. హింసించి చంపారంటూ ఒక్కసారిగా పుకార్లు మెుదలయ్యాయి. ఇమ్రాన్ ను చూసేందుకు ఆయన సోదరిమణులను జైలులోకి కూడా అనుమతించకపోవడం ఈ పుకార్లకు మరింత ఆజ్యం పోశాయి. దీంతో ఇమ్రాన్ అనుచరులు, పాకిస్థాన్ తెహ్రీక్ – ఇ – ఇన్సాఫ్ (PTI) కార్యకర్తలు వేలాదిగా జైలు వద్దకు చేరుకొని నిరసనకు దిగారు. ఈ నేపథ్యంలో ఇమ్రాన్ మృతి వార్తలపై జైలు అధికారులు అధికారికంగా స్పందించారు.
జైలు అధికారులు ఏం చెప్పారంటే?
పాకిస్థాన్ రావల్పిండిలోని అడియాలా జైలులో ప్రస్తుతం ఇమ్రాన్ ఖాన్ శిక్ష అనుభవిస్తున్నారు. ఈ క్రమంలో ఆయన మృతిపై వచ్చిన వార్తలపై జైలు అధికారులు ప్రకటన విడుదల చేశారు. ఇమ్రాన్ ను హింసించి చంపారంటూ జరుగుతున్న ప్రచారంలో ఎలాంటి వాస్తవం లేదని జైలు అధికారులు తేల్చి చెప్పారు. ఇమ్రాన్ తమ నిర్బంధంలోనే ఉన్నారని, పూర్తి ఆరోగ్యంతో జైలు జీవితం గడుపుతున్నారని స్పష్టం చేశారు. తరుచూ ఆయనకు వైద్య పరీక్షలు నిర్వహిస్తున్నామని.. విలాసవంతమైన జీవనాన్ని గడుపుతున్నారని పేర్కొన్నారు. కాబట్టి నిరాధారమైన ప్రచారాన్ని ఎవరూ నమ్మవద్దని సూచించారు.
ఇమ్రాన్‌ను చూపించాల్సిందే
అయితే ఇమ్రాన్ ఖాన్ అనుచరులు, కుటుంబ సభ్యులు జైలు అధికారుల ప్రకటనతో ఏమాత్రం సంతృప్తి చెందడం లేదు. ఇమ్రాన్ ఖాన్ ను తమకు చూపించేవరకూ వెనక్కి తగ్గబోమని స్పష్టం చేస్తున్నారు. మరోవైపు పాక్ ప్రభుత్వం.. ఇమ్రాన్ ఖాన్ మృతి వార్తలపై ఇప్పటివరకూ స్పందించకపోవడంపై కూడా అనుమానాలను మరింత పెంచుతోంది. ఇమ్రాన్ ఖాన్ పూర్తి క్షేమంగా ఉండి ఉంటే పాక్ ప్రధాని కార్యాలయం ఒక ప్రకటన విడుదల చేయవచ్చు కదా అని పీటీఐ కార్యకర్తలు ప్రశ్నిస్తున్నారు. ఇమ్రాన్ ఖాన్ ను ప్రత్యక్షంగా చూపించేవరకూ తమ నిరసనలు ఆగబోవని స్పష్టం చేస్తున్నారు. కాగా, ఇమ్రాన్ ఖాన్ మరణం నిజమైతే పాకిస్థాన్ లో మరో అంతర్యుద్ధం ఖాయమని నిపుణులు స్పష్టం చేస్తున్నారు.
There are reports and rumors claiming that Imran Khan has been killed in prison by the Pakistani military.
It is also said that Imran Khan family has stated that they have not been allowed to meet him for about a month.
Where is Imran khan ???
#ImranKhan pic.twitter.com/gsEzv4Sdt4
— Sumit (@SumitHansd) November 26, 2025
Also Read: Tiger Protection: వన్యప్రాణుల సంరక్షణలో కొత్త అధ్యాయం.. టెక్నాలజీతో పులుల గొడవలకు చెక్..!
వదంతులు ఎలా వచ్చాయంటే?
2023 ఆగస్టు నుంచి ఇమ్రాన్ ఖాన్ అడియాలా జైలులో శిక్ష అనుభవిస్తున్నారు. అయితే బలూచిస్థాన్ విదేశాంగ శాఖ తన అధికారిక ఎక్స్ ఖాతాలో పెట్టిన పోస్టు వదంతులకు కారణమైంది. పాక్ ఆర్మీ చీఫ్ అసీమ్ మునీర్, ఐస్ఐ కలిసి జైలులోని ఇమ్రాన్ ను హతమార్చినట్లు వార్తలు వస్తున్నాయని తన పోస్టులో పేర్కొంది. దీంతో పాక్ కు చెందిన పలు మీడియా సంస్థలు ఈ పోస్టును హైలెట్ చేస్తూ ప్రసారం చేశాయి. దీంతో ఇమ్రాన్ ఖాన్ సోదరిమణులు నోరిన్ ఖాన్, అలీమా ఖాన్, ఉజ్మాఖాన్ జైలు వద్దకు చేరుకొని తమ సోదరుడ్ని చూపించాలని మంగళవారం రాత్రి పట్టుబట్టారు. అయితే ఇమ్రాన్ ను చూపించకపోగా వారిపై పోలీసులు అధికారులు దాడి చేయడం ఇమ్రాన్ మృతిపై అనుమానాలను మరింత పెంచింది.
WHERE IS IMRAN KHAN?
IS HE ALIVE?
IS HE IN ADIYALA?
WHERE IS HE?No one has met Imran Khan since last 3 weeks.
Where is Imran Khan ?#WHEREISIMRANKHAN | #ImranKhan pic.twitter.com/MgZa202cI8
— Sumit (@SumitHansd) November 27, 2025
