Bus Accident: జర్నీ మూవీ సీన్ రిపీట్.. ఎదురెదురుగా ఢీకొన్న బస్సులు.. పలువురు స్పాట్ డెడ్

Bus Accident: దేశంలో వరుసగా జరుగుతున్న బస్సు ప్రమాదాలు కంటిమీద కునుకు లేకుండా చేస్తున్నాయి. బస్సు ఎక్కాలంటేనే భయపడే పరిస్థితులను కల్పిస్తున్నాయి. ఈ క్రమంలోనే తాజాగా మరో ఘోర బస్సు ప్రమాదం చోటుచేసుకుంది. రెండు బస్సులు ఎదురెదురుగా ఢీ కొన్నాయి. ఈ ఘటనలో ఆరుగురు ప్రాణాలు కోల్పోగా.. 50 మందికి పైగా గాయపడ్డారు.

తమిళనాడులోని టెంకాసి జిల్లాలో ఈ ప్రమాదం చోటుచేసుకుంది. మదురై నుండి శెంకొట్టైకి వెళ్తున్న ప్రైవేట్ బస్సు.. టెంకాసి నుండి కోవిల్‌పట్టికి వెళ్తున్న మరో బస్సును ఇడకల్ ప్రాంతం వద్ద బలంగా ఢీకొట్టింది. దీంతో బస్సు ముందు భాగాలు తీవ్రంగా దెబ్బతిన్నాయి. ప్రయాణికుల ఆర్తనాదాలతో ఘటనాస్థలి మెుత్తం భీతావాహంగా మారిపోయింది.

VIDEO | Tamil Nadu: At least six people were killed and over 30 injured in a head-on collision between two private buses in the Kamarajpuram area near Idaikal in Tenkasi district. Further details awaited.

(Full video available on PTI Videos – https://t.co/n147TvrpG7)#TamilNadu… pic.twitter.com/K0ncZuSg6w

— Press Trust of India (@PTI_News) November 24, 2025

Also Read: Gang Wars – Sajjanar: హైదరాబాద్‌లో గ్యాంగ్ వార్స్.. రంగంలోకి సజ్జనార్.. రౌడీలకు మాస్ వార్నింగ్!

స్థానికుల సమాచారంతో రంగంలోకి దిగిన అగ్నిమాపక సిబ్బంది, రెస్క్యూ టీమ్.. క్షతగాత్రులను కాపాడి సమీపంలోని ఆస్పత్రులకు తరలించారు. మదురై నుంచి శెంకొట్టైకి వెళ్తున్న బస్సు డ్రైవర్ నిర్లక్ష్యం కారణంగానే ఈ ప్రమాదం చోటుచేసుకున్నట్లు ఓ పోలీసు అధికారి తెలిపారు. అయితే ప్రమాదంలో చనిపోయిన వారి వివరాలను మాత్రం అధికారులు వెల్లడించలేదు. ప్రమాద తీవ్రత దృష్ట్యా మరణాల సంఖ్య మరింత పెరిగే ప్రమాదముందని అధికారులు అంచనా వేస్తున్నారు.

தென்காசியில் 2 பேருந்துகள் நேருக்கு நேர் மோதிய விபத்தில் 6 பேர் உயிரிழப்பு; 20-க்கும் மேற்பட்டோர் படுகாயம்#Tenkasi | #BusAccident | #DDTamilNews pic.twitter.com/D38QV81hRM

— DD Tamil News (@DDTamilNews) November 24, 2025

బస్సు ప్రమాదంపై తమిళనాడు సీఎం ఎం.కె. స్టాలిన్ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు సంతాపం తెలియజేశారు. ‘బస్సు ప్రమాదంలో ఆరుగురు ప్రాణాలు కోల్పోవడం చాలా బాధాకరం. జిల్లా కలెక్టర్ తో మాట్లాడి క్షతగాత్రులకు మెరుగైన వైద్యం అందించాలని ఆదేశించాను. ప్రభుత్వ ఆస్పత్రిని సందర్శించి నాణ్యమైన చికిత్స అందేలా చూడాలని సూచించాను. గాయపడినవారు త్వరగా కోలుకోవాలని భగవంతుడ్ని ప్రార్థిస్తున్నా’ అని ఎక్స్ వేదికగా సీఎం పేర్కొన్నారు.

தென்காசி விபத்தில் 6 பேர் உயிரிழந்தனர், 39 பேர் காயமடைந்தனர்.#Tenkasi #Accident #Bus pic.twitter.com/J9aazDt0oa

— M.M.NEWS உடனடி செய்திகள் (@rajtweets10) November 24, 2025

Also Read: Ayodhya: 100 టన్నుల పూలతో ముస్తాబైన అయోధ్య.. మంగళవారం రామ మందిరంలో జెండా ఆవిష్కరించనున్న ప్రధాని మోదీ