Nagarjuna Sagar: నాగార్జున సాగర్ ఎడమ కాలువపై ఇరిగేషన్ ఆఫీసర్లు స్పెషల్ ఫోకస్..!

Nagarjuna Sagar: నాగార్జునసాగర్ ప్రాజెక్ట్ పరిధిలోని ఎడమ కాల్వ నిర్వహణపై ఇరిగేషన్ ఆఫీసర్లు ప్రత్యేక దృష్టి సారించారు. ఈ ప్రాంతంలో సాగుచేసే పంటలకు ప్రధాన నీటి వనరుగా ఉన్నటువంటి ఎడమ కాల్వ అందుకు అనుసంధానంగా ఉన్న మేజర్ కెనాల్స్ నుంచి తరలించే సాగునీరు కాల్వ డిజైన్ సామర్థ్యం మేరకు చివరి భూముల వరకు చేర్చేందుకు ఎదురయ్యే అడ్డంకులు.. ఇతర అంశాలను పరిశీలిస్తూ పరిష్కరిస్తున్నారు. ఈ క్రమంలోనే నాగార్జున సాగర్(Nagarjuna Sagar) ఆయకట్టు పరిధిలో ప్రధాన ఎడమ కాల్వ పై ప్రాజెక్టు నిర్మాణం వేళ ఏర్పాటు చేసిన షటర్లు( తూము)లు ప్రస్తుతం శిథిలావస్థకు చేరగా వాటిని కొత్తగా నిర్మించేందుకు అధికార యంత్రాంగం సిద్ధమైంది.

షటర్ల రిపేర్లతో సాగునీటి నిర్మాణ సమస్య

సాగర్ ఎడమ కాల్వ ద్వారా నీటిని తరలించేందుకు నిర్మించిన ఓటీ( ఔట్ ఫాల్)( మేజర్ కెనాల్స్) ద్వారా నీటిని మైనర్, సబ్ మైనర్ కెనాల్స్ కు పంపిస్తుంటారు. అయితే నాగార్జున సాగర్ ఎడమ కాల్వ నిర్మాణ సమయంలో చేపట్టిన(ఓటీ) లకు ఉన్న షటర్లకు రిపేర్లు రావడంతో సాగునీటి అవసరాలకు అనుగుణంగా షటర్లను తెరిచేందుకు మూసివేసేందుకు ఇబ్బందిగా మారింది. దీంతో ఎడమ కాల్వ పై షటర్లను కొత్తవి ఏర్పాటు చేసేందుకు జంగిల్ క్లియరెన్స్ చేపట్టేందుకు అధికారులు ప్రతిపాదనలు సిద్ధం చేసి ప్రభుత్వానికి పంపించారు.

క్లియరెన్స్ పనులకు ప్రతిపాదనలు

నాగార్జునసాగర్(Nagarjuna Sagar), మిర్యాలగూడ(Miryalaguda) నియోజకవర్గ పరిధిలో ఎడమ కాల్వ 73. 800 కిలోమీటర్ల పరిధి వరకు ఉంది. అయితే ఎడమ కాల్వ పరిధిలోని 29 ఓటీల(ఔట్ ఫాల్) అదే విధంగా క్రాస్ రెగ్యు లేటర్ల వద్ద షటర్ల నిర్మాణం చేపట్టనున్నారు. రూ. 80 లక్షలతో షటర్ల నిర్మాణం కలిపి జంగిల్ క్లియరెన్స్ లకు మొత్తం రూ. 1.80 కోట్ల పనులపై ప్రభుత్వానికి ప్రతిపాదనలు పంపించారు.

Also Read: Gold Price Today: వామ్మో.. గోల్డ్ ఈ రేంజ్ లో పెరిగితే ఇంకేం కొంటాం!

2.40 లక్షల ఎకరాల సాగు

నాగార్జునసాగర్ మిర్యాలగూడ నియోజకవర్గ పరిధిలో నిర్మాణమై ఉన్న ప్రధాన ఎడమ కాల్వ నీటితో పాటు చెరువులు, బోర్ల కింద 2.40 లక్షల ఎకరాల ఆయకట్టు ఉంది. కాగా ఇరిగేషన్ మిర్యాలగూడ సబ్ డివిజన్ 4 పరిధి లోని ఎడమ కాల్వ కింద 42 మేజర్ కాల్వలు ఉన్నాయి. వీటి ద్వారా సుమారు 1.48 లక్షల ఎకరాలు సాగవుతుంది. ఎడమ కాల్వపై షటర్లను పునరుద్ధరించడంతో పాటు జంగిల్ క్లియరెన్స్ చేయనున్న నేపథ్యంలో రైతులకు ట్రాక్టర్లలో ఇతర వాహనాల్లో ధాన్యం తరలింపుకు చివరి భూములకు సాగునీటి ఇబ్బందులు తొలగనున్నాయి.

రూ. 27 లక్షలతో చేపట్టనున్న పనులు

పెద్దదేవులపల్లి చెరువు కట్ట పై జంగిల్ క్లియరెన్స్ కు రూ. 11 లక్షలు, జనరేటర్ గది ఏర్పాటుకు రూ. 16 లక్షలు కలిపి మొత్తం రూ. 27 లక్షలతో ప్రతిపాదనలు సిద్ధం చేయగా టెక్నికల్ దశలో ఉంది. పెద్దదేవులపల్లి చెరువుకట్ట పై చేపట్టనున్న పనులపై టెక్నికల్ పర్మిషన్ అనంతరం టెండర్లను పిలుస్తామని ఇరిగేషన్ ఆఫీసర్లు చెప్పారు.

2.07 కోట్లతో చేపట్టనున్న పనులకు ప్రతిపాదనలు

మిర్యాలగూడ ఇరిగేషన్ సబ్ డివిజన్-4 డీఈ మాలు మిర్యాలగూడ ఇరిగేషన్ సబ్ డివిజన్-4 పరిధిలో నాగార్జునసాగర్ ఎడమ కాల్వ పై చేపట్టనున్న షటర్లు జంగిల్ క్లియరెన్స్, జనరేటర్ ఏర్పాటుకు రూ. 2.07 కోట్లతో ప్రతిపాదనలు సిద్ధం చేసి ప్రభుత్వానికి పంపించాం. ప్రస్తుతం పెద్దదేవులపల్లి చెరువు కట్ట జంగిల్ క్లియరెన్స్ జనరేటర్ ఏర్పాటు పై టెక్నికల్ దశలో ఉంది.

Also Read: Koratla MLA: ఇందిరమ్మ ఇండ్లకు డబ్బు అడిగితే.. రోకలి బండతో కొట్టండి.. బీఆర్ఎస్ ఎమ్మెల్యే