Epaper 
Koratla MLA: ఇందిరమ్మ ఇండ్ల అనుమతుల కోసం కొన్ని చోట్ల డబ్బులు డిమాండ్ చేస్తున్నట్లు వార్తలు వస్తున్న సంగతి తెలిసిందే. ఈ నేపథ్యంలో బీఆర్ఎస్ నేత, కోరుట్ల నియోజక వర్గం (Koratla Assembly constituency) ఎమ్మెల్యే కల్వకుంట్ల సంజయ్ కీలక వ్యాఖ్యలు చేశారు. ఇందిరమ్మ ఇండ్ల కోసం డబ్బు అడిగితే.. రోకలి బండతో నెత్తి పగలగొట్టాలని పిలుపునిచ్చారు. కావాలంటే మీ తరపున తాను జైలుకు వెళ్తానని పేర్కొన్నారు. ప్రస్తుతం ఈ వ్యాఖ్యలు తెలంగాణ రాజకీయాల్లో తీవ్ర చర్చకు దారితీశాయి.
కోరుట్ల నియోజకవర్గంలో జరిగిన సమావేశంలో ఎమ్మెల్యే కల్వకుంట్ల సంజయ్ (Kalvakuntla Sanjay) పాల్గొని మాట్లాడారు. ఇందిరమ్మ ఇండ్ల కోసం డబ్బులు డిమాండ్ చేస్తున్నట్లు తన దృష్టికి వచ్చిందని చెప్పారు. మధ్యవర్తుల వల్ల ప్రజల ఇబ్బందులు పడుతున్నట్లు తనకు సమాచారం ఉందన్నారు. ఇందిరమ్మ ఇండ్లకు ఒక రేటు, రేషన్ కార్డుకు ఒక రోడ్డు చొప్పు నేతలు వసూళ్లకు పాల్పడుతున్నారని మండిపడ్డారు. ప్రభుత్వం నుంచి పథకాలు పొందడం మన హక్కు అన్న ఎమ్మెల్యే.. దానిని డబ్బుతో ఎవరు కొనుక్కోవద్దని చెప్పారు. డబ్బు ఇవ్వాలని డిమాండ్ చేస్తే రోకలి బండతో కొట్టాలని సూచించారు.
Also Read: Maoists Surrender: మావోయిస్టులకు బిగ్ షాక్.. ఏకంగా 37 మంది లొంగుబాటు.. డీజీపీ కీలక ప్రకటన
గత బీఆర్ఎస్ పాలనలో మధ్యవర్తితో సంబంధం లేకుండా నేరుగా లబ్దిదారుల ఖాతాల్లో నగదు జమ అయ్యేవని ఎమ్మెల్యే కల్వకుంట్ల సంజయ్ అన్నారు. పింఛన్లు, రైతు బంధు, కళ్యాణ లక్ష్మీ ఇలా ఏ నగదైన లబ్దిదారుల ఖాతాకే నేరుగా వెళ్లిపోయేవని గుర్తుచేశారు. ప్రస్తుత కాంగ్రెస్ పాలనలో అలాంటి పరిస్థితి లేదని మండిపడ్డారు. అయితే ఎవరికి ఏ కష్టమున్న తనను నేరుగా సంప్రదించవచ్చని చెప్పారు. అధికారులందరికీ జీతాలు వస్తున్నాయని.. ఎవరికీ ఒక్క రూపాయి కూడా ఇవ్వొద్దని ప్రజలకు హితవు పలికారు.
కోరుట్ల ఎమ్మెల్యే కల్వకుంట్ల సంజయ్ కీలక వ్యాఖ్యలు
ఇందిరమ్మ ఇండ్ల కోసం ఎవరైనా డబ్బులు అడిగితే వాళ్లని రోకలి బండతో కొట్టండి
కావాలంటే మీ తరపున జైలుకు నేను వెళ్తా
పథకాల కోసం ఎవ్వరికీ ఒక్క రూపాయి కూడా ఇవ్వకుండి
ఇట్లాంటి దొంగలు ఉంటారని తెలిసే కేసీఆర్, పథకాల డబ్బులను నేరుగా… pic.twitter.com/gUGqJSXMUq
— BIG TV Breaking News (@bigtvtelugu) November 22, 2025
