Epaper 
Tiger: గత వారం రోజులుగా శంషాబాద్ ఎయిర్పోర్టులో కలకలం రేపిన చిరుత సంచారం సుఖాంతం
అయింది. ఐదు రోజులపాటు బోను వరకు వచ్చి వెనుదిరిగిన చిరుత ఎట్టకేలకు శుక్రవారం చిక్కింది.
మేకను ఎరగా వేసినా ఆ చిరుత అటువైపుగా రాలేదు. బోనులు వేసినా చిక్కలేదు. చివరకు శుక్రవారం
ఎరగా వేసిన మేకను తినడానికి వచ్చి ఓ బోనులోకి చిక్కుకుంది.
గొల్లపల్లి మీదుగా ఎయిర్పోర్టు వైపు వచ్చిన చిరుత ఫెన్సింగ్ దూకి రన్ వే పైకి దూసుకొచ్చింది. ఐదు
రోజుల క్రితం ఆ చిరుత రన్ వేపైకి వచ్చింది. దీంతో అలార్మ్స్ మోగడంతో అధికారులు సీసీకెమెరాల్లో చూసి
గుర్తించారు. అటవీ శాఖ అధికారులకు ఎయిర్పోర్టు అధికారులు సమాచారం ఇచ్చారు. దీంతో ఆ
చిరుతను పట్టుకోవడానికి అటవీ శాఖ అధికారులు తీవ్రంగా శ్రమించారు. ఐదు బోనులు ఏర్పాటు చేశారు.
20 ట్రాప్ కెమెరాలూ పెట్టారు.
Also Read: చిరుత.. దోబూచాట
ఐదు రోజుల వరకు ఆ చిరుత బోను వద్దకు వచ్చి తిరిగి వెళ్లిపోయింది. మేకను ఎరగా వేసినా పులి
చిక్కకపోవడం గమనార్హం. ఎట్టకేలకు శుక్రవారం మేకను మరోసారి ఎరగా వేసి సక్సెస్ అయ్యారు. ఆ
చిరుత మేక కోసం వచ్చి బోనులో చిక్కింది. ఎయిర్పోర్టు నుంచి ఆ చిరుతను నెహ్రూ జూపార్క్కు
తరలించారు. అక్కడ వైద్య పరీక్షలు నిర్వహించి ఒక రోజుపాటు జూ అధికారులు తమ పర్యవేక్షణలో
ఉంచనున్నారు. ఆ తర్వాత రోజు నల్లమల అడవిలో వదిలిపెట్టనున్నట్టు అటవీ శాఖ అధికారులు
వెల్లడించారు.
