Gang Arrested: సినిమా రేంజ్ లో హత్యకు ప్లాన్.. తుస్సుమనిపించిన పోలీసులు!

Gang Arrested: వ్యాపార…వ్యక్తిగత కక్షలతో రౌడీషీటర్​ హత్యకు కుట్ర చేసిన గ్యాంగును సౌత్​ వెస్ట్​ జోన్​ టాస్క్​ ఫోర్స్​ అధికారులు లంగర్​ హౌస్​ పోలీసులతో కలిసి అరెస్ట్​ చేశారు. నిందితుల నుంచి రెండు నాటు తుపాకులు, అయిదు బుల్లెట్లు, క్వాలిస్ కారుతోపాటు మొబైల్​ ఫోన్లను స్వాధీనం చేసుకున్నారు. టాస్క్​ ఫోర్స్​ అదనపు డీసీపీ అందె శ్రీనివాస రావు, సౌత్​ వెస్ట్​ జోన్​ అడిషనల్​ డీసీపీ మహ్మద్​ ఇక్భాల్​ సిద్దిఖీ తెలిపిన ప్రకారం వివరాలు ఇలా ఉన్నాయి.

నార్సింగి పోలీస్​ స్టేషన్​ లో రౌడీషీటర్​ గా నమోదై ఉన్న అహమద్​ అలీఖాన్​, ఆమెర్​ లు అన్నదమ్ములు. కాగా, లంగర్​ హౌస్​ పెన్షన్ పురా నివాసి సయ్యద్​ అఫ్రోజ్​ (37) ఈ ఇద్దరితో కలిసి రియల్​ ఎస్టేట్​ వ్యాపారం చేయటం మొదలు పెట్టాడు.

 Also Read: Hydra demolition: ఏపీని తాకిన హైడ్రా ప్రకంపనలు.. టీడీపీ ఎమ్మెల్యే భూముల్లో కూల్చివేతలు..

వివాదాల్లో ఉన్న భూములు, ఆస్తులకు సంబంధించిన వివరాలను సేకరించి వాటిని సెటిల్ మెంట్లు చేయటం ఆరంభించాడు. ఈ క్రమంలో అహమద్​ అలీఖాన్​, ఆమెర్​ లు సెటిల్​ మెంట్ల ద్వారా వచ్చిన డబ్బులో సయ్యద్​ అఫ్రోజ్​ కు ఇస్తామన్న వాటా ఇవ్వలేదు. దాంతోపాటు మరో ఇద్దరు భాగస్వాములు మహ్మద్​ షా ఒవైస్​, సయ్యద్​ ఫిర్దౌజ్​ లకు కూడా ఇస్తామన్న డబ్బు ఇవ్వకుండా ఎగ్గొట్టారు. దాంతో సయ్యద్​ అఫ్రోజ్​, మహ్మద్​ షా ఒవైస్​, సయ్యద్​ ఫిర్దౌజ్​ లు అహమద్​ అలీఖాన్​, ఆమెర్ లపై కక్ష పెంచుకున్నారు.

ఎలాగైనా సరే పగ తీర్చుకోవాలని నిర్ణయించుకున్నారు. అదే సమయంలో వీరికి సయ్యద్​ ఇంతియాజ్​ అలీ జతయ్యాడు. అహమద్​ అలీఖాన్​, ఆమెర్​ లు సహచరులతో కలిసి తన సోదరుడు సయ్యద్​ ఫయాజుద్దీన్​ ను హత్య చేశారని చెప్పిన ఇంతియాజ్​ అలీ తాను కూడా పగ తీర్చుకోవటానికి అవకాశం కోసం చూస్తున్నట్టు చెప్పాడు. వీరికి మహ్మద్​ షా ఒవైస్​ మేనల్లుడు మహ్మద్​ అర్భాజ్​ ఖాన్, మహ్మద్​ జమీల్​ లు​ కూడా తోడయ్యారు.

 Also RTead: Samantha: స్పీడ్ పెంచిన సామ్.. పక్కా ప్లాన్ తో రెడీ అయిన సమంత

ఆ తరువాత అంతా కలిసి కలిసి అహమద్​ అలీఖాన్​, ఆమెర్ లను హత్య చేయటానికి కుట్ర చేశారు. దీంట్లో భాగంగా సయ్యద్​ అఫ్రోజ్​ తనకు పరిచయం ఉన్న అత్తాపూర్ పోలీస్​ స్టేషన్​ రౌడీషీటర్​ జాబేర్​ నుంచి రెండు నాటు తుపాకులు, అయిదు బుల్లెట్లు కొన్నాడు. అందరూ కలిసి అహమద్​ అలీఖాన్​, ఆమెర్​ లను చంపటానికి రెక్కీ ప్రారంభించారు. కుట్రను అమలు చేయటానికి అవకాశం కోసం ఎదురు చూస్తున్నారు.

ఈ మేరకు పక్కగా సమాచారాన్ని సేకరించిన సీఐలు రఘుకుమార్​, బాలస్వామి, ఎస్సైలు రాఘవేంద్ర స్వామి, అజిత్​ సింగ్​, శరత్​ చంద్రతోపాటు సిబ్బందితో కలిసి దాడి చేసి సయ్యద్​ అఫ్రోజ్​, మహ్మద్​ షా ఒవైస్​, మహ్మద్​ అర్భాజ్​ ఖాన్​, సయ్యద్ ఫిర్దౌజ్​, సయ్యద్​ ఇంతియాజ్​ అలీలను అరెస్ట్​ చేసి వారి నుంచి నాటు తుపాకులు, బుల్లెట్లు, కారు, మొబైల్​ ఫోన్లను స్వాధీనం చేసుకున్నారు. పరారీలో ఉన్న జాబేర్​, మహ్మద్​ జమీల్​ ల కోసం గాలిస్తున్నారు.

స్వేచ్ఛ ఈ పేపర్ కోసం ఈ  https://epaper.swetchadaily.com/ లింక్ క్లిక్ చేయగలరు