Cyber Criminal Arrested: సైబర్ నేరగాళ్లతో దోస్తీ.. ఎట్టకేలకు కటకటాల్లోకి..

తెలంగాణ బ్యూరో  స్వేచ్ఛ: Cyber Criminal Arrested: సైబర్​ క్రిమినల్స్​ తో జతకట్టి డిజిటల్​ అరెస్ట్​ పేరుతో వ్యక్తి నుంచి డబ్బు కొల్లగొట్టిన నిందితురాలిని హైదరాబాద్​ సైబర్ క్రైం పోలీసులు అరెస్ట్​ చేశారు. నిందితురాలి నుంచి 2 మొబైల్​ ఫోన్లు. 9 చెక్​ బుక్కులు, 3 పాస్​ బుక్కులు, క్యూఆర్​ కోడ్​ స్కానర్​, 3 ఏటీఎం కార్డులు, 5 సిమ్​ కార్డులను స్వాధీనం చేసుకున్నారు. సైబర్​ క్రైం డీసీపీ డీ.కవిత తెలిపిన ప్రకారం వివరాలు ఇలా ఉన్నాయి. హైదరాబాద్​ లో నివాసముంటున్న ఓ వ్యక్తికి ఇటీవల ముంబయి బాంద్రాలోని కుర్లా పోలీస్​ స్టేషన్​ నుంచి వచ్చినట్టుగా ఓ ఫోన్​ కాల్​ వచ్చింది.

ఫోన్ చేసిన వ్యక్తి తనను తాను హెడ్​ కానిస్టేబుల్​ గా పరిచయం చేసుకున్నాడు. ఐసీఐసీఐ బ్యాంక్​ కుర్లా బ్రాంచ్​ లో నీ పేరన ఉన్న ఖాతా నుంచి పెద్ద ఎత్తున అక్రమ లావాదేవీలు జరిగాయంటూ బాధితున్ని భయపెట్టాడు. అనంతరం స్కైప్​ యాప్​ ద్వారా బాధితునికి ఫోన్​ చేసి ఇప్పటికే కేసులు నమోదైన నేపథ్యంలో అరెస్ట్​ తప్పదంటూ బాధితున్ని బెదరగొట్టాడు. అలా కాకుండా ఉండాలంటే తాను చెప్పిన ఖాతాలోకి నగదును ట్రాన్స్​ ఫర్ చేయమన్నారు.

 Also Read: Vanguard in TG: అభివృద్ధిలో రేవంత్ మార్క్.. రాష్ట్రానికి టాప్ గ్లోబల్ కంపెనీ.. భారీగా జాబ్స్!

విచారణ పూర్తి చేసి 24 గంటల్లో డబ్బు వాపసు చేస్తామని, దాంతోపాటు పోలీస్​ క్లియరెన్స్ సర్టిఫికెట్​ కూడా ఇస్తామన్నాడు. దాంతో బాధితుడు బ్యాంక్​ నుంచి లోన్​ తీసుకుని మరీ సైబర్ క్రిమినల్​ చెప్పిన ఖాతాలోకి 3.58లక్షల రూపాయలను బదిలీ చేశాడు. ఆ తరువాత జరిగింది మోసమని తెలుసుకుని సైబర్​ క్రైం పోలీసులకు ఫిర్యాదు చేశాడు. ఈ మేరకు సీఐ నరేశ్​ కేసులు నమోదు చేసి ఎస్సై మన్మోహన్​, హెడ్​ కానిస్టేబుల్​ ఫిరోజ్​, కానిస్టేబుళ్లు రాకేశ్​, భార్గవిలతో కలిసి దర్యాప్తు ప్రారంభించారు.

ఈ మోసానికి పాల్పడ్డ గుంటూరు జిల్లాకు చెందిన తోట శ్రీనివాస రావు, జీవన్​ కుమార్​, రఘువీర్​ లను ఇటీవల అరెస్ట్​ చేశారు. విచారణలో నిందితులు వెల్లడించిన వివరాల మేరకు తాజాగా కొంపల్లి నివాసి, రియల్ ఎస్టేట్​ వ్యాపారి అయిన కే.రితికను అరెస్ట్​ చేశారు. నిందితురాలిని కోర్టులో హాజరుపరిచి జ్యుడిషియల్​ రిమాండ్​ కు తరలించారు.

స్వేచ్ఛ ఈ పేపర్ కోసం ఈ https://epaper.swetchadaily.com/ లింక్ క్లిక్ చేయగలరు