Gadwal District: కుక్కలతో జనాలు బెంబేలు.. ఫిర్యాదు చేసినా పట్టించుకోని అధికారులు

Gadwal District: జోగులాంబ గద్వాల జిల్లాలో రోజురోజుకు కుక్కలు పెరగడంతో ప్రజలు భయభ్రాంతులకు గురవుతున్నారు. కుక్కల వల్ల ఎప్పుడు ఎలాంటి ప్రమాదం సంభవిస్తుందోనని ప్రజలు బిక్కు బిక్కుమంటూ వాటి ముందే రాకపోకలు కొనసాగిస్తున్నారు. పాఠశాలకు వెళ్ళే విద్యార్థులు తిరిగి ఇంటికి వచ్చే వరకు ఎక్కడ కుక్కల కాటుకు గురవుతారోనని తల్లిదండ్రులు భయాందోళనకు గుర వుతున్నారు. పిల్లలు ఇంటికి రాగానే హమ్మయ్య అంటూ ఊపిరి పీల్చుకుంటున్నారు. కుక్కల బెడద నుంచి కాపాడాలని పలుమార్లు మున్సిపాలిటీలలో సంబంధిత అధికారులకు, ఆయా గ్రామ పంచాయతీల సెక్రటరీలకు ఎన్నిసార్లు మొదపెట్టుకున్నా కుక్కలను పట్టణాలు,మండల కేంద్రాలు, గ్రామాల నుంచి తరలించే ప్రక్రియ చేపట్టకుండా కాలయాపన చేస్తున్నారని ప్రజలు విమర్శిస్తున్నారు. ఎక్కడైనా కుక్కల మంద.కనబడితే అయ్య బాబోయ్ కుక్కలు అంటూ చిన్నారులు పరుగులు తీస్తున్నారు. వివిధ ప్రాంతాలలో కుక్కల బారిన చిన్న చిన్న పిల్లలను కరుస్తున్నాయనే వార్త తెలుసుకున్న ప్రజలు తమ పిల్లలకు ఎలాంటి ఉపద్రవం వచ్చి పడుతుందోనని చిన్నారుల తల్లిదండ్రులు వాపోతున్నారు

పెరుగుతున్న కుక్కల సంఖ్య

రోజు రోజుకు కుక్కల సంఖ్య పెరగడమే తప్ప తగ్గడం లేదని ఆయా గ్రామాల ప్రజలు ఆరోపిస్తు న్నారు.ఇటు ప్రజా ప్రతినిధులు గానీ అటు అధికారులు గానీ గ్రామ సింహాలను నివారించడంలో విఫలమవుతున్నారని ప్రజలు విమర్శిస్తున్నారు.

పట్టించుకోని పంచాయతీ సిబ్బంది

గ్రామాల్లో కుక్కల బెడద తీవ్రమవుతున్నా పలువురు కుక్కకాటుకు గురవుతున్నా పంచాయతీ సిబ్బంది మాత్రం పట్టించుకోవడం లేదు. పలుమార్లు అధికారులకు ఫిర్యాదులు చేసినా కనీస చర్యలు చేపట్టడం లేదనే ఆరోపణలు ఉన్నాయి. వీధి కుక్కల కుటుంబ నియంత్రణ చర్యలు తీసుకోవాల్సిన అధికారులు పట్టించుకోవడం లేదంటున్నారు. ఇప్పటికైనా గ్రామాల్లో పెరిగిపోతు న్న వీధి కుక్కల సంఖ్యను తగ్గించి వాటి నుంచి తమ పిల్లలను కాపాడాలని తల్లిదండ్రులు వేడుకుంటున్నారు.

Also Read: Kaantha Review: కాంతా మూవీ రివ్యూ.. భయాన్ని జయించి నిజం కోసం నిలిచిన కథ

రాకపోకలు సాగించే వారిపై..

జోగులాంబ గద్వాల జిల్లా కేంద్రంతో పాటు మున్సిపాలిటీలు, మండలాలు, గ్రామాలలో కుక్కల సంఖ్య విపరీతంగా పెరిగిపోతుంది చికెన్ మటన్ సెంటర్ల నిర్వాహకులు మాంసం వ్యర్థాలను రోడ్లపైనే పారేస్తున్నడంతో వాటిని తినడానికి షాప్ లో వద్ద కుక్కలు గుంపులుగా కాపు కాస్తున్నాయి. వీర సున్నికాలతో ప్రజలు బెంబేలెత్తుతున్నారు ముక్కుముడిగా దాడులకు పాల్పడుతాయి అని ప్రజలు ఆందోళన చెందుతున్నారు. గద్వాలలోని పలు వీధులలో పదుల సంఖ్యలో గుంపులుగా దర్శనమిస్తున్నాయి. వీధులలోనే రహదారులలో గుంపులుగా సంచరిస్తూ ఆయా మార్గాలలో రాకపోకలు సాగించే వారిపై ముక్కుమూడిగా దాడులకు పాల్పడుతున్నాయి రాత్రి సమయాల్లో రోడ్లపైకి రావాలంటే ప్రజలు వాహనదారులు భయపడుతున్నారు. ఎటు నుంచి వేధిస్తున్నకం తనపై దాడి చేస్తుందేమోనని ప్రాణాలు గుపిట్లో పెట్టుకుని మరీ రాకపోకలు సాగిస్తున్నారంటే పరిస్థితి ఎలా ఉందో ఇట్టే అర్థం అవుతుంది.జిల్లాలోని ఆయా మండలాల పరిధిలో గడిచిన ఐదు నెలలలోనే 720 కేసులు నమోదయ్యాయి. అంటే కుక్కలు ఏ విధంగా విజృంభిస్తున్నాయో అర్థం చేసుకోవచ్చు. వీధి కుక్కలు కరిచిన వెంటనే సకాలంలో వైద్యం చేయించుకోవాలని, వ్యాక్సిన్ వేయని కుక్కలు కరిస్తే రేబీస్ వ్యాధి వ్యాపించి మనిషి మరణానికి కారణ

గుంపులుగా తిరుగుతూ..

అంతేగాక కుక్కలు గుంపులుగా తిరుగుతూ ఒంటరి మహిళలు చిన్నారుల పై తరచుగా దాడులకు తెగ పడుతున్నాయి రోడ్లపై నుంచి వెళ్లే వాహనదారులపై కూడా దాడులు చేస్తున్నాయి దాంతో కుక్కలను చూస్తేనే జనాలు జంకుతున్నారు ఉదయం, రాత్రి వేళల్లో దాడుల్లో అధికంగా ఉంటున్నాయని బాధితులు వాపోతున్నారు. అంతేకాకుండా గొర్రెలు, మేకలపై సైతం దాడి చేసి చంపుతున్నాయని, గ్రామాలలో కుక్కల నివారణకు పంచాయతీ అధికారులు చొరవ తీసుకోవాలని గ్రామాల ప్రజలు కోరుతున్నారు.

ఇటీవల పెరుగుతున్న కేసులు

జిల్లాలోని ప్రభుత్వ ఆసుపత్రిలో నిత్యం కుక్క కాటు కేసులు నమోదవుతున్నాయి . గద్వాలలోని వీధులలో కుక్కల సంఖ్య విపరీతంగా పెరుగుతోంది.అలంపూర్ నియోజకవర్గంలోని వల్లూరు గ్రామానికి చెందిన ఒక వ్యక్తిపై వీధి కుక్క దాడి చేయడంతో ముఖంపై తీవ్రమైన గాయాలయ్యాయి. ఐజ మున్సిపాలిటీలో సైతం వీధిలో ఆడుకుంటుండగా చిన్నారిపై కుక్కలు దాడి చేసిన సంఘటన చోటుచేసుకుంది. ఇటిక్యాల మండలం ఉదండపురం గ్రామంలో చికెన్ షాప్ దగ్గరలో ఆ షాప్ నిర్వాహకులు వేసిన వ్యర్ధాల కోసం కుక్కల గుంపు వాటికోసం కొట్లాడుతుండగా సమీపంలో వెళుతున్న వ్యక్తిపై దాడి చేసింది.

చర్యలు తీసుకుంటాం: మున్సిపల్ కమిషనర్

గద్వాల మున్సిపాలిటీలో వీధి కుక్కలు నియంత్రణకు చర్యలు తీసుకుంటాం. ఇప్పటికే వాటి గుర్తింపు ప్రక్రియ మొదలైంది. రానున్న రోజులలో వాటిని తరలించేందుకు ఏర్పాట్లు చేస్తాం.

Also Read: JetLee movie: కమెడియన్ సత్య కొత్త మూవీ టైటిల్ ఇదే.. అప్పుడే నవ్వించడం స్టార్ట్ చేశాడుగా..