Viral video: లగ్జరీ హోటల్‌లో 4 గంటల పెళ్లికి రూ.40 లక్షల ఖర్చు.. ప్లేట్ మీల్ ఖరీదు ఎంతో తెలిస్తే షాకే!

Viral video: ఈ రోజుల్లో పెళ్లిళ్లు చాలా ఖర్చుతో కూడుకున్న వ్యవహారంగా మారిపోయాయి. ఆభరణాలు, వేదికలు, కెటరింగ్‌, అలంకరణలు, ఫొటోగ్రఫీ వంటివి ఒకెత్తు అయితే, ఇటీవల కాలంలో లగ్జరీ ప్యాలెస్‌లు, స్టార్ హోటళ్లలో వేడుకలు చేసుకొని, డెస్టినేషన్ వెడ్డింగ్‌లు అంటూ కోట్లాది రూపాయలు కుమ్మరిస్తున్నారు. . రాజమహల్‌లా అలంకరణలు, ప్రత్యేక థీమ్‌లు, గ్రాండ్ రిసెప్షన్‌లు పెళ్లి ఖర్చులను అమాంతం పెంచేస్తున్నాయి. అలాంటి ఓ పెళ్లికి హాజరైన ఒక వ్యక్తి అక్కడ ఎంత ఖర్చు జరిగిందో, అనుభూతి ఎలా ఉందో కళ్లకు కట్టినట్టు చెప్పాడు. ఒక వీడియోను కూడా రికార్డ్ చేసి పంచుకున్నాడు. ఆ వీడియో నెట్టింట తెగ వైరల్ (Viral video) అవుతోంది.

Read Also- Thummala Nageswara Rao: 2047 నాటికి తెలంగాణను 3 ట్రిలియన్ ఎకానమీగా తీర్చిదిద్దే ప్రభుత్వ లక్ష్యం : మంత్రి తుమ్మల నాగేశ్వరరావు

జైపూర్‌లోని ఓ ఫైవ్-స్టార్ హోటల్‌లో జరిగిన ఓ పెళ్లికి తాను హాజరయ్యానని, కేవలం 4 గంటల వివాహ వేడుకకు రూ.37.40 లక్షల ఖర్చు అయ్యిందని సదరు వ్యక్తి తెలిపాడు. ‘‘నేను ఇప్పుడు జైపూర్‌లోని ఓ లగ్జరీ ఫైవ్ స్టార్ హోటల్‌లో కూర్చుని ఉన్నాను. ఒక పెళ్లికి హాజరు కావడానికి వచ్చాను. ఈ వీడియో చేయడానికి కారణం ఏంటంటే, నేను ఇప్పుడే రూ.37 లక్షల 40 వేల బిల్లుపై సంతకం చేశాను. పెళ్లికి హాజరైనవాళ్లు రాత్రి ఈ హోటల్‌లోనే బస చేస్తున్నారు. కాబట్టి, ఆ బిల్లు రేపు చెల్లిస్తాం. కేవలం 4 గంటలకే సుమారు రూ.40 లక్షలు బిల్లు. పెళ్లి ఎంతకాలం ఉంటుంది?, బంధం ఎన్ని సంవత్సరాలు కొనసాగుతుంది?’’ అంటూ సదరు వ్యక్తి వ్యాఖ్యానించారు. ఈ వీడియో ద్వారా తాను ఇచ్చే సందేశం ఏంటంటే, వివాహ వేడుకను తక్కువ ఖర్చుతో చేయాలని, కష్టకాలంలో అండగా నిలబడే వారిని మాత్రమే పెళ్లి వేడుకల భాగం చేసుకోవాలని పిలుపునిచ్చాడు. పెళ్లిని ఒక పెద్ద ఈవెంట్‌ మాదిరిగా కాకుండా, జీవితంలో ఒక ముఖ్య ఘట్టంగా మలుచుకోవాలని పిలుపునిచ్చాడు.

Read Also- GHMC: రూ. 3764.28 కోట్లకు కౌన్సిల్ గ్రీన్ సిగ్నల్..హెచ్ సిటీ పనులపై ఫోకస్ చేయనున్న జీహెచ్ఎంసీ కమిషనర్!

ప్లేటు భోజనానికి రూ.3,440

పెళ్లిలో ఖరీదైన విందు గురించి కూడా సదరు వ్యక్తి చమత్కారంగా మాట్లాడాడు. ప్లేట్ భోజనానికి ట్యాక్స్‌తో కలిపి రూ.3,440 బిల్లు పడిందని చెప్పాడు. చెప్పాల్సిన ఇంకొక నిజం ఏమిటంటే, తాను 250 గ్రాములు కూడా తినలేదని వెల్లడించాడు. మూంగ్ దాల్ హల్వా, చిన్నపాటి పాపడ్ ఒకటి, బ్రోకలీ, బాదం సూప్ తిని ఉంటాను అంతే, అదే తన డిన్నర్ అని. డబ్బంతా వృథా అని ఆ వ్యక్తి విచారం వ్యక్తం చేశాడు.

ఆ డబ్బుని ఫిక్స్‌డ్ చేయండి

వీడియో షేర్ చేసిన వ్యక్తి ఓ ముఖ్యమైన సలహా కూడా ఇచ్చాడు. పెళ్లికి విలాసవంతంగా పెట్టే డబ్బుతో కూతురికి ఫిక్స్‌డ్ డిపాజిట్ చేసి ఇవ్వండంటూ సూచించాడు. ఆమె తన జీవితాన్ని ఆనందంగా గడుపుతుందని, కడుపు నిండిన వారికి అన్నం పెట్టకండి అంటూ సూచన చేశాడు. కాగా, దేశవ్యాప్తంగా పెళ్లిళ్లు పెద్ద సంఖ్యలో జరుగుతున్నారు. 45 రోజుల వ్యవధిలో 40 లక్షలకు పైగా వివాహాలు జరుగుతాయని అంచనాగా ఉంది.

People in India really need to understand this pic.twitter.com/Zqv4nxqSgs

— Chota Don (@choga_don) November 28, 2025