Fake Forest Officer: గవర్నమెంట్ ఉద్యోగాల పేరుతో మోసం.. నకిలీ అటవీ అధికారి అరెస్టు!

Fake Forest Officer: అటవీ శాఖ ఉద్యోగిగా చెప్పుకుంటూ ప్రభుత్వ ఉద్యోగాలు ఇప్పిస్తానని మోసాలు చేస్తున్న వ్యక్తిని వెస్ట్​ జోన్​ టాస్క్​ ఫోర్స్​ అధికారులు ముషీరాబాద్ పోలీసులతో కలిసి అరెస్ట్ చేశారు. నిందితుని నుంచి నకిలీ గుర్తింపు కార్డు, కిరణ్​ కుమార్ పేరుతో ఉన్న నేమ్​ ప్లేట్లు, బైక్​, ఖాకీ యూనిఫాంతోపాటు 5.45లక్షల నగదును స్వాధీనం చేసుకున్నారు. టాస్క్​ ఫోర్స్​ డీసీపీ సుధీంద్ర తెలిపిన ప్రకారం వివరాలు ఇలా ఉన్నాయి. యూసుఫ్​ గూడ కృష్ణానగర్​ నివాసి కొనకంచి కిరణ్ కుమార్​ (30) తాను అటవీ శాఖలో బీట్​ ఆఫీసర్​ గా పని చేస్తున్నట్టు ప్రచారం చేసుకున్నాడు.

Also Read: Notice to Jhansi reddy: కాంగ్రెస్ నేత ఝాన్సీ రెడ్డికి షాక్!..హైకోర్టు షోకాజ్ నోటీసులు.. ఎందుకంటే?

జనాన్ని నమ్మించటానికి తన బైక్ పై పోలీస్​ అని రాయించుకుని సైరన్​ ను ఏర్పాటు చేయించుకుని తిరిగేవాడు. తనకు పెద్ద పెద్ద ఆఫీసర్లతో పరిచయాలు ఉన్నాయని, ప్రభుత్వ ఉద్యోగాలు ఇప్పిస్తానని చెప్పి సుభాష్​ కుమార్​, అశ్వినీతోపాటు మరికొందరు నుంచి 20లక్షల రూపాయలు తీసుకున్నాడు. ఆ తరువాత అందరినీ మోసం చేశాడు. ఈ మేరకు బాధితులు చేసిన ఫిర్యాదులతో అతనిపై ఎనిమిది పోలీస్​ స్టేషన్లలో కేసులు నమోదయ్యాయి. చాలా రోజులుగా తప్పించుకు తిరుగుతున్న కిరణ్​ కుమార్​ గురించి పక్కగా సమాచారాన్ని సేకరించిన టాస్క్​ ఫోర్స్ సీఐ యదేందర్, ఎస్సై నవీన్​ తోపాటు సిబ్బందితో కలిసి దాడి చేసి ఆదివారం అరెస్ట్​ చేశారు. తదుపరి విచారణ నిమిత్తం నిందితున్ని ముషీరాబాద్ పోలీసులకు అప్పగించారు.

Also Read: Serilingampalli: నకిలీ పత్రాలతో వేరొకరి స్థలంలో బిల్డింగ్ నిర్మాణం.. భవనం సీజ్!