Epaper 
PDS Reforms: స్టాక్లను దారి మళ్లించడం, వస్తువులను తక్కువగా సరఫరా చేయడం, ఇతర అవకతవకలకు పాల్పడే డీలర్లపై క్రిమినల్ కేసులు నమోదు చేస్తామని సివిల్ సప్లైస్ కమిషనర్ ఎం. స్టీఫెన్ రవీంద్ర(Commissioner M. Stephen Ravindra) హెచ్చరించారు. అర్హత కలిగిన లబ్ధిదారులందరికీ పారదర్శకంగా, న్యాయంగా మరియు సమర్థవంతంగా వస్తువులను పంపిణీ చేయడమే శాఖ ప్రాథమిక లక్ష్యం అని ఆయన పేర్కొన్నారు. జీరో టాలరెన్స్” విధానాన్ని వివరించారు. సికింద్రాబాద్లోని బేగంపేట లోని పౌరసరఫరాల దుకాణాన్ని శుక్రవారం ఆకస్మిక తనిఖీలు నిర్వహించారు.
పనితీరును అంచనా వేయడం
అక్రమాలపై ‘జీరో టాలరెన్స్’ ఉంటుందని హెచ్చరించారు. ప్రజా పంపిణీ వ్యవస్థ (PDS) యొక్క క్షేత్ర స్థాయి పనితీరును అంచనా వేయడం మరియు అవసరమైన వస్తువులు లబ్ధిదారులకు సమర్థవంతంగా చేరుతున్నాయని నిర్ధారించడం ఈ తనిఖీ లక్ష్యం. కార్డుదారులతో కమిషనర్ నేరుగా మాట్లాడారు. సరఫరా చేయబడిన వస్తువుల నాణ్యత, పరిమాణం, సకాలంలో అందుతున్న తీరుపై అభిప్రాయాన్ని సేకరించారు. సరసమైన ధరల దుకాణం(FPS) డీలర్ ప్రవర్తన గురించి కూడా ఆయన ఆరా తీశారు. సేవా పంపిణీ మరియు లావాదేవీలలో పారదర్శకతను తనిఖీ చేశారు.
Also Read: Shamshabad Airport: షాకింగ్.. శంషాబాద్ ఎయిర్ పోర్టులో భారీగా గంజాయి సీజ్
1.75 లక్షల కొత్త రేషన్ కార్డుల జారీ..
ప్రస్తుత కమిషన్ ఈ ఖర్చులకు అనుగుణంగా ఉందో లేదో అంచనా వేయడానికి, రవాణా, నిర్వహణ, మానవశక్తి మరియు విద్యుత్ ఖర్చులతో సహా డీలర్లు చేసే నిర్వహణ ఖర్చులను సమీక్షించారు. 1.75 లక్షల కొత్త రేషన్ కార్డుల జారీ నేపథ్యంలో, కొత్త సరసమైన ధరల దుకాణాలను స్థాపించే సాధ్యాసాధ్యాలను ధృవీకరించాలని హైదరాబాద్(Hyderabada) చీఫ్ రేషన్ అధికారిని ఆదేశించారు. అంతేకాకుండా, ప్రస్తుతం ఉన్న 50 ఎఫ్ పి ఎస్ ఖాళీలను భర్తీ చేయడాన్ని వేగవంతం చేయాలని అధికారులను ఆదేశించారు. ఈ తనిఖీలో చీఫ్ రేషనింగ్ ఆఫీసర్ ఎం. రాజి రెడ్డి(M Rajireddy), జిల్లా పౌర సరఫరాల అధికారి కె. శ్రీనివాస్(K srinivas), తెలంగాణ రాష్ట్ర పౌర సరఫరాల కార్పొరేషన్ జిల్లా మేనేజర్ సాయి అరుణ్, అసిస్టెంట్ సివిల్ సప్లైస్ ఆఫీసర్ (బేగంపేట) ఎ.ఆర్. కృష్ణవేణి, డిప్యూటీ తహశీల్దార్ కె. సదానందం, సీనియర్ చెకింగ్ ఇన్స్పెక్టర్ కిరణ్మయి, శ్రీదర్ (విజన్ టెక్) పాల్గొన్నారు.
Also Read: GHMC Commissioner: గ్రేటర్ను పరిశుభ్రతకు కేరాఫ్గా మార్చాలి.. రంగంలోకి జీహెచ్ఎంసీ కమిషనర్ కర్ణన్!
