Cab Drivers: ఏసీ ఆన్ చేస్తే.. అంతే సంగతులట.. క్యాబ్ డ్రైవర్ల మాట ఇదే!

తెలంగాణ బ్యూరో, స్వేచ్ఛ: Cab Drivers: దీర్ఘకాలంగా పెండింగ్​ లో ఉన్న సమస్యల పరిష్కారానికి సమ్మె బాట పట్టిన క్యాబ్​ డ్రైవర్లు తాజాగా తమ తమ వాహనాల్లో ఇకపై ఎయిర్​ కండీషన్​ సదుపాయాన్ని నిలిపి వేయాలని నిర్ణయించారు. క్యాబ్​ డ్రైవర్ల కష్టానికి తగిన ఫలితం రాకపోతుండటం వల్లనే ఈ నిర్ణయం తీసుకున్నట్టు తెలంగాణ గిగ్​, ప్లాట్​ ఫాం వర్కర్స్​ యూనియన్​ వ్యవస్థాపక అధ్యక్షుడు షేక్​ సలావుద్దీన్ తెలిపారు.

Also read: BJP: తెలంగాణ బీజేపీకి తప్పని రథ‘సారధి’ తిప్పలు.. పగ్గాలు ఎవరికో?

ప్రజలకు రవాణా సేవలు అందిస్తున్న ఓలా, ఉబేర్​ తదితర సంస్థల తరపున నిత్యం వేలాది మంది క్యాబ్​ డ్రైవర్లు వేలాదిమంది ప్రయాణీకులతో రాకపోకలు సాగిస్తున్నారు. అయితే, ఎయిర్​ కండీషన్​ ఆన్​ చేసి కారు నడిపితే కిలోమీటరుకు 16 నుంచి 18 రూపాయలు ఖర్చవుతున్నట్టు డ్రైవర్లు చెబుతున్నారు. కాగా, ఓలా, ఉబేర్​ సంస్థలు తమకు 1‌‌0 నుంచి 12 రూపాయలు మాత్రమే చెల్లిస్తున్నాయన్నారు. దీంతో చేసిన కష్టానికి కూడా తగిన ప్రతిఫలం లభించక కుటుంబాలను పోషించుకోవటంలో పడరాని కష్టాలు పడుతున్నామన్నారు.

Also read: Fire Accident: ప్రభుత్వ వైద్యశాలలో అగ్ని ప్రమాదం.. మందులు అగ్గిపాలు..

ఇప్పటికే సరైన ప్రతిఫలం లభించక పోతుండటంతో ఎయిర్​ పోర్టుకు క్యాబ్​ సేవలు నిలిపివేసినట్టు చెప్పారు. 57వేల మందికి పైగా క్యాబ్​ డ్రైవర్లు ఈ నిరసనలో పాల్గొంటున్నారన్నారు. ఇకపై ఎయిర్​ పోర్టును మినహాయించి ఏ ప్రాంతానికి ట్రిప్పులు కొట్టినా తమ తమ కార్లలో ఎయిర్​ కండీషన్ సౌకర్యాన్ని ప్రయాణీకులకు కల్పించమన్నారు.

Also read: KTR Comments: కేసీఆర్ మంచివారే.. నేను కాదు.. కేటీఆర్

ఈ సదుపాయం కావాలనుకునే ప్రయాణీకులు దానికి తగ్గ డబ్బు చెల్లిస్తే ఏసీని ఆన్​ చేస్తామని చెప్పారు. తాము పడుతున్న కష్టాలను గుర్తించి ప్రభుత్వం ఇప్పటికైనా తమకు కష్టానికి తగ్గ ఫలితం వచ్చేలా చర్యలు తీసుకోవాలన్నారు. లేనిపక్షంలో నిరసన కార్యక్రమాలను మరింత ఉధృతం చేస్తామన్నారు.

స్వేచ్ఛ Eపేపర్ కోసం ఈ లింక్ ని క్లిక్ చేయండి https://epaper.swetchadaily.com/