Formula E Race Case: ఫార్ములా ఈ కార్​ రేస్ కేసులో ఏసీబీ స్పీడ్!

Formula E Race Case: ఫార్ములా ఈ కార్​ రేస్ కేసు విచారణలో ఏసీబీ (ACB) స్పీడ్ పెంచింది. ఐఏఎస్​ అధికారి (Arvind Kumar) అరవింద్ కుమార్‌కు  నోటీస్​ జారీ చేసింది. జూలై1న విచారణకు రావాలని అందులో పేర్కొంది. ఫార్ములా ఈ కార్​ రేస్ (Formula E Race Case)​ నిర్వహణ సంస్థకు నిబంధనలకు విరుద్ధంగా దాదాపు 50 కోట్ల రూపాయలను (BRS) బీఆర్​ఎస్ ప్రభుత్వం హెచ్ఎండీఏ (HMDA)  ద్వారా చెల్లించిన విషయం తెలిసిందే. నిజానికి ఈ చెల్లింపులు జరిగినప్పుడు ఎన్నికల నియమావళి అమల్లో ఉంది. ఈ నేపథ్యంలో చెల్లింపులు జరపడానికి ఎన్నికల సంఘం అనుమతి తీసుకోవాల్సి ఉండగా అలా చేయలేదు. ఇక, 10కోట్లకు మించి విదేశీ సంస్థలకు చెల్లింపులు జరిపితే రిజర్వ్​ బ్యాంక్​ (Reserve Bank) నుంచి పర్మిషన్ తీసుకోవాలి.

 Also Read: Mini Godowns: ఫార్మర్ ప్రొడ్యూసర్ కంపెనీలకు 85 గోదాముల బాధ్యతలు!

అయితే, రిజర్వ్ బ్యాంక్ (Reserve Bank) అనుమతి కూడా తీసుకోకుండానే విదేశీ మారకద్రవ్య రూపంలో చెల్లింపులు జరిపారు. కాంగ్రెస్​ ప్రభుత్వం ( Congress Government)  ఏర్పడిన తరువాత ఈ విషయం వెలుగు చూసింది. ఈ క్రమంలో ప్రభుత్వం ఏసీబీ విచారణకు ఆదేశాలు జారీ చేసింది. ఈ నేపథ్యంలో ఏసీబీ అధికారులు మాజీ మంత్రి, బీఆర్​ఎస్ (BRS)  వర్కింగ్ ప్రెసిడెంట్ (KTR) కేటీఆర్​‌ను ప్రధాన నిందితుడిగా పేర్కొంటూ కేసులు నమోదు చేశారు.

దీంట్లో సీనియర్ ఐఏఎస్​ అధికారి (Arvind Kumar) అరవింద్ కుమార్‌ను 2వ నిందితునిగా, హెచ్​ఎండీఏ చీఫ్​ ఇంజినీర్‌గా పనిచేసిన బీఎల్​ఎన్​ రెడ్డిని 3వ నిందితుడిగా పేర్కొన్నారు. ఇక, నోటీసులు జారీ చేసి కేటీఆర్​‌ను ఇప్పటి వరకు రెండుసార్లు విచారించారు. దీంట్లో కేటీఆర్ వెల్లడించిన వివరాలపై ఐఏఎస్​ అధికారి అరవింద్ కుమార్‌ను ప్రశ్నించాలని నిర్ణయించిన ఏసీబీ అధికారులు తాజాగా జూలై1న తమ ఎదుట హాజరు కావాలంటూ ఆయనకు నోటీసులు ఇచ్చారు. ప్రస్తుతం (Arvind Kumar) అరవింద్ కుమార్ విదేశాల్లో ఉండటం గమనార్హం.

 Also Read: Phone Tapping Case: ఫోన్ ట్యాపింగ్ కేసులో.. సిట్ దూకుడు!