All India Prison Duty Meet 2025: తెలంగాణలో ఆలిండియా ప్రిజన్​ డ్యూటీ మీట్.. ఎప్పుడంటే..?

All India Prison Duty Meet 2025: 7వ ఆలిండియా ప్రిజన్ డ్యూటీ మీట్ ఈసారి తెలంగాణలో జరుగనుంది. ఈనెల 9న ప్రారంభమై మూడు రోజులపాటు జరుగనున్న డ్యూటీ మీట్ కోసం జైళ్ల శాఖ అధికారులు రావు బహదూర్​ వెంకట్రామిరెడ్డి పోలీస్​ అకాడమీలో శరవేగంగా ఏర్పాట్లు చేస్తున్నారు. ఈ క్రమంలో జైళ్ల శాఖ డీజీ సౌమ్యా మిశ్రా(DG Soumya Mishra) ఏర్పాట్లపై సమీక్షా సమావేశాన్ని నిర్వహించారు.

రెండోసారి…

2015లో మొదటిసారి ఆలిండియా ప్రిజన్​ డ్యూటీ మీట్(All India Prison Duty Meet)​ నిర్వహించిన తెలంగాణ ఈ ఈవెంట్​ ను రెండోసారి జరుపనుంది. ఆలిండియా ప్రిజన్​ డ్యూటీ మీట్ లో 21 రాష్ట్రాల నుంచి జైళ్ల శాఖ సిబ్బంది పాల్గొననున్నారు. ఆంధ్రప్రదేశ్​, అస్సాం, బీహార్​, ఛత్తీస్​ ఘడ్​, గోవా, గోజరాత్​, హిమాచల్ ప్రదేశ్​, జార్ఖండ్​, కర్ణాటక, కేరళ, మధ్యప్రదేశ్​, మహారాష్ట్ర, మేఘాలయ, ఒడిషా, పంజాబ్​, రాజస్తాన్​, తమిళనాడు, తెలంగాణ, ఉత్తరప్రదేశ్​, ఉత్తరాఖండ్​, వెస్ట్ బెంగాల్​ తోపాటు కేంద్ర పాలిత ప్రాంతాలైన ఢిల్లీ, పుదుచ్చేరి, చండీఘడ్​ నుంచి మొత్తం 13వందల మంది రానున్నారు. వీరిలో 184మంది మహిళా సిబ్బంది ఉన్నారు.

Also Read: The Bengal Files Controversy: ప్రభుత్వంపై దర్శకుడు ఫైర్.. చట్టపరమైన చర్యలకు సిద్ధం.. ఎందుకంటే?

36 ఈవెమట్లు

ఇక, డ్యూటీ మీట్ లో ఆయా రాష్ట్రాల జైళ్ల శాక సిబ్బంది మొత్తం 36 ఈవెంట్లలో వీళ్లు పోటీ పడనున్నారు. ఫస్ట్​ ఎయిడ్(First aid)​, సంక్షేమ పథకాలు(Welfare schemes), బిజినెస్ మోడల్స్(Business Models)​, క్విజ్​, మెడకల్​ స్కిల్స్​, కంప్యూటర్​ నాలెడ్జ్​ లో వీరికి పోటీ నిర్వహించనున్నారు. దీంతోపాటు బ్యాడ్మింటన్​, వాలీబాల్​, కబడ్డీ, బాస్కెట్ బాల్​, కరాటే, క్రవంగా, అథ్లెటిక్స్​, డ్యాన్స్​, మ్యూజిక్​, పెయింటింగ్ తదితర విభాగాల్లో కూడా పోటీలు జరుగనున్నాయి.

విజేతగా…

2022లో గుజరాత్ రాష్ట్రం అహమదాబాద్ లో జరిగిన 6వ ఆలిండియా ప్రిజన డ్యూటీ మీట్​ లో తెలంగాణ(Telangana) ఓవరాల్ ఛాంపియన్​ షిప్​ ను సాధించి రాష్ట్రానికి పేరు తీసుకొచ్చింది. ఈసారి కూడా రాష్ట్ర జైళ్ల శాఖ సిబ్బంది ఓవరాల్ ఛాంపియన్​ షిప్​ సాధిస్తారన్న ఆశాభావాన్ని డీజీ సౌమ్యా మిశ్రా వ్యక్తం చేశారు. ఏర్పాట్లపై జైళ్ల శాఖ ఐజీలు రాజేశ్​, మురళీబాబు, డీఐజీలు శ్రీనివాస్​, సంపత్​, సంతోష్​ కుమార్​ రాయ్​. సూపరిండింటెంట్లు నవాబ్​ శివకుమార్​ గౌడ్​ తదితరులతో సమీక్షా సమావేశాన్ని జరిపారు. ఈవెంట్​ ముగింపు రోజున బడా ఖానా (గ్రాండ్​ డిన్నర్​) జరపాలని నిర్ణయించారు. ఇక, హ్యాండ్లూమ్స్, టెక్స్ టైల్​ శాఖ డ్యూటీ మీట్ లో ప్రత్యేక స్టాళ్లను ఏర్పాటు చేయనుంది. వీటిలో హస్త కళా ఉత్పత్తులు, హ్యాండ్లూమ్​ దుస్తులను డిస్కౌంట్​ రేట్లకు అందుబాటులో పెట్టనున్నారు. దీంతోపాటు పర్యాటక శాఖ కూడా స్టాల్ ఏర్పాటు చేయనుంది. పాల్గొంటున్న అభ్యర్థుల కోసం ఒకటిన్నర రోజు వస్తువులను కొనటానికి టూర్ ఏర్పాటు చేయనుంది.

Also Read: Viral Fevers: కేజిబీవీలలో విజృంభిస్తున్న విష జ్వరాలు.. ఆలస్యంగా వెలుగులోకి?