Realme Phone: 10,001mAh బ్యాటరీతో రియల్‌మీ కొత్త స్మార్ట్‌ఫోన్?

Realme Phone: ఈ ఏడాది ప్రారంభంలో రియల్‌మీ (Realme) 10,000mAh భారీ బ్యాటరీతో కూడిన కాన్సెప్ట్ స్మార్ట్‌ఫోన్‌ను ప్రదర్శించింది. అయితే అది మార్కెట్ కోసం కాకుండా, కేవలం కాన్సెప్ట్ డివైస్‌గా మాత్రమే పరిచయం చేసింది. ఇప్పుడు, కంపెనీ మరింత భారీ బ్యాటరీ సామర్థ్యంతో కొత్త స్మార్ట్‌ఫోన్‌ను విడుదల చేయడానికి సిద్ధమవుతోందన్న సమాచారం వెలుగులోకి వచ్చింది.

RMX5107 మోడల్ నంబర్‌తో ఉన్న ఓ రియల్‌మీ స్మార్ట్‌ఫోన్ కనిపించింది. ఆ డివైస్‌లోని ‘About Device’ పేజీ ప్రకారం, ఈ ఫోన్ Realme UI 7.0పై పనిచేస్తోంది. ఇది రియల్‌మీ ఇటీవల ప్రకటించిన Android 16 ఆధారిత ఆపరేటింగ్ సిస్టమ్, ఇంకా అధికారికంగా రోలౌట్ కాలేదు.

భారీ బ్యాటరీతో శక్తివంతమైన కాన్ఫిగరేషన్

లీక్ అయిన వేరియంట్‌లో 12GB RAM, 256GB స్టోరేజ్ ఉన్నట్లు తెలుస్తోంది. అలాగే, వర్చువల్ ర్యామ్ ఎక్స్‌పాన్షన్ సపోర్ట్ ఉండే అవకాశం ఉంది. ముఖ్యంగా, ఈ రియల్‌మీ ఫోన్‌లో 10,001mAh బ్యాటరీ ఉండటం విశేషం. ఇది కంపెనీ గతంలో చూపించిన 10,000mAh Realme GT 7 కాన్సెప్ట్ ఫోన్ కంటే స్వల్పంగా ఎక్కువ సామర్థ్యం కలిగి ఉంది.

Also Read: Naa Anveshana: అమ్మాయి చీర కట్టు విధానం గురించి కాదు.. అబ్బాయి మైండ్ సెట్ మారాలి.. నా అన్వేష్

Honor Power 2కు పోటీగా?

ఇటీవలే Honor, చైనాలో విడుదల కానున్న Honor Power 2 స్మార్ట్‌ఫోన్‌లో 10,000mAh బ్యాటరీ ఉంటుందని ప్రకటించింది. అయితే, ఈ లీక్ నిజమైతే, రియల్‌మీ ఫోన్ బ్యాటరీ సామర్థ్యంలో హానర్‌ను స్వల్పంగా మించనున్నట్టు తెలుస్తోంది. లాంచ్ తేదీపై ఇంకా స్పష్టత లేకపోయినా, ఈ ఫోన్ Hi-Res Audio సపోర్ట్ తో రానుందని నివేదిక చెబుతోంది. అలాగే, ఇది ఇప్పటికే రష్యాలో విక్రయాల కోసం సర్టిఫికేషన్ పొందినట్టు సమాచారం.

ప్రపంచంలోనే అతిపెద్ద బ్యాటరీ రియల్‌మీ ఫోన్‌గా మారే అవకాశం

ఈ మిస్టరీ స్మార్ట్‌ఫోన్ మార్కెట్‌లోకి వస్తే, ఇది రియల్‌మీ చరిత్రలోనే అత్యధిక బ్యాటరీ సామర్థ్యం కలిగిన ఫోన్‌గా నిలవనుంది. గతంలో రియల్‌మీ తెలిపిన వివరాల ప్రకారం, 10,000mAh బ్యాటరీతో ఉన్న GT కాన్సెప్ట్ ఫోన్ కేవలం 8.5mm కంటే తక్కువ, 200 గ్రాముల కంటే కొంచెం ఎక్కువ బరువు మాత్రమే కలిగి ఉంది. దీనికి కారణంగా కంపెనీ వినియోగించిన Mini Diamond Architecture టెక్నాలజీ అని తెలిపింది.

Also Read: Govt Land Scam: గుట్టుచప్పుడు కాకుండా ప్రభుత్వ భూమి కబ్జా.. కాలనీ పేరుతో లే అవుట్.. కోట్ల విలువైన భూమికి కన్నం!

కొత్త బ్యాటరీ టెక్నాలజీ విశేషాలు

రియల్‌మీ ప్రకారం, ఈ భారీ బ్యాటరీలో అల్ట్రా-హై సిలికాన్ కంటెంట్ అనోడ్ బ్యాటరీని ఉపయోగించింది. ఇందులో 10 శాతం సిలికాన్ రేషియో ఉండగా, ఇది స్మార్ట్‌ఫోన్ రంగంలోనే అత్యధికమని కంపెనీ చెబుతోంది. అలాగే, ఈ బ్యాటరీకి 887Wh/L ఎనర్జీ డెన్సిటీ ఉండటం వల్ల, ప్రస్తుత మార్కెట్‌లో ఉన్న ఫోన్లతో పోలిస్తే మెరుగైన బ్యాటరీ పనితీరును అందించగలదని రియల్‌మీ వెల్లడించింది.