Deeksha Divas: రేపు దీక్షాదివస్.. నిర్వహించేందుకు ఏర్పాట్లు!

Deeksha Divas: ప్రత్యేక తెలంగాణ రాష్ట్ర ఏర్పాటు కోసం బీఆర్ఎస్ అధినేత కేసీఆర్ ఆమరణ దీక్ష చేసిన విషయం తెలిసిందే. ఆ దీక్ష రోజూ బీఆర్ఎస్ (Brs) ప్రతి ఏటా దీక్షా దివస్ పేరిట నిర్వహిస్తుంది. రాష్ట్ర వ్యాప్తంగా అన్ని జిల్లాల్లో ఘనంగా నిర్వహించేందుకు ఏర్పాట్లు చేసింది. పార్టీ ఆదేశాల మేరకు పార్టీ నేతలు ఏర్పాట్లు చేశారు. ప్రతి జిల్లా కేంద్రంలోని పార్టీ కార్యాలయాలతో పాటు తెలంగాణ భవన్ లోనూ దీక్ష దివాస్ ఫొటో ఎగ్జిబిషన్, బుక్ ప్రదర్శన, తెలంగాణ ఉద్యమం చరిత్ర, దీక్ష వివరాలను ఎల్ ఈడీ స్క్రీన్ లతో డాక్యుమెంటరీలను ప్రదర్శించనున్నారు. రాష్ట్ర సాధన కోసం ఆనాడు కేసీఆర్ చేసిన త్యాగాన్ని, ఆనాటి పరిస్థితులను కళ్లకుకట్టినట్టు చూపించారు.

తెలంగాణ వాదులను ఎలా కట్టడి చేశాయి?

ఆనాడు ఉన్న ఉమ్మడి రాష్ట్ర ప్రభుత్వాలను తెలంగాణ వాదులను ఎలా కట్టడి చేశాయి? ఎలా అడ్డుకున్నాయి? అయినా రాష్ట్ర కాంక్షతో వాటన్నింటిని దాటుకుని కేసీఆర్ ఎలా ఉద్యమాన్ని ముందుకు నడిపించారు.? తన ప్రాణాన్ని సైతం ఎలా పణంగా పెట్టారనే విషయాలను వీడియోల రూపంలో చూపనున్నారు. అదే విధంగా అమరవీరుల స్తూపానికి నివాళి, కేసీఆర్ చిత్రపటానికి పాలాభిషేకం, ఉద్యమకారులకు సన్మానం చేయనున్నారు. అనంతరం ఉద్యమంలో పాల్గొన్న ఉద్యమకారులు, నేతల అభిప్రాయాలను వివరించనున్నారు. ఇప్పటికే దీక్షాదివస్ కు చెందిన ప్లెక్సీలను ఏర్పాటు చేశారు. అదే విధంగారక్తదానశిబిరాలను సైతం నిర్వహించనున్నారు. బీఆర్ఎస్వీ ఆధ్వర్యంలో కళాశాలలు, యూనివర్సిటిల్లోనూ ఘనంగా నిర్వహించేందుకు ఏర్పాట్లు చేస్తున్నారు. భవన్ లో జరిగే దిక్షాదివాస్ లో పార్టీ వర్కింగ్ ప్రెసిడెంట్ కేటీఆర్, సిద్దిపేటలో మాజీ మంత్రి హరీష్ రావు పాల్గొనున్నారు.

నేటికి దిక్షాదివస్ కు 15 ఏళ్లుకంప్లీట్

2009, నవంబరు 29న కరీంనగర్ లోని ఉత్తర తెలంగాణ భవన్ నుంచి సిద్ధిపేట దగ్గర రంగధాంపల్లిలో ఏర్పాటుచేసిన దీక్షా స్థలం వద్దకి బయల్దేరిన కేసీఆర్ వాహనంను కరీంనగర్ మానేరు బ్రిడ్జ్ సమీపంలోని అలుగునూరు చౌరస్తాలో పోలీసు బలగాలు, రిజర్వ్ పోలీస్ బెటాలియన్లు చుట్టుముట్టారు. వాహనం నుంచి బలవంతంగా దించివేయబడ్డ కేసీఆర్, రోడ్డుమీదే ధర్నా చేస్తుండడంతో ఖమ్మం జైలుకు తరలించారు. ఆ జైలులోనే తన దీక్షను ప్రారంభించాడు. డిసెంబరు 1న ‘నేను లేకున్నా ఉద్యమం నడవాలి’ అని కేసీఆర్ ప్రకటించాడు. డిసెంబరు 2న పార్లమెంట్‌లో అద్వానీ ఈ దీక్షను ప్రస్తావించారు. ఆరోగ్యం క్షీణించడంతో డిసెంబరు 3న కేసీఆర్‌ను హైదరాబాద్‌లోని నిమ్స్‌కు తరలించారు.

Also Read: KTR: కాంగ్రెస్ తెచ్చిన రూ. 2.23 లక్షల కోట్లు ఎక్కడికి పోయాయి? బీఆర్‌ఎస్ వర్కింగ్ ప్రెసిడెంట్ కేటీఆర్

6న అసెంబ్లీలో 14ఎఫ్‌ను రద్దు

తెలంగాణ వస్తే జైత్రయాత్ర, లేకుంటే నా శవయాత్ర’ అని నిమ్స్‌ నుంచే కేసీఆర్ ప్రకటించాడు. 4న రక్తంలో పొటాషియం, సోడియం తగ్గడంతో కేసీఆర్‌ను అత్యవసర వైద్య విభాగానికి తరలించారు. కోమాలోకి పోయే ప్రమాదం ఉన్నదని వైద్యులు హెచ్చరించారు. ప్రజలు మెచ్చే ప్రకటన చేసే వరకు తన దీక్ష, తెలంగాణ ప్రజల ఆందోళనలు కొనసాగుతాయని ప్రకటించాడు. 5న వెంకటస్వామి, చిరంజీవి, చంద్రబాబు నాయుడు, కాంగ్రెస్ ఎంపీలు కలిసి దీక్ష విరమించాలని కోరినా నిరాకరించాడు. పార్లమెంట్‌లో తెలంగాణ బిల్లు పెడితేనే విరమిస్తానని చెప్పాడు. దాంతో రాష్ట్ర రాజధాని ఫ్రీజోన్‌ కాదని అసెంబ్లీలో తీర్మానం పెడతామని, కేసీఆర్‌పై కేసులు ఎత్తివేస్తామని ప్రభుత్వం ప్రకటించింది. 6న అసెంబ్లీలో 14ఎఫ్‌ను రద్దు చేస్తూ తీర్మానం చేశారు.

కేసీఆర్ ఆరోగ్యం క్షీణిస్తోందన్న సమాచారంతో తెలంగాణలోని పలుచోట్ల నిరసనలు వెల్లువెత్తాయి, బంద్ లు జరిగాయి. ఎటు చూసినా జై తెలంగాణ నినాదమే వినిపించింది. వరుస బంద్ లతో బస్సులు, రైళ్లు స్తంభించిపోయాయి. లాయర్లు, ఇంజినీర్లు, మేధావులు, రాజకీయ నాయకులు, ఉపాధ్యాయులు, విద్యార్థులు ఇలా నాలుగున్నర కోట్లమంది ఒక్కటయ్యారు. డిసెంబరు 7న అప్పటి ముఖ్యమంత్రి అధ్యక్షతన జరిగిన అఖిలపక్ష సమావేశంలో అన్నిపార్టీలు తెలంగాణ రాష్ట్ర ఏర్పాటుకు మద్దతు ప్రకటించాయి. డిసెంబరు 8న కేసీఆర్‌ ఆరోగ్యం ప్రమాదకరంగా ఉన్నదని, ప్రొటీన్లు, అల్బుమిన్లు లోపించాయని, ఇక తమ చేతుల్లో ఏమీలేదని వైద్యులు తెలిపారు.

డిసెంబరు 9న కాంగ్రెస్ కోర్‌ కమిటీ

తెలంగాణ దిశగా సోనియాగాంధీ నిర్ణయం తీసుకున్నారు. దాంతో డిసెంబరు 9న కాంగ్రెస్ కోర్‌ కమిటీ ఐదుసార్లు సమావేశమైంది. సమావేశం నుంచి చిదంబరం బయటికి వచ్చి ఫోన్‌లో కేసీఆర్‌, జయశంకర్‌సార్‌తో సంభాషించారు. తెలంగాణ రాష్ట్ర ఏర్పాటు ప్రకటనపై సమాలోచనలు జరిగాయి. రాష్ట్ర ఏర్పాటు ప్రకటన విషయంలో స్పష్టమైన పదజాలం ఉండాల్సిందేనని చిదంబరానికి స్పష్టంచేశారు. తెలంగాణ రాష్ట్రం ఇస్తున్నట్లుగా ప్రకటన చేయాలన్న సోనియా సూచన మేరకు కేంద్ర హోంమంత్రి హోదాలో చిదంబరం మాట్లాడుతూ… అనేక పరిణామాల అనంతరం ప్రత్యేక తెలంగాణ రాష్ట్ర ఏర్పాటు ప్రక్రియను ప్రారంభిస్తామని, విద్యార్థులు, ఉద్యమకారులపై కేసులు ఎత్తివేస్తామని ప్రకటన చేశారు. ప్రకటన అనంతరం నిమ్స్‌ నుంచి ‘ఇది తెలంగాణ ప్రజల విజయం’ అని కేసీఆర్‌ ప్రకటించాడు.11 రోజుల సుధీర్ఘ దీక్షతో తెలంగాణకు ఏకంచేసిన కేసీఆర్ తెలంగాణ ఏర్పాటు ప్రకటన తరువాత తన ఆమరణ దీక్షను విరమించాడు. దీక్షా దివాస్ కు శనివారంతో 15 ఏళ్లు కంప్లీట్ అయ్యాయి.

భవన్ లో ఘనంగా ఏర్పాట్లు.. పరిశీలించిన నేతలు

దీక్షా దివస్ ను పురస్కరించుకొని భవన్ లో ఏర్పాట్లు చేశారు. మాజీ మంత్రి తలసాని శ్రీనివాస్ యాదవ్ శుక్రవారం పరిశీలించారు. ఈ సందర్భంగా ఆయన మాట్లాడుతూ కేసీఆర్ దీక్ష ఒక చరిత్ర అన్నారు. కొంతమంది సోయిలేని మాటలు మాట్లాడుతున్నారని మండిపడ్డారు. తెలంగాణ రాకపోతే కాంగ్రెస్ ఎక్కడిది…తెలంగాణ ప్రభుత్వం ఎక్కడిది.. కేసీఆర్ మీద అవాకులు చెవాకులు పేలినంత మాత్రాన కేసీఆర్ చరిత్ర మారదన్నారు. కొత్త బిచ్చగాళ్ళు పొద్దు ఎరగరు అన్నట్లుగా కొంతమంది మాట్లాడుతున్నారని మండిపడ్డారు.

బతుకమ్మ పేరుతో ఆనాడు చీరలు పంచితే ఇప్పుడు ఇందిరమ్మ చీరలు అని పేరు మార్చారన్నారు. కేసీఆర్ తన పేరు పెట్టుకోలేదన్నారు. నవంబర్ 29 న తెలంగాణ భవన్ లో కేసీఆర్ దీక్షా దివాస్ ను ఘనంగా నిర్వహిస్తామన్నారు. రాష్ట్ర చరిత్ర తెలియనివాళ్ళు మాట్లాడుతున్నారు.. ఇప్పుడు మాట్లాడుతున్న వాళ్ళు తెలంగాణ ఏర్పాటుప్పుడు ఎక్కడున్నారన్నారు. కేసీఆర్ రాష్ట్రాన్ని సాధించకపోతే ఇప్పుడు మాట్లాడుతున్న వాళ్ళకి పదవి ఎక్కడిది.. తెలంగాణ రాష్ట్రాన్ని సోనియా గాంధీ ఇచ్చారని నిండు అసెంబ్లీలోనే కేసీఆర్ చెప్పారన్నారు. కాంగ్రెస్ వాళ్ళ లాగా మూర్ఖుల్లా మేము మాట్లాడబోమన్నారు.