Varanasi Glimpse: ‘వారణాసి’ టైటిల్ గ్లింప్స్ చూస్తే గూస్ బంప్స్ రావాల్సిందే.. మహేష్ బాబు ఇరగదీశాడుగా

Varanasi Glimpse: ప్రపంచవ్యాప్తంగా సినీ అభిమానులు ఎప్పుడెప్పుడా అని ఎదురుచూస్తున్న కాంబినేషన్ – గ్లోబల్ డైరెక్టర్ ఎస్.ఎస్. రాజమౌళి, సూపర్‌స్టార్ మహేష్ బాబు. వీరి కలయికలో రూపొందుతున్న ప్రతిష్టాత్మక చిత్రం ‘SSMB29’ వర్కింగ్ టైటిల్‌కు తెరదించుతూ, చిత్ర నిర్మాణ సంస్థలు ‘వారణాసి’ (Varanasi) అనే టైటిల్‌ను, ‘వారణాసి టూ ది వరల్డ్’ అనే గ్లింప్స్‌ను విడుదల (Varanasi Glimpse) చేశాయి. ఇది భారతీయ సినిమా సరిహద్దులను చెరిపేసేలా, ప్రేక్షకులకు ఒక అద్భుతమైన గ్లోబల్ అడ్వెంచర్‌ను పరిచయం చేసింది.

ఈ మెగా ప్రాజెక్ట్ ప్రకటన సాధారణంగా కాకుండా, హైదరాబాద్‌లోని రామోజీ ఫిల్మ్ సిటీలో జరిగిన ‘గ్లోబ్ ట్రాట్టర్’ అనే భారీ ఈవెంట్‌లో జరిగింది. ఈ వేదికపైనే సినిమా అధికారిక టైటిల్, మహేష్ బాబు ఫస్ట్‌ లుక్, మరియు టీజర్ తరహా గ్లింప్స్‌ను విడుదల చేశారు. కేవలం ప్రకటనతోనే ఈ చిత్రం యొక్క అంతర్జాతీయ స్థాయి ఏంటో రాజమౌళి స్పష్టం చేశారు.

Read Also- Vijayendra Prasad: ఈ సినిమా గురించి రచయిత విజయేంద్ర ప్రసాద్ చెప్పింది వెంటే పూనకాలే..

చిత్రానికి ‘వారణాసి’ అనే టైటిల్ పెట్టడం వెనుక అనేక పౌరాణిక, చారిత్రక అంశాలు దాగి ఉన్నాయని గ్లింప్స్ సూచించింది. క్రీ.శ 512 నాటి ప్రాచీన వారణాసి నగర శిల్పకళా వైభవాన్ని, శక్తివంతమైన శివతత్వాన్ని మేళవించినట్టుగా విజువల్స్ చూపాయి. రాజమౌళి ఈ కథను ‘టైమ్ ట్రావెల్’ మరియు ‘అడ్వెంచర్’ ఫార్మాట్‌లో చెబుతున్నారని, వారణాసి అనేది కథకు కీలకమైన పురాణ మూలంగా ఉంటుందని అంచనా వేస్తున్నారు.

మహేష్‌ బాబు ‘రుద్ర’
ఈ చిత్రంలో మహేష్ బాబు పోషిస్తున్న పాత్ర పేరు ‘రుద్ర’ (Rudhra) అని ప్రకటించారు. గ్లింప్స్‌లో ఆయన లుక్ అభిమానులకు గూస్‌బంప్స్ తెప్పించింది.

Read Also- Varanasi title: మహేష్ బాబు ‘SSMB29’ టైటిల్ ఇదే.. గ్లింప్స్ చూస్తే గూస్‌బమ్స్ రావాల్సిందే..

గ్లింప్స్‌లో గ్లోబల్ విజువల్స్
‘వారణాసి టూ ది వరల్డ్’ గ్లింప్స్ పేరుకు తగ్గట్టుగానే విభిన్న దేశాల, కాలాల నేపథ్యాలను పరిచయం చేసింది. అంటార్కిటిక్ సముద్రంలో ఉల్కాపాతం, ఆఫ్రికా దట్టమైన అరణ్యాలు, ఈజిప్టు పిరమిడ్ల లాంటి ప్రాచీన నిర్మాణాలు, మరియు అధునాతన సాంకేతిక పరికరాలు ఈ అడ్వెంచర్ పరిధిని సూచించాయి. ‘ఇమాక్స్ (IMAX)’ ఫార్మాట్‌లో ఈ సినిమా రూపొందుతుందని ప్రకటించడం, విజువల్స్ నాణ్యత ఏ స్థాయిలో ఉండబోతోందో చెప్పకనే చెప్పింది.

‘వారణాసి టూ ది వరల్డ్’ గ్లింప్స్ కేవలం ఒక టీజర్ మాత్రమే కాదు, భారతీయ సినిమా అంతర్జాతీయ స్థాయిలో ఒక కొత్త అధ్యాయాన్ని ప్రారంభించబోతోందని చెప్పే ఒక ప్రకటన. రాజమౌళి తన విజన్, మహేష్ బాబు తన స్క్రీన్ ప్రెజెన్స్‌తో ఈ సినిమాను ఎక్కడికో తీసుకెళ్లడం ఖాయం.