Epaper 
Shambala Buzz: ఆది సాయి కుమార్ హీరోగా తెరకెక్కిన ‘శంబాల’ చిత్రంపై ఉన్న అంచనాల గురించి అందరికీ తెలిసిందే. ఇప్పటి వరకు రిలీజ్ చేసిన టీజర్, ట్రైలర్లు, పోస్టర్లు, పాటలు ఇలా అన్నీ కూడా ఆడియెన్స్లో మంచి బజ్ను క్రియేట్ చేశాయి. డిసెంబర్ 25న ఈ చిత్రం రిలీజ్ కాబోతోన్న సంగతి తెలిసిందే. అయితే మూవీ మీదున్న నమ్మకంతో డిసెంబర్ 24న ప్రీమియర్లను ప్లాన్ చేశారు. ఈ ప్రీమియర్లకు సంబంధించిన బుకింగ్స్ను రీసెంట్గానే ఓపెన్ చేశారు. అలా టికెట్లు ఓపెన్ చేస్తున్నారో లేదో.. ఇలా సోల్డ్ అవుట్ అని కనిపిస్తున్నాయి.
Read also-Prabhas Charity: ప్రభాస్ చేసిన పనికి సలాం కొడుతున్న రాజీవ్ కనకాల.. ఎందుకంటే?
హాట్ కేకుల్లా ‘శంబాల’ ప్రీమియర్ షో టికెట్లు సేల్ అవుతున్నాయి. కంటెంట్ ఉన్న చిత్రాల్ని చూసేందుకు ఆడియెన్స్ ఆసక్తిని చూపుతారని ఇదే నిదర్శనం. టీజర్, ట్రైలర్లు నచ్చితే, సినిమాలో కంటెంట్ ఉందని ఆడియెన్స్ అనుకుంటే ఇలానే రెస్పాన్స్ ఉంటుంది అని మరొక్కసారి తెలస్తుంది. ప్రస్తుతం ‘శంబాల’ మీదున్న పాజిటివ్ వైబ్స్ టికెట్లు తెగే విధానంలోనే కనిపిస్తోంది. ఆది ఈ సారి బ్లాక్ బస్టర్ కొట్టాలని, కొట్టబోతోన్నాడని ఆడియెన్స్ అంతా అనుకుంటున్నారు. దానికి తగ్గట్టే ప్రీమియర్ షోల టికెట్లు కూడా అమ్ముడవుతున్నాయి. ఈ చిత్రానికి ప్రవీణ్ కె బంగారి విజువల్స్, శ్రీ చరణ్ పాకాల ఆర్ఆర్ ప్రధాన ఆకర్షణ కానున్నాయన్న సంగతి తెలిసిందే. షైనింగ్ పిక్చర్స్ బ్యానర్పై రాజశేఖర్ అన్నభిమోజు, మహీధర్ రెడ్డి భారీ ఎత్తున నిర్మించిన ఈ సినిమాకు యగంధర్ ముని దర్శకత్వం వహించారు. అయితే రిలీజ్కు ముందే అన్ని రకాల హక్కుల్ని ఫ్యాన్సీ రేట్లకు అమ్మడంతో నిర్మాతలు టేబుల్ ప్రాఫిట్స్లో ఉన్నారన్న సంగతి తెలిసిందే. ఇక ప్రీమియర్ షోల నుంచి వచ్చే పాజిటివ్ టాక్తో డే వన్ నుంచి కలెక్షన్ల వర్షం కురిసేలా ఉంది.
Read also-Chinmayi Shivaji: నటుడు శివాజీ వ్యాఖ్యలపై గాయని చిన్మయి ఆగ్రహం.. ‘ఆ నీతి సూత్రాలు మాకెందుకు?’
సినిమా ప్రీ రిలీజ్ ఈవెంట్ సందర్భంగా సాయి కుమార్ (Sai Kumar) మాట్లాడుతూ.. ‘‘మా అమ్మానాన్నలతో మొదలైన సినీ ప్రయాణం ప్రేక్షకుల ఆదరణతో ఇంకా కొనసాగుతోంది. నాన్న స్వరం, అమ్మ ఇచ్చిన సంస్కారం.. కళామతల్లి, ముక్కోటి దేవతల ఆశీర్వాదం, ప్రేక్షకులందరి అభిమానంతో ఈ జర్నీ ఇంకా అలా సాగిపోతుంది. 1975లో నేను హీరోగా పరిచయం అయ్యాను. 2011లో ‘ప్రేమ కావాలి’తో హీరోగా పరిచయం అయ్యాడు. మొదటి అడుగు మంచి సక్సెస్ అయ్యింది. రెండో అడుగు ‘లవ్లీ’ కూడా మంచి హిట్టయింది. ఆ తర్వాత కూడా అడుగులు వేస్తూనే ఉన్నాడు. కానీ, కొన్ని తప్పటడుగులు పడ్డాయి. జయాపజయాలు మన చేతుల్లో ఉండవ్. కానీ వెనకడుగు వేయకుండా తన ప్రయాణం సాగిస్తూనే ఉన్నాడు. ప్రయత్నం చేస్తుండటమే సక్సెస్ అని అంటుంటారు. అపజయాలు కలిగిన చోటే గెలుపు పిలుపు వినిపిస్తుంది. ఆ గెలుపు ‘శంబాల’తో ఆదికి రాబోతుంది. ఎందుకంటే, నిర్మాతలు మంచి కంటెంట్తో రాబోతున్నారు. నిజంగానే మునిలా యుగంధర్ ఈ మూవీకి పని చేశారు. మంచి క్యాస్టింగ్, మంచి టెక్నీషియన్స్ ఈ సినిమాకు వర్క్ చేశారు. అంటూ చెబుతూ ఎమోషనల్ అయ్యారు.
