Sampath Nandi: టాలీవుడ్ దర్శకుడు సంపత్ నంది (Sampath Nandi) తండ్రి కిష్టయ్య (73), మంగళవారం రాత్రి తన నివాసంలో తుది శ్వాస విడిచారు. దీంతో సంపత్ నంది ఇంట, ఊర్లో విషాదం నెలకొంది. సంపత్ నంది తండ్రి మృతి వార్త తెలిసిన టాలీవుడ్ ప్రముఖులు సంతాపం తెలుపుతూ.. కిష్టయ్య ఆత్మకు శాంతి చేకూరాలని నివాళులు అర్పిస్తున్నారు. తన తండ్రి మృతి (Sampath Nandi Father Kishtayya passes away)ని జీర్ణించుకోలేకపోయిన సంపత్ నంది.. సోషల్ మీడియా వేదికగా ఎమోషనల్‌గా రియాక్ట్ అయ్యారు. తండ్రితో తనకున్న అనుబంధాన్ని ఆయన కన్నీళ్లతో షేర్ చేసుకున్నట్లుగా ఆయన చేసిన పోస్ట్ ఉంది. సంపత్ నంది చేసిన పోస్ట్ (Sampath Nandi Emotional Post) ఇదే..

Also Read- Allari Naresh: తన అన్నయ్య గురించి ఎవరికీ తెలియని నిజాలు చెప్పిన అల్లరి నరేష్.. అందుకే సినిమాలకు దూరం అయ్యాడా!

నీ గుండె మళ్లీ కదిలితే ఎంత బావుండు!

‘‘బాపు.. నువ్ లేకుండానే ఇక రేపు, ఎల్లుండి, జీవితమంతా..
నువ్ లేకుండానే తెల్లారింది..
నువ్ లేకుండానే ఓదెల లేచింది..
నువ్ లేకుండానే ఇల్లూ లేచింది.
కల్లాపితో తడవాల్సిన వాకిలి కన్నీళ్ళతో తడిచింది..
“ఎట్లున్నవ్” అని అడగాల్సిన మనుషులు..
“ఎట్ల పోయాడు” అని అడుగుతున్నారు
ఎక్కెక్కి ఏడుస్తున్న గొంతులు విని నీ గుండె మళ్లీ కదిలితే ఎంత బావుండు!

చిన్నప్పుడు జబ్బు చేస్తే ఆయుర్వేద వైద్యం కోసం భుజంపై 10 కి.మీ ఎత్తుకెళ్లింది మొన్నే కదా అనిపిస్తోంది..
గంగుల కనకయ్య చుక్కల థియేటర్‌లో నన్ను ఖైదీ సినిమాకు పంపించింది నిన్నే కదా అనిపిస్తోంది..

Also Read- Bigg Boss Telugu 9 Winner: ఇప్పటి వరకు పూర్తయిన గేమ్‌ని గమనిస్తే.. విన్ అయ్యే ఛాన్స్ ఎవరికి ఉందంటే?

ఇక అన్నీ జ్ఞాపకాలేనా?

నువ్ నేర్పిన ఎడ్ల బండి నడక..
మనం దున్నిన జంబు అరక..
పత్తి మందుకు పంపు..
పల్లి చేనులో సద్ది..
మిరప నారుతో నాటు.. బురద పొలంలో జలగలతో పాట్లు..
ఇక అన్నీ జ్ఞాపకాలేనా?

దసరాకు నేనొస్తున్నానని తెలియగానే రాపు దగ్గర నీ ఎదురుచూపులు..
మేమొచ్చామని బగార, నీర కల్లు ఏర్పాట్లు..
ఏ సినీ అభిమాని ఇంటికొచ్చినా నా ఫోన్ నంబరిచ్చి మావోడి దగ్గరికెళ్లమని నువ్వు ఇచ్చే ప్రోత్సాహం.. ఇక అన్నీ గుర్తులేనా?

ఇప్పటివరకూ నేను తీసిన సినిమాలు తప్ప వేరే ఏ సినిమా థియేటర్‌లో చూడని నీ ప్రేమ నాకు మళ్లీ కావాలి..
నీకు నలుగురు పిల్లలున్నారు.. వాళ్ళకీ పిల్లలున్నారు.. ఏ కడుపునైనా ఎంచుకో.. ఏ గడపనైనా పంచుకో..
కానీ మళ్లీ రా..’’ అంటూ సంపత్ నంది చేసిన పోస్ట్ అందరికీ కన్నీళ్లు తెప్పిస్తోంది. ‘కళ్లలో నీళ్లు తిరిగాయి మీ ప్రేమకి’, ‘చదువుతుంటే ఒక పక్క బాధ ఒక పక్క నిశ్శబ్దం.. ఓం శాంతి’, ఈ కష్ట సమయంలో ధైర్యంతో ఉండాలని చెబుతూ.. సంపత్ నంది తండ్రి ఆత్మకు శాంతి చేకూరాలని నెటిజన్లు కామెంట్స్ చేస్తున్నారు.

💔
బాపు.. నువ్ లేకుండానే ఇక రేపు, ఎల్లుండి, జీవితమంతా..

నువ్ లేకుండానే తెల్లారింది..
నువ్ లేకుండానే ఓదెల లేచింది..
నువ్ లేకుండానే ఇల్లూ లేచింది.
కల్లాపి తో తడవాల్సిన వాకిలి కన్నీళ్ళతో తడిచింది..
“ఎట్లున్నవ్” అని అడగాల్సిన మనుషులు..
“ఎట్ల పోయాడు” అని అడుగుతున్నారు
ఎక్కెక్కి… pic.twitter.com/6tz1MuRmUw

— Sampath Nandi (@IamSampathNandi) November 26, 2025

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు