Bigg Boss Telugu 9 Winner: బిగ్ బాస్ తెలుగు సీజన్ 9 (Bigg Boss Telugu Season 9) ప్రస్తుతం 12వ వారానికి చేరుకుంది. లాస్ట్ వీక్ సండే ఎలిమినేషన్స్‌లో దివ్య (Divya) ఎలిమినేట్ అవ్వాల్సి ఉండగా, ఇమ్మానుయేల్ తన దగ్గర ఉన్న పవరాస్త్రను వాడి, ఆ వీక్ ఎలిమినేషన్సే లేకుండా చేశాడు. దీంతో హౌస్‌లో ఉన్న 9 మంది హౌస్‌మేట్స్ అలాగే ఉన్నారు. వీరిలో లాస్ట్ సండే ఎవరెవరు టాప్ 5లో ఉంటారనేది, హౌస్‌మేట్స్ ఫ్యామిలీ మెంబర్స్ ఓ క్లారిటీ ఇచ్చారు. అందరూ వారి ఫ్యామిలీ మెంబర్‌ని ఫస్ట్ ప్లేస్‌లో పెట్టి, టాప్ 5ని సెలక్ట్ చేశారు. కానీ దివ్య వాళ్ల తాత మాత్రం దివ్యని 5వ ప్లేస్‌లో పెట్టి మిగతా వాళ్లలోని 4గురిని టాప్ ప్లేస్‌లో ఉంచారు. ఆయన చాలా జెన్యూన్‌గా టాప్ 5ని సెలక్ట్ చేశారనేలా టాక్ కూడా నడిచింది. మొత్తంగా చూస్తే ఇంకా నాలుగు వారాలు మాత్రమే ఈ సీజన్ బ్యాలెన్స్ ఉంది. ప్రస్తుతం ఇప్పటి వరకు జరిగిన గేమ్స్, వాటిని హౌస్‌లోని వారు ఆడుతున్న విధానంతో జనాలు కూడా ఈసారి విన్నర్ ఎవరో ఓ క్లారిటీకి వచ్చేశారు. ఆ వివరాల్లోకి వెళితే..

Also Read- Anaganaga Oka Raju: జాన్ జిగ్రీస్ అంటూ నవీన్ పోలిశెట్టి మరో వీడియో.. సాలిడ్ అప్డేట్ ఇచ్చాడుగా!

సామాన్యుడు అయితే కళ్యాణే విన్నర్

ఇప్పటి వరకు జరిగిన గేమ్స్ అన్నీ పరిశీలించినా, అలాగే హౌస్‌లో ప్రవర్తన వంటి వాటితోనే కాకుండా, తాజాగా వచ్చిన తన ఫ్యామిలీని చూసిన వారంతా కళ్యాణే విన్నర్ అవుతాడని ఫిక్స్ అవుతున్నారు. దేశభక్తి అనే కోణం కూడా అతడిని టాప్‌ లిస్ట్‌లో పెడుతుంది. మొదట్లో ఆటలోకి రావడానికి కాస్త టైమ్ తీసుకున్నాడు కానీ, ఇప్పుడు పోటీ పడి మరి అన్నీ గేమ్స్ ఆడుతున్నాడు. తప్పుని తప్పని చెప్పడంలో కూడా వెనుకాడటం లేదు. ఇప్పటి వరకు ఉన్న సమీకరణాల ప్రకారం చూస్తే కళ్యాణ్ కచ్చితంగా విన్నర్ అని ఫిక్సయిపోవచ్చు. అయితే ఈ నాలుగు వారాలు అతను అత్యంత జాగ్రత్తగా తన ఆటను నిలబెట్టుకోవాలి. ఆటలోని నిజాయితీని అలాగే కంటిన్యూ చేయాలి. మిగతా ఇంటి సభ్యులకు విలువ ఇస్తూనే తన స్ట్రాటజీని నమ్ముకోవాల్సి ఉంటుంది. ప్రేక్షకుల అభిమానం పొందిన హౌస్‌మేట్ కాబట్టి.. పైనల్ వరకు వారు కూడా నిలబడే అవకాశం లేకపోలేదు. కాబట్టి.. ఇక్కడి నుంచి కళ్యాణ్ తన గేమ్‌ని జారనీయకుండా పెంచుకునే ప్రయత్నం చేస్తే.. సామాన్యుడిగా హౌస్‌లోకి అడుగు పెట్టిన అతనే ఈసారి విన్నర్. బిగ్ బాస్ ఈసారి సామాన్యుడిని విన్నర్‌ని చేయాలని ఫిక్స్ అయితే మాత్రం కళ్యాణ్‌కే మొదటి స్థానం దక్కుతుంది. నెక్ట్స్ ప్లేస్‌లో పవన్ ఉండొచ్చు.

సెలబ్రిటీ అయితే ఇమ్మానుయేల్ విన్నర్

కళ్యాణ్‌కు టఫ్ కాంపిటేటర్ ఎవరంటే మాత్రం కచ్చితంగా ఇమ్మానుయేల్. అయితే ఇప్పటి వరకు ఇన్ని సీజన్లలో చాలా మంది కమెడియన్స్ వచ్చారు, మధ్యలోనే వెళ్లిపోయారు. కానీ, ఇమ్మానుయేల్ మాత్రం స్ట్రాంగ్ కంటెస్టెంట్‌గా నిలబడి, తన కామెడీతో షో మొత్తం తిప్పేస్తున్నాడు. ఎలాంటి పరిస్థితినైనా తన చేతుల్లోకి తీసుకోగల సామర్థ్యం తనకి ఉంది కానీ, ఎక్కడో మిస్ గైడ్ అవుతున్నాడేమో అనిపిస్తుంది. ఇది కూడా తన స్ట్రాటజీ అనే భావించాలి. నామినేషన్స్‌లో లేకుండా కొన్ని వారాల పాటు ఉండటం అనేది.. ఇన్ని సీజన్లలో ఎవరికీ సాధ్యపడలేదు. కేవలం ఇమ్ము మాత్రమే ఆ ఘనత సాధించారు. ఇప్పటి నుంచి అతని స్ట్రాటజీ కూడా మారవచ్చు. అవినాష్ దిశా నిర్దేశం కూడా అతనిపై పని చేయవచ్చు. కాబట్టి.. కప్ కొట్టే వరకు ఇమ్మానుయేల్ సాధ్యమైనంతగా ప్రయత్నం చేస్తాడు. అందులో డౌటే లేదు. కళ్యాణ్ లేదంటే ఇమ్మానుయేల్.. వీరిద్దరికి మాత్రమే ఇప్పటి వరకు ఉన్న సమీకరణాలు విన్నర్ అయ్యే చాన్స్ ఉన్నట్లుగా చెబుతున్నాయి. ఈ నాలుగు వారాల్లో ఏమైనా మారితే మారవచ్చు.

Also Read- Teacher Naresh Kaushik: ఫేర్వెల్ పార్టీ‌లో ఈ లెక్కల మాస్టర్ చేసిన డ్యాన్స్‌కి జానీ మాస్టర్ ఫిదా.. వీడియో వైరల్!

కళ్యాణ్, ఇమ్ము తర్వాత స్థానాల్లో ఎవరంటే..

ఇక వీరిద్దరి తర్వాత చెప్పాలంటే.. తనూజ, పవన్, సుమన్ శెట్టి ఉంటారు. ఈ వారం నుంచి భరణి ఆడే ఆటను బట్టి అతనికి కూడా ఛాన్స్ ఉంటుంది. తనూజ ఇప్పటి వరకు చాలా వరకు నెట్టుకొచ్చింది కానీ, టఫ్ టైమ్‌ని ఫేస్ చేయడంలో మాత్రం ఆమె అంతగా ఇన్వాల్వ్ అవడం లేదు. ఈ నాలుగు వారాలు ఎంత టఫ్‌గా ఉంటుందో ప్రత్యేకంగా చెప్పాల్సిన అవసరం లేదు. అందులోనూ ఈ వారం నామినేషన్స్‌లో తననే ఎక్కువ మంది నామినేట్ చేశారు. ఈ వారం ఎలిమినేషన్స్ నుంచి బయటపడి, ఆటలోకి రావడానికి తనూజకు టైమ్ పట్టొచ్చు. కానీ గివ్ అప్ మాత్రం ఇచ్చే పర్సన్ కాదు. అందులోనూ బిగ్ బాస్ మొదటి నుంచి ఆమెకు సపోర్ట్ బాగా ఇస్తూ వస్తున్నారనే అనుమానాలు కూడా ఉన్నాయి. కళ్యాణ్, ఇమ్మానుయేల్ తర్వాత ప్లేస్‌లో మాత్రం ఇప్పటి వరకు తనూజనే ఉంది. ఇకపై ఏం జరుగుతుందో తెలియదు. ఆ తర్వాత చెప్పాలంటే కామనర్‌గా పవన్, సెలబ్రిటీగా సుమన్ శెట్టికి ఎక్కువ ఛాన్సెస్ ఉన్నాయి. రీతూ వల్ల పవన్ ఆట డౌన్ అయినట్లుగా కనిపిస్తుంది. లేదంటే టైటిల్ కొట్టే ప్లేస్‌లో కళ్యాణ్‌కు పోటీగా ఉండాల్సిన పర్సన్ పవన్. సుమన్ శెట్టి నాలుగైదు భాషల్లో సినిమాలు చేసి ఉన్నాడు. ఓటింగ్ పరంగా కూడా తనది పైచేయిగా ఉండొచ్చు. ఇక భరణికి మెగా ఫ్యాన్స్ ఎంత వరకు సపోర్ట్ చేస్తారో చూడాలి. మెగా అనే ట్యాగ్ పడిపోయింది కాబట్టి.. ఇతరులు కొంతమంది అంతగా సపోర్ట్ చేసే అవకాశం లేదు. భరణి తన గేమ్‌తోనే నిరూపించుకోవాల్సి ఉంది. ఇప్పటి వరకు జరిగిన ఆట ప్రకారం టాప్ 5 స్థానాలు ఇవే. ఇకపై ఎలా ఉంటుందో చూడాలి..

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు