Anaganaga Oka Raju: తనదైన కామెడీ టైమింగ్‌తో ప్రేక్షకుల హృదయాల్లో ప్రత్యేక స్థానాన్ని సంపాదించుకున్న హీరో నవీన్‌ పొలిశెట్టి (Naveen Polishetty). చాలా గ్యాప్ తర్వాత మరో ఫ్యామిలీ ఎంటర్టైనర్‌తో ప్రేక్షకుల ముందుకు వచ్చేందుకు నవీన్ రెడీ అవుతున్నారు. ఆయన హీరోగా, మీనాక్షి చౌదరి (Meenaakshi Chaudhary) హీరోయిన్‌గా రూపుదిద్దుకుంటోన్న చిత్రం ‘అనగనగా ఒక రాజు’ (Anaganaga Oka Raju). 2026 సంక్రాంతికి ప్రేక్షకులను నవ్వులలో ముంచెత్తడానికి సిద్ధమవుతుండగా, మళ్లీ వాయిదా పడిందని ఈ మధ్య కొందరు వార్తలు వైరల్ చేస్తున్నారు. సంక్రాంతి బరిలో మరో భారీ చిత్రాన్ని నిలిపేందుకు, ఈ సినిమాను నిర్మాణ సంస్థ పక్కన పెట్టిందనేలా టాక్ నడుస్తున్న నేపథ్యంలో.. అలాంటిదేమీ లేదనేలా.. తాజాగా నవీన్ పోలిశెట్టి సాలిడ్ అప్డేట్‌తో వచ్చారు. ఇటీవల దీపావళిని పురస్కరించుకుని నవీన్ పోలిశెట్టి చేసిన వీడియో వైరలైన విషయం తెలిసిందే. ఇప్పుడు చిత్ర ఫస్ట్ సాంగ్ రాబోతుందని తెలిపేందుకు, ఇంకా ఆ సాంగ్ విశేషాలను తెలిపేందుకు తాజాగా ఆయన మరో వీడియోతో వచ్చారు. ఈ వీడియోలో..

Also Read- Bigg Boss Telugu 9: సంజనకు సుమన్ శెట్టి కిస్.. హౌస్‌లో కొత్త ప్రేమ జంటలు..!

ఫస్ట్ టైమ్ ప్లేబ్యాక్ సింగర్‌గా..

నవీన్ అద్భుతమైన హాస్య చతురత, అప్రయత్నమైన ఆకర్షణ ప్రతి ఫ్రేమ్‌లో తెలుస్తోంది. ఈ సాంగ్‌ని స్వయంగా తనే పాడినట్లుగా ఈ వీడియోలో క్లారిటీ ఇచ్చారు నవీన్. ‘నిగ నిగ నిగా.. దగ దగ దగా’ అంటూ సాంగ్‌ని ప్రాక్టీస్ చేస్తుండగా, ఆయన పాడుతున్న విధానం కరెక్ట్ కాదంటూ సింగర్ సమీరా భరద్వాజ్ (Sameera Bharadwaj) సరిచేస్తున్నారు. ‘ఏంటి ఇంత ఘోరంగా ప్రాక్టీస్ చేస్తున్నారు’ అని సమీరా అడగగానే.. ‘మీకు తెలియదా.. అనగనగా ఒక రాజు సినిమాలో ఫస్ట్ సాంగ్ ప్లేబ్యాక్ సింగింగ్.. మనమే’ అని నవీన్ చెప్పారు. ‘వావ్.. ఏమిటో ఈ మధ్య.. యాక్టర్స్ కూడా సింగర్స్ అయిపోతున్నారు’ అని సమీరా అంటే.. ‘మరి సింగర్స్ యాక్టర్స్ అయిపోయారు కదండీ’ అని పంచ్ పేల్చాడు నవీన్. ఒక రెస్టారెంట్‌కు వెళ్లి.. సింగర్స్ తమ కంఠాన్ని ఎలా జాగ్రత్తగా ఉంచుకుంటారో చెబుతూ.. అందులో నుంచి కూడా నవీన్ ఫన్ జనరేట్ చేశారు. ఫస్ట్ టైమ్ ప్లేబ్యాక్ సింగర్‌గా నవీన్ పోలిశెట్టి అంటూ పోస్టర్ పడింది. ప్రస్తుతం ఈ వీడియో సోషల్ మీడియాలో వైరల్ అవుతోంది. నవీన్ కామెడీ టైమింగ్‌ని అంతా కొనియాడుతున్నారు.

Bhimavaram, get your energy ready! 🥁💥

The first single #BhimavaramBalma from #AnaganagaOkaRaju drops on Nov 27th! ❤️

📍 Join us for the song launch event at SRKR Engineering College, Bhimavaram. Let’s celebrate big! 🥳

In Cinemas Worldwide on JAN 14th, 2026. 😎#AOR… pic.twitter.com/5d7AyimFdv

— Meenaakshi Chaudhary (@Meenakshiioffl) November 25, 2025

Also Read- Teacher Naresh Kaushik: ఫేర్వెల్ పార్టీ‌లో ఈ లెక్కల మాస్టర్ చేసిన డ్యాన్స్‌కి జానీ మాస్టర్ ఫిదా.. వీడియో వైరల్!

సంక్రాంతికే.. నో డౌట్!

వెంటనే అఫీషియల్‌గా మేకర్స్ కూడా ఈ పాట విడుదల వివరాలను ప్రకటించారు. ‘భీమవరం బల్మా’ అంటూ సాగే ఈ పాటను నవంబర్ 27న విడుదల చేయబోతున్నట్లుగా మేకర్స్ అధికారికంగా పోస్టర్ విడుదల చేశారు. ఈ పోస్టర్‌తో మరో రూమర్‌కు కూడా చెక్ పెట్టారు. ఈ సినిమాపై సంక్రాంతి రేసు నుంచి తప్పుకున్నట్లుగా వస్తున్న వార్తలకు ఫుల్‌స్టాప్ పెట్టి.. రిలీజ్ డేట్‌ను కూడా ప్రకటించారు. 14 జనవరి 2026న సంక్రాంతి స్పెషల్‌గా ఈ సినిమా థియేటర్లలోకి రాబోతున్నట్లుగా ఈ పోస్టర్‌తో మరోసారి క్లారిటీ ఇచ్చారు మేకర్స్. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. ఈ సినిమాతో మారి దర్శకుడిగా పరిచయం అవుతున్నారు.

ANAGANAGA OKA SINGER 🎤😍 Jaanejigars. First song from #AnaganagaOkaRaju releasing on Nov 27th. Sankranthi Pandaga ki dance stepulu to ready ga undandi 🔥🔥 It’s time for #BhimavaramBalma 🕺💃🥁A @MickeyJMeyer blast 🔥@Meenakshiioffl @vamsi84 @SitharaEnts pic.twitter.com/xr4tX5Sagd

— Naveen Polishetty (@NaveenPolishety) November 25, 2025