Teacher Naresh Kaushik: సోషల్ మీడియాలో ఓ టీచర్ చేసిన డ్యాన్స్ వీడియో బాగా వైరల్ అవుతోంది. ఎంత వైరల్ అవుతుందంటే.. ఒక్క రోజులోనే ఈ వీడియో 3 మిలియన్లకు పైగా వ్యూస్‌ని రాబట్టి, సంచలనంగా మారింది. దీంతో ఈ వీడియో వెనుక ఉన్న కథ ఏంటా? అని అంతా సెర్చ్ చేస్తున్నారు. ఇది, లెక్కల మాస్టర్ నరేష్ కౌశిక్ (Math‍‌‍‍‌‍‌‍‍‌ teacher Naresh Kaushik) తన తరగతి గదిలో ఎంతో ఉత్సాహంతో చేస్తున్న డ్యాన్స్ వీడియో. విద్యార్థులు తనకు నిర్వహించిన వీడ్కోలు పార్టీలో ఆయన ఇలా డ్యాన్స్ చేసి అందరినీ ఖుషి చేశారు. ఈ వీడియోలో 2024 రొమాంటిక్ కామెడీ చిత్రం ‘తేరీ బాతోం మే ఐసా ఉల్జా జియా’ (Teri Baaton Mein Aisa Uljha Jiya) టైటిల్ ట్రాక్‌కి నరేష్ కౌశిక్ డ్యాన్స్ చేస్తున్నారు. ఈ చిత్రంలో కృతి సనన్ (Kriti Sanon), షాహిద్ కపూర్ (Shahid Kapoor) నటించిన విషయం తెలిసిందే. ముఖ్యంగా ఈ మాస్టర్ చేసిన ఒరిజినల్ సాంగ్ యూట్యూబ్‌లో సంచలనాన్ని క్రియేట్ చేసింది. ఇప్పటి వరకు ఈ పాట 559 మిలియన్ల వ్యూస్‌ని రాబట్టి.. ఇప్పటికీ వినిపిస్తూనే ఉంది.

Also Read- Something is Fishy: యోధురాలిగా హౌస్‌లోకి అందాల భామ ఎంట్రీ.. ఫిష్ టాస్క్‌‌లో ఎవరు గెలిచారు?

జానీ మాస్టర్ ఫిదా..

మాస్టర్ డ్యాన్స్ విషయానికి వస్తే.. ఫార్మల్ దుస్తుల్లో ఉన్న ఈ మాస్టర్.. తన చుట్టూ ఉన్న విద్యార్థుల మధ్య ఎంతో సంతోషంగా నృత్యం చేస్తూ, సహజత్వంతో, ఉత్సాహంతో స్టెప్పులు వేశారు. ఒరిజినల్ సాంగ్‌లో ఎలా అయితే డ్యాన్స్ ఉంటుందో సేమ్ టు సేమ్ దించేశారు. ఆయన టైమింగ్‌తో పాటు.. ఎంతో సులువుగా ఈ స్టెప్స్ వేయడం పట్ల అందరి నుంచి ప్రశంసలు దక్కుతున్నాయి. ఈ స్టెప్స్ చూసి జానీ మాస్టర్ కూడా స్పందించారంటే, ఏ రేంజ్‌లో ఆయన డ్యాన్స్ ఉందో అర్థం చేసుకోవచ్చు. నెటిజన్లు కూడా ఈ డ్యాన్స్‌పై చాలా పాజిటివ్‌గా స్పందిస్తున్నారు. ‘మీరు స్టార్స్‌కు ఏం తక్కువ కాదు సార్’, ‘ఊహించని అద్భుతమిది’, ‘ప్రొఫెషనల్ డ్యాన్సర్‌ల కంటే కూడా గొప్పగా చేశారు’ అంటూ నెటిజన్లు చేస్తున్న కామెంట్స్ ఈ వీడియోని వైరల్ చేస్తున్నాయి.

Also Read- iBomma Ravi Case: ఐబొమ్మ ఎలా పనిచేస్తుందో.. కళ్లకు కట్టిన ఏసీపీ.. వెలుగులోకి మరిన్ని నిజాలు

ఒక్క రోజులో 3 మిలియన్ల వ్యూస్

కౌశిక్ ఈ వీడియోను తన ఇన్‌స్టాగ్రామ్ హ్యాండిల్‌లో పోస్ట్ చేశారు. ఈ వీడియో పోస్ట్ చేసిన 24 గంట్లోలనే 3 మిలియన్ ప్లస్ వ్యూస్‌ని రాబట్టుకోవడంతో.. వీడ్కోలుకు నృత్యం తప్పనిసరి అంటూ నరేష్ కౌశిక్ అందరికీ ధన్యవాదాలు చెబుతూ వీడియోను షేర్ చేశారు. వ్యూస్ మాత్రమే కాదు.. 1,50,808 లైక్స్‌ను ఈ వీడియో సంపాదించి, తక్కువ టైమ్‌లో ఎక్కువ లైక్స్ పొందిన వీడియోగా దూసుకెళుతోంది. ఒక లెక్కల మాస్టర్ ఈ స్థాయిలో డ్యాన్స్ చేయడాన్ని చూసిన వారంతా ఫిదా అవుతున్నారు. కొందరు ఆయనలాంటి ఉపాధ్యాయులు తమకు ఉండాలని కోరుకోగా, మరికొందరు విద్యావేత్తలు ఇంత బహిరంగంగా తమను తాము వ్యక్తపరచడం ఎంత ప్రోత్సాహకరంగా ఉందో అని వ్యాఖ్యానిస్తున్నారు. మరికొందరైతే.. ‘గణిత ఉపాధ్యాయులు నిజంగా ఇంత కూల్‌గా ఉంటారా?’, ‘అంకుల్.. పక్కా రాక్‌స్టార్!’, ‘చాలా బాగా చేశారు. అద్భుతమైన వీడ్కోలు’, ‘ఎవరైనా ఈ వీడియోను షాహిద్ కపూర్‌కు పంపండి’ అంటూ చాలా పాజిటివ్‌గా కామెంట్స్ చేస్తుండటం విశేషం. కొరియోగ్రాఫర్ మెల్విన్ లూయిస్ కూడా ‘క్యా బాత్ హై సార్’ అని కామెంట్ చేశారు. ఇలా నరేష్ కౌశిక్ డ్యాన్స్ వీడియో ఇంటర్నెట్‌లో అత్యధికంగా చర్చించుకుంటున్న హ్యాపీ వీడియోగా క్రెడిట్ దక్కించుకుంటోంది.

">

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు