Bigg Boss Telugu 9: ఇప్పటి వరకు బిగ్ బాస్ తెలుగు సీజన్ 9 (Bigg Boss Telugu Season 9)లో ప్రేమ జంటలు ఎవరంటే.. వెంటనే డిమోన్ పవన్ – రీతూ, కళ్యాణ్ – తనూజ అనే అందరూ చెబుతారు. కానీ, ఇప్పుడు హౌస్‌లో కొత్త ప్రేమ జంటలు పుట్టుకొచ్చారు. ఈ జంటలను చూస్తే ఎవరైనా అవాక్కవాల్సిందే. అవును, బిగ్ బాస్‌లో హౌస్‌లో కొత్త ప్రేమ జంట ప్రపోజల్స్‌కు సంబంధించిన ప్రోమోని తాజాగా బిగ్ బాస్ టీమ్ విడుదల చేసింది. ఈ వీడియో చూసిన వారంతా షాక్ అవుతున్నారు. మరీ ముఖ్యంగా సంజన, సుమన్ శెట్టిల (Sanjjanaa and Suman Shetty) మధ్య ప్రేమ ఏంటని ఆశ్చర్యపోతున్నారు. కొన్ని రోజులుగా సుమన్ శెట్టిని డార్లింగ్, డార్లింగ్ అంటూ సంజన ఆటపట్టిస్తున్న విషయం తెలిసిందే. ఇప్పుడా ఇద్దరే ప్రేమ జంటలుగా మారి, కిస్ పెట్టుకునే వరకు వెళ్లారు. ఏంటి షాకయ్యారా? అవును సంజనను, సుమన్ శెట్టి కిస్ చేశాడు. అంతే, ఒక్కసారి హౌస్‌లోని వారు కూడా ఆశ్చర్యపోయారు. అసలు విషయం ఏంటని అనుకుంటున్నారా..

Also Read- Syamala: హిందూపురంలో అంత రచ్చ జరుగుతుంటే ఎమ్మెల్యే ఎక్కడ? బాలకృష్ణపై శ్యామల ఫైర్..

యోధులుగా హౌస్‌లోకి పాత కంటెస్టెంట్స్

ఈ వారం కెప్టెన్ కంటెండర్‌ షిప్ టాస్క్‌ను బిగ్ బాస్ వెరైటీగా ప్లాన్ చేసిన విషయం తెలిసిందే. బిగ్ బాస్ గత సీజన్లలోని కంటెస్టెంట్స్‌ను యోధులుగా ఇంట్లోకి పంపి, వారితో ఇంటిలోని కెప్టెన్సీ కంటెండర్‌ షిప్‌కు పోటీ పడే వారితో టాస్క్ ఆడించారు. ఈ టాస్క్‌లో కళ్యాణ్ గెలిచినట్లుగా ఇప్పటికే క్లారిటీ అయితే వచ్చేసింది. యోధులుగా వెళ్లిన వారు టాస్క్‌లకే పరిమితం కాకుండా, హౌస్‌మేట్స్‌తో కలిసి కాసేపు అందరినీ ఎంటర్‌టైన్ చేశారు. గౌతమ్ (Gautham), ప్రియాంక (Priyanka) యోధులుగా హౌస్‌లోకి అడుగు పెట్టారు. ప్రియాంక ‘అత్తారింటికి దారేది’ సినిమాలో బ్రహ్మానందాన్ని అంతా గ్రూపుగా చేరి కొట్టే సన్నివేశాన్ని రీ క్రియేట్ చేస్తున్నట్లుగా తెలుస్తోంది. ఇక గౌతమ్ పార్ట్‌కు సంబంధించి తాజాగా బిగ్ బాస్ టీమ్ అధికారికంగా విడుదల చేసిన ప్రోమోలో..

Also Read- Teacher Naresh Kaushik: ఫేర్వెల్ పార్టీ‌లో ఈ లెక్కల మాస్టర్ చేసిన డ్యాన్స్‌కి జానీ మాస్టర్ ఫిదా.. వీడియో వైరల్!

సంజనకు సుమన్ శెట్టి కిస్

హౌస్‌మేట్స్‌ని ప్రేమ జంటలుగా విభజించి ప్రపోజ్ చేసే సన్నివేశాన్ని గౌతమ్ డైరెక్ట్ చేస్తున్నట్లుగా చూపించారు. లైట్స్, కెమెరా, యాక్షన్ అని గౌతమ్ చెప్పగానే.. తనూజ – డిమోన్ (Tanuja and Demon) జంట సీన్ చేస్తున్నారు. ఒక స్టాండ్‌లో వెయిట్ చేస్తున్న తనూజను.. దయచేసి నేను ఇక్కడ కూర్చోవచ్చా? అని పవన్ అడగగానే, ఆమె ఓకే చెప్పింది. మీరు ఫ్రీ యేనా? అని తనూజని అడిగి, ‘వన్ టు త్రీ – ఈ రోజు నేను ఫ్రీ.. ఫోర్, ఫైవ్, సిక్స్ – నీ మీద నేను ఫిక్స్’ అని చెబుతుండగా.. ఫల్లీలే అంటూ ఇమ్ము ఎంట్రీ.. ఎంటర్‌టైన్‌మెంట్ పీక్స్. ఆ తర్వాత సంజన కాఫీ షాప్‌లో కూర్చుని కాఫీ తాగుతుండగా, సుమన్ శెట్టి వచ్చి.. ‘మిమ్మల్ని ఎక్కడో చూసినట్లు ఉందే.. ఆ.. లాస్య ఫ్రెండ్ కదా మీరు’ అని అడగగానే ‘అవునండి’ అని సంజన సమాధానమిచ్చింది. ఇంతలో ఇమ్ము వచ్చి.. తనదైన తరహాలో కామెడీ చేశాడు. ఇమ్ముని పంపించేసి.. సంజనకు ‘ఐ లవ్ యు’ అని సుమన్ ప్రపోజ్ చేయగానే ‘ఓ మై గాడ్’ అంటూ సంజన ఆశ్చర్యపోయింది. వెంటనే సంజన చేయి పట్టుకుని సుమన్ శెట్టి కిస్ చేశాడు. సంజనతో పాటు హౌస్‌మేట్స్ అందరూ హ్యాపీగా నవ్వుకుంటున్నారు. నెక్ట్స్ జంట దివ్య – ఇమ్ము (Divya and Emmanuel). ఈ ప్రపోజల్‌లో ప్రాసలతో దివ్యని ఇంప్రెస్ చేస్తున్నాడు ఇమ్ము. ‘నాకు ఇష్టమైన హీరో జై బాలయ్య. నిన్ను చూడగానే పడిపోయా.. నాకు మామయ్య అవుతాడా.. మీ అయ్య’ అంటూ ఇమ్ము ప్రాసలు పేల్చుతుంటే అంతా హాయిగా నవ్వుకుంటున్నారు. మరి ఇది టాస్కా? లేదంటే సరదాగా ఆడించారా? అనేది తెలియాలంటే మాత్రం.. ఇంకాస్త సేపు వెయిట్ చేయాల్సిందే.