Rukmini: నిరంజన్, గ్రీష్మ నేత్రికా, ప్రియాంక, దీప్తి శ్రీరంగం హీరోహీరోయిన్లుగా జీ సినిమా బ్యానర్‌పై నేలబల్లి సుబ్రహ్మణ్యం రెడ్డి, కట్టా గంగాధర రావు నిర్మిస్తున్న చిత్రం ‘రుక్మిణి’ (Rukmini). శ్రీమతి నేలబల్లి కుమారి సమర్పిస్తున్న ఈ చిత్రాన్ని సరికొత్త హారర్ కామెడీ కథతో దర్శకుడు సింహాచలం గుడుపూరి (Simhachalam Gudupuri) తెరకెక్కిస్తున్నారు. న్యూ ఇయర్ స్పెషల్‌గా నటకిరీటి రాజేంద్రప్రసాద్ చేతుల మీదుగా ‘రుక్మిణి’ మూవీ ఫస్ట్ లుక్ పోస్టర్‌ను మేకర్స్ విడుదల చేశారు. ఫస్ట్ లుక్ విడుదల అనంతరం నటకిరీటి రాజేంద్రప్రసాద్ (Rajendra Prasad) మాట్లాడుతూ.. నిర్మాత గంగాధర్ నాతో ఎన్నో ఏళ్లు పనిచేశాడు. ‘ఎదురింటి మొగుడు పక్కింటి పెళ్లాం’ వంటి ఎన్నో విజయవంతమైన సినిమాలకు ఆయన నాతో వర్క్ చేశాడు. నాకు మంచి స్నేహితుడైన గంగాధర్ ఇప్పుడు నిర్మాతగా ‘రుక్మిణి’ సినిమా చేయడం చాలా హ్యాపీగా ఉంది. అప్పుడైనా ఇప్పుడైనా ఎప్పుడైనా.. చిన్న సినిమా ఆదరణ పొందినప్పుడే ఇండస్ట్రీ కళకళలాడుతూ ఉంటుంది. చిన్న చిత్రాలు సక్సెస్ కావాలని ఎప్పుడూ కోరుకుంటూ ఉంటాను. నిరంజన్ హీరోగా నటిస్తున్న ఈ ‘రుక్మిణి’ సినిమా మంచి విజయం సాధించాలని కోరుకుంటూ.. టీమ్ అందరికీ నా బెస్ట్ విశెస్ తెలియజేస్తున్నానని అన్నారు. ఫస్ట్ లుక్‌ని గమనిస్తే.. చాలా భయానకంగా ఉంది. ఈ జానర్ మూవీకి ఏం కావాలో.. అది ఈ పోస్టర్‌లో ఉంది. ఈ పోస్టర్‌తో సినిమాపై భారీగా అంచనాలు మొదలయ్యాయి.

Also Read- Vishwak Sen: విశ్వక్ సేన్ నెక్ట్స్ ఫిల్మ్ టైటిల్ ఇదే.. అనౌన్స్‌మెంట్ టీజర్ అదిరింది

అప్పుడు ఆదరించారు.. ఇప్పుడు కూడా..

చిత్ర హీరో నిరంజన్ మాట్లాడుతూ.. మా ‘రుక్మిణి’ మూవీ ఫస్ట్ లుక్ పోస్టర్ లాంఛ్ చేసిన నటకిరీటి రాజేంద్రప్రసాద్‌కు ధన్యవాదాలు తెలియజేసుకుంటున్నాను. మా యంగ్ టీమ్ అంతా కలిసి ఒక మంచి మూవీ చేస్తున్నాం. హారర్ కామెడీ జానర్‌లో ఉంటుందీ చిత్రం. సకుటుంబంగా కలిసి చూసేలా.. అన్ని రకాల ఎలిమెంట్స్‌తో దర్శకుడు ఈ చిత్రాన్ని రూపొందిస్తున్నారు. సంక్రాంతికి టీజర్‌ విడుదల చేసే ప్లాన్‌లో ఉన్నాం. మాకు సపోర్ట్ చేస్తున్న అందరికీ ధన్యవాదాలు తెలియజేస్తున్నానని తెలిపారు. హీరోయిన్ గ్రీష్మ నేత్రికా మాట్లాడుతూ.. ‘మల్లీశ్వరి’ మూవీలో చైల్డ్ ఆర్టిస్ట్‌గా చేసినప్పుడు అందరూ ఎంతగానో ఆదరించారు. ‘రుక్మిణి’ సినిమాతో హీరోయిన్‌గా పరిచయమవుతున్నందుకు సంతోషంగా ఉంది. హీరోయిన్‌గానూ నన్ను ఆదరిస్తారని కోరుకుంటున్నాను. ఈ సినిమా షూటింగ్ టైమ్‌లో మేమంతా ఎంత ఎంజాయ్ చేశామో.. రేపు థియేటర్లలో ఈ సినిమా చూసేటప్పుడు అందరూ అలాగే ఎంజాయ్ చేస్తారు. నటకిరీటీకి ధన్యవాదాలని చెప్పుకొచ్చారు.

Also Read- Pawan Kalyan: ఇచ్చిన మాట నిలబెట్టుకున్న పవన్.. ఆ సినిమాలు డౌటే!

సరికొత్త హారర్ కామెడీ కథ

నిర్మాత కట్టా గంగాధర్ రావు మాట్లాడుతూ.. ప్రేక్షకులందరికీ నూతన సంవత్సర శుభాకాంక్షలు. నటకిరీటీ రాజేంద్రప్రసాద్‌తో నాకు దాదాపు 30 ఏళ్ల అనుబంధం ఉంది. ఆయన చేతుల మీదుగా మా ‘రుక్మిణి’ సినిమా ఫస్ట్ లుక్ పోస్టర్‌ను రిలీజ్ చేయించుకోవడం చాలా హ్యాపీగా ఉంది. ఆయన నటించిన ఎన్నో సినిమాలకు నేను వర్క్ చేశాను. ఆయన ఆశీస్సులు మా టీమ్‌కు ఎప్పుడూ ఉంటాయని ఆశిస్తున్నాను. మంచి కంటెంట్, కొత్త కాన్సెప్ట్‌తో వస్తున్న ఈ సినిమాను ప్రేక్షకులు సపోర్ట్ చేస్తారని కోరుకుంటున్నానని తెలిపారు. డైరెక్టర్ సింహాచలం గుడుపూరి మాట్లాడుతూ.. సరికొత్త హారర్ కామెడీ కథతో ఈ సినిమాను రూపొందిస్తున్నాం. ఇందులో ప్రేక్షకులకు కావాల్సిన అన్ని ఎలిమెంట్స్‌ ఉంటాయి. కచ్చితంగా థియేటర్‌కు వచ్చిన ప్రేక్షకులు ఎంజాయ్ చేస్తారని పేర్కొన్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు