Nithiin36: టాలీవుడ్ టాలెంటెడ్ హీరో నితిన్ (Nithiin), వరుస పరాజయాలతో సతమతమవుతున్న విషయం తెలిసిందే. ఈ క్రమంలో ఆయన ఈసారి ఆచితూచి అడుగువేయాలని భావించినట్లున్నారు. కాస్త ఆలస్యమైనా, క్రేజీ అప్డేట్‌తో ప్రేక్షకులను పలకరించారు. తన కెరీర్‌లో 36వ సినిమాగా రూపొందుతున్న ఈ చిత్రం కోసం విభిన్న చిత్రాల దర్శకుడు వి.ఐ. ఆనంద్ (‘ఊరు పేరు భైరవకోన’ ఫేమ్)తో చేతులు కలిపారు. ఈ ప్రాజెక్ట్‌ను జనవరి 25న రథ సప్తమి శుభ సందర్భంగా మేకర్స్ అధికారికంగా ప్రకటించారు. ఈ సినిమా హై-కాన్సెప్ట్ సైన్స్ ఫిక్షన్ (Sci-Fi) డ్రామాగా తెరకెక్కనుంది. ‘నో బాడీ.. నో రూల్స్’ (No Body.. No Rules) అనే ట్యాగ్‌లైన్‌తో రిలీజ్ చేసిన అనౌన్స్‌మెంట్ పోస్టర్ సినిమాపై భారీ అంచనాలను పెంచేస్తుంది.

Also Read- Love Affair Revenge: ప్రియుడు వేరే పెళ్లి చేసుకున్నాడని కలలో కూడా ఊహించని పనికి పాల్పడ్డ ప్రియురాలు

గ్రాండ్ స్కేల్‌లో

సాధారణంగా లవ్ స్టోరీలు, మాస్ యాక్షన్ మూవీస్ చేసే నితిన్, ఈసారి సరికొత్త జోనర్‌ను ఎంచుకోవడం విశేషం. దర్శకుడు వి.ఐ. ఆనంద్ (VI Anand) తన గత చిత్రాలైన ‘ఎక్కడికి పోతావు చిన్నవాడా’, ‘డిస్కో రాజా’ తరహాలోనే ఒక యూనిక్ సినిమాటిక్ ఎక్స్‌పీరియెన్స్‌ను ఈ సినిమాతో అందించబోతున్నారనే విషయం ఈ అనౌన్స్‌మెంట్ పోస్టర్ తెలియజేస్తుంది. ఈ ప్రతిష్టాత్మక చిత్రాన్ని శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తున్నారు. పవన్ కుమార్ ఈ చిత్రాన్ని సమర్పిస్తున్నారు. క్వాలిటీ విషయంలో ఎక్కడా తగ్గకుండా గ్రాండ్ స్కేల్‌లో ఈ సినిమాను ప్లాన్ చేస్తున్నారు. ఈ కాంబినేషన్ చూస్తుంటే నితిన్ కెరీర్‌లో కచ్చితంగా ఇదొక టర్నింగ్ పాయింట్ అవుతుందనే అనిపిస్తోంది.

Also Read- Swayambhu Movie: నిఖిల్ ‘స్వయంభు’ రిలీజ్ డేట్‌లో మార్పు.. వచ్చేది ఎప్పుడంటే?

ఆసక్తి రేపుతున్న నితిన్ మేకోవర్

తాజా సమాచారం ప్రకారం, ఈ సైఫై మూవీలో నితిన్ రెండు భిన్నమైన షేడ్స్ ఉన్న పాత్రల్లో కనిపించే అవకాశం ఉందని తెలుస్తోంది. తన గత చిత్రం ‘తమ్ముడు’ తర్వాత నితిన్ ఈ ప్రాజెక్ట్ కోసం పూర్తిగా మేకోవర్ అవుతున్నట్లు తెలుస్తోంది. త్వరలోనే ఈ సినిమా రెగ్యులర్ షూటింగ్ ప్రారంభం కానుంది. ఈ సినిమాలో నటించే హీరోయిన్, ఇతర నటీనటులు, సాంకేతిక నిపుణుల వివరాలను మేకర్స్ త్వరలోనే వెల్లడించనున్నారు. ‘కెజియఫ్’ ఫేమ్ రవి బస్రూర్ సంగీతం అందించే ఛాన్స్ ఉన్నట్లు ఇండస్ట్రీలో టాక్ నడుస్తోంది. ఏది ఏమైనా, వైవిధ్యమైన కథలను ఎంచుకునే వి.ఐ. ఆనంద్, నితిన్‌కు ఒక సాలిడ్ హిట్ ఇస్తారనే నమ్మకంతో ఫ్యాన్స్ ఉన్నారు. నితిన్ కెరీర్‌లోనే అత్యంత ప్రయోగాత్మక చిత్రంగా రాబోతున్న ‘Nithiin36’పై ఇప్పటికే ఇండస్ట్రీలో భారీ బజ్ నెలకొంది. ఈ సైన్స్ ఫిక్షన్ మ్యాజిక్ బాక్సాఫీస్ వద్ద ఎలాంటి వండర్స్ క్రియేట్ చేస్తుందో, చాన్నాళ్లుగా నితిన్‌కు దక్కని హిట్‌ని ఏవిధంగా ఇస్తుందో తెలియాలంటే మాత్రం వేచి చూడాల్సిందే.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు