Nidhhi Agerwal: సంక్రాంతి పండుగ స్పెషల్‌గా వచ్చిన రెబల్ స్టార్ ప్రభాస్ (Rebel Star Prabhas) నటించిన ‘ది రాజా సాబ్’ (The Raja Saab) మూవీ టాక్‌తో సంబంధం లేకుండా కలెక్షన్ల వర్షం కురిపిస్తోంది. ఫ్యామిలీ ఆడియెన్స్, పిల్లలు మూవీని బాగా ఎంజాయ్ చేస్తుండటంతో థియేటర్స్ ఫుల్ అవుతున్నాయి. వర్సటైల్ పర్‌ఫార్మెన్స్‌తో ప్రభాస్ చేసిన వన్ మ్యాన్ షో, హారర్ ఫాంటసీ జానర్‌లో ఒక కొత్త వరల్డ్ క్రియేట్ చేసిన డైరెక్టర్ మారుతి టేకింగ్‌పై మొదట నెగిటివ్‌గా టాక్ నడిచినా, కొత్త సీన్లు యాడ్ చేసిన తర్వాత సినిమా బాగానే ఉందంటూ ప్రేక్షకులు సినిమాను చూసేందుకు క్యూ కడుతున్నారు. ఈ సినిమాను అన్ కాంప్రమైజ్డ్‌గా గ్లోబల్ సినిమా స్థాయిలో పీపుల్ మీడియా ఫ్యాక్టరీ ప్రొడ్యూస్ చేసింది. ఈ నేపథ్యంలో ‘ది రాజా సాబ్’ సక్సెస్ సంతోషాన్ని హీరోయిన్ నిధి అగర్వాల్ (Nidhhi Agerwal) మీడియాతో పంచుకున్నారు. ఆమె మాట్లాడుతూ..

Also Read- Chiranjeevi MSG Party: వెంకీమామ ఎక్కడున్నా అదే సందడి.. చిరు పార్టీ వీడియో వైరల్!

మాకు అలాంటివేం ఎదురుకాలేదు

‘‘డైరెక్టర్ మారుతి ఎంతో క్లారిటీగా ఈ సినిమాను రూపొందించారు. ఆయన సెట్‌కు వచ్చే ముందే ఏ సీన్ షూట్ చేయాలనేది క్లియర్‌గా ఉండేవారు. ఒకేసారి ఐదారుగురు ఆర్టిస్టులతో సీన్ చేయించడం సులువు కాదు. ప్రతి ఒక్కరి టైమ్‌కు వ్యాల్యూ ఇవ్వాలి. ఇందులో అలాంటి సీన్లు ఎక్కువ ఉంటాయి. మారుతితో వర్క్ చేయడం అందరికీ ఎంతో ఈజీ. ఆయన సెట్‌లో చాలా సరదాగా ఉంటారు. నిజంగా ఇలాంటి సినిమాను నిర్మించాలంటే ఎంతో ప్యాషన్ ఉండాలి. అలాంటి ప్యాషనేట్ ప్రొడ్యూసర్ మా నిర్మాత టీజీ విశ్వప్రసాద్. ఈ మూవీలోని విజువల్ ఎఫెక్ట్స్, భారీ సెట్స్, ప్రొడక్షన్ క్వాలిటీ విషయంలో ఎక్కడా ఆయన రాజీ పడలేదు. అందుకే ఇంత హై క్వాలిటీతో సినిమా వచ్చింది. ఈ మూవీలో ముగ్గురు హీరోయిన్స్ అనే విషయం ముందే తెలుసు. ప్రభాస్‌తో నటించడం, ఇంత భారీ చిత్రంలో నేనూ ఒక భాగం కావడం చాలా హ్యాపీగా ఉంది. విజువల్ ఎఫెక్ట్స్ ఉన్న సన్నివేశాల్లో యాక్టింగ్ కరెక్ట్‌గా చేసేందుకు కొంత టైమ్ పట్టేది. లుక్ ఎక్కడ ఇవ్వాలి, లేనివి ఉన్నట్లు ఊహించుకుని రియాక్ట్ కావాలి.. ఇలాంటివి కొన్ని సీన్స్ చేశాక నాకు ఈజీ అయ్యాయి. హారర్ మూవీస్ చేస్తున్నప్పుడు ఆ మూవీలోని యాక్టర్స్ తమకు కొన్ని అనూహ్యమైన ఘటనలు జరిగాయని చెబుతుంటారు. కానీ మాకు అలాంటివేం ఎదురుకాలేదు. నిజానికి నాకు దెయ్యాలు, ఇలాంటి హారర్ కంటెంట్ సినిమాలంటే చాలా భయం. అందుకే రాత్రిపూట నిద్రపోయేప్పుడు లైట్స్ వేసుకుని హనుమాన్ చాలీసా లూప్‌లో వింటూ నిద్రపోతాను.

Also Read- Rithu Chowdary: వాళ్లిద్దరి కంటే ముందు.. నేను చనిపోవాలని కోరుకుంటా!

చాలా నేర్చుకున్నా..

టాలీవుడ్‌లో నేను కూడా ఒక భాగం. నాది తెలుగు సినిమా అని చెప్పుకుంటాను. ఇటీవల నేను ముంబై వెళ్లినప్పుడు అక్కడ తెలుగు సినిమాలు ఎంతో క్వాలిటీగా.. లార్జ్ స్కేల్‌లో జరుగుతున్నాయని నార్త్ వాళ్లు చెప్పుకుంటుంటే విన్నాను. మా మూవీనే కాదు.. సంక్రాంతికి వచ్చిన ప్రతి సినిమా ఆదరణ పొందాలని నేను కోరుకున్నాను. మనమంతా ఒకే పడవలో వెళ్తున్నప్పుడు.. ప్రమాదం జరగాలని చూస్తే అందరం మునిగిపోతాం కదా. పవర్ స్టార్‌తో ‘హరి హర వీరమల్లు’లో నటించినప్పుడు ఆయనను పవర్ స్టార్ అని ఎందుకు అంటారో అర్థమైంది. ఆయనెప్పుడు చాలా ధైర్యంగా ఉంటారు. రెబల్ స్టార్‌తో వర్క్ చేసినప్పుడు ఎంత ఎదిగినా వినయంగా ఎలా ఉండాలో అర్థమైంది. ఈ జర్నీలో వారిద్దరినీ చూసి ఎంతో నేర్చుకున్నాను. ప్రస్తుతం తెలుగులో మూడు, హిందీలో రెండు మూవీస్ చేస్తున్నాను. తెలుగులో బిజీగా ఉండటం వల్ల హైదరాబాద్‌లోనే ఇల్లు తీసుకున్నా. ఇక్కడికి షిప్ట్ అవుతున్నాను. నా బాల్యం నుంచే హీరోయిన్ కావాలని కలగన్నాను.. నేను కలలుగన్న కెరీర్‌నే కొనసాగిస్తున్నాను కాబట్టి.. కొత్తగా నేను కోరేది ఏమీ లేదు. హీరోయిన్‌గా మంచి పర్పస్ ఫుల్ ప్రాజెక్ట్స్ చేయాలని మాత్రం కోరుకుంటున్నాను’’ అని నిధి చెప్పుకొచ్చింది.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు