Mouni Roy: బాలీవుడ్ నటికి ఫ్యాన్స్ నుంచి చేదు అనుభవం.. వద్దన్నా చేతులు వేస్తూ..

Mouni Roy: ప్రముఖ బాలీవుడ్ నటి మౌనీ రాయ్ కు ఫ్యాన్స్ నుంచి చేదు అనుభవం ఎదురైంది. కర్నల్‌లో జరిగిన ఒక వేడుకలో ఎదురైన చేదు అనుభవం గురించి చెబుతూ తన సోషల్ మీడియాలో పోస్ట్ చేశారు. అందులో “గతంలో కర్నల్‌లో జరిగిన ఒక వేడుకలో అతిథుల ప్రవర్తన నాకు చాలా అసహ్యం కలిగించింది. ముఖ్యంగా తాతల వయసున్న ఇద్దరు వ్యక్తులు (uncles) ప్రవర్తించిన తీరు దారుణం. వేడుక ప్రారంభమై నేను స్టేజ్ వైపు వెళ్తుండగా, అక్కడ ఉన్న కొందరు పురుషులు ఫోటోల కోసం నా నడుముపై చేతులు వేశారు. ‘దయచేసి చేయి తీయండి’ అని చెప్పినా వారు వినిపించుకోలేదు.

Read also-Divi Vadhya: ప్రేమించడం అంటే అంత ఈజీ కాదు.. బ్రేకప్ తర్వాత అవి కామన్.. నటి దివి

ఇక స్టేజ్ మీద పరిస్థితి మరీ ఘోరం. ఇద్దరు వ్యక్తులు సరిగ్గా స్టేజ్ ముందే నిలబడి అసభ్యకరమైన వ్యాఖ్యలు చేస్తూ, సైగలు చేస్తూ నన్ను పిలవసాగారు. అది గమనించిన నేను మొదట మర్యాదగా అలా చేయవద్దని సైగ చేశాను, కానీ వారు నాపై గులాబీలు విసరడం మొదలుపెట్టారు. దాంతో నేను ప్రదర్శన మధ్యలోనే స్టేజ్ దిగి వెళ్లిపోయాను, కానీ మళ్ళీ తిరిగి వచ్చి నా పని పూర్తి చేశాను. నేను అంతలా స్పందించినా వారు ఆగలేదు, అటు కుటుంబ సభ్యులు కానీ, ఇటు నిర్వాహకులు కానీ వారిని అక్కడి నుండి పంపించే ప్రయత్నం చేయలేదు. నాలాంటి వారికే ఇలాంటి పరిస్థితి ఎదురైతే, ఇక కొత్తగా ఈ రంగంలోకి వచ్చే అమ్మాయిల పరిస్థితి ఏంటో అని ఆలోచిస్తేనే భయమేస్తోంది. నేను చాలా అవమానంగా, బాధగా ఫీలవుతున్నాను. ఇలాంటి ప్రవర్తనపై అధికారులు చర్యలు తీసుకోవాలని కోరుకుంటున్నాను. మేము కళాకారులం, మా ప్రతిభతో గౌరవంగా బతకాలని చూస్తున్నాం. తమ ఇంట్లోని ఆడవాళ్ళతో వేరే ఎవరైనా ఇలాగే ప్రవర్తిస్తే ఈ మగవారు ఊరుకుంటారా? మీకు సిగ్గుండాలి!’ అంటూ వారిపై ఫైర్ అయ్యారు.

Read also-Rajasaab Song: ‘ది రాజాసాబ్’ నుంచి బ్లాడ్ బాస్టర్ సాంగ్ ‘సహనా సహనా’ ఫుల్ వీడియో వచ్చేసింది..

‘మరో విషయం ఏమిటంటే, స్టేజ్ ఎత్తులో ఉండటంతో ఆ వ్యక్తులు కింద నుండి అసభ్యకరమైన కోణంలో వీడియోలు తీస్తున్నారు. ఎవరైనా వారిని ఆపమని అడిగితే వారిని దూషించారు. నా దేశం అన్నా, ఇక్కడి ప్రజలు సంప్రదాయాలు అన్నా నాకు గౌరవం ఉంది, కానీ ఇదా మీ సంస్కృతి? మగవాళ్ళమనే అహంకారమా? నేను సాధారణంగా ఇలాంటి ప్రతికూల విషయాలను బయట పెట్టను, కానీ ఈసారి నా దగ్గర మాటలు లేవు. మేము నటులము, వధూవరులను ఆశీర్వదించడానికి, ఆ వేడుకలో సంతోషాన్ని నింపడానికి వస్తాము. మేము అతిథులం, కానీ మమ్మల్ని ఇలా వేధించడం అసహ్యం పుట్టిస్తోంది.” అంటూ ఆమె రాసుకొచ్చిన నోట్ ప్రస్తుతం సోషల్ మీడియాలో తెగ వైరల్ అవుతోంది. ఇప్పటికే ఇలాంటి విషయాలపై దేశ వ్యాప్తంగా నిరసనలు వస్తున్నా. ఫ్యాన్స్ ముసుగులో కొందరు ఆకతాయిలు హీరోయిన్లను ఎప్పుడూ ఇబ్బంది పెడుతూనే ఉన్నారు. ఇటీవల నిథి అగర్వాల్ ఘటన మరవక ముందే మరో హీరోయిన్ ఇలాంటి అనుభవం ఎదురవడం సినిమా పరిశ్రమను కలవర పరుస్తుంది. సినిమాల్లో కి రావలనుకునేవారకి ఇలాంటి ఘటనలు ఎంతో ప్రభావం చూపనున్నాయి.

మొన్న నిథి నేడు మౌనీ రాయ్.. ఇంక మారరా? pic.twitter.com/ZAg3e7fFO2

— మంచాల బాబు (@manchalababu03) January 24, 2026