Epaper 
Mega157: మెగాస్టార్ చిరంజీవి, బ్లాక్ బస్టర్ హిట్ మెషీన్ అనిల్ రావిపూడి కాంబినేషన్‌లో మోస్ట్ అవైటెడ్ హోల్సమ్ ఎంటర్‌టైనర్ చిత్రంగా రూపుదిద్దుకుంటోన్న సినిమా Mega157. ప్రస్తుతం ఈ సినిమా షూటింగ్ కేరళలోని కొన్ని అద్భుతమైన ప్రదేశాలలో జరుగుతున్నట్లుగా మేకర్స్ అధికారిక ప్రకటన విడుదల చేశారు. అంతేకాదు, కేరళలో జరుగుతున్న షూట్‌కి సంబంధించి సోషల్ మీడియాలో కొన్ని వీడియోలు లీక్ కావడంపై టీమ్ ఫైర్ అయ్యింది. ఇలాంటి పనులు చేస్తే లీగల్ యాక్షన్ తీసుకుంటామంటూ వార్నింగ్ ఇస్తూ ఓ లేఖను టీమ్ విడుదల చేసింది. షైన్ స్క్రీన్స్ బ్యానర్‌పై సాహు గారపాటి, సుష్మిత కొణిదెల గోల్డ్ బాక్స్ ఎంటర్‌టైన్‌మెంట్స్‌తో కలిసి నిర్మిస్తున్న ఈ చిత్రాన్ని శ్రీమతి అర్చన గర్వంగా సమర్పిస్తున్నారు. టీం ప్రస్తుతం కేరళలో ఒక పాటను చిత్రీకరిస్తోంది.
Also Read- Star Hero: మాజీ లవర్ పై మోజు పడుతున్న హీరో .. పెళ్ళైనా పర్లేదు నీ భార్య నాకు కావాలంటూ..?
చిరంజీవి, నయనతారలపై ఓ కలర్‌ఫుల్‌, మెలోడియస్ మాంటేజ్ సాంగ్‌ని చిత్రీకరిస్తున్నట్లుగా టీమ్ తెలిపింది. భీమ్స్ సెసిరోలియో అద్భుతమైన సాంగ్‌ని కంపోజ్ చేశారని, పెళ్లి సందడి నేపథ్యంలో జరగుతున్న ఈ పాట పూర్తిగా జాయ్‌ఫుల్‌, సెలబ్రేటరీ మూడ్‌లో సాగుతుందని, అలాగే కొన్ని కీలకమైన సీన్లను కూడా ఈ షెడ్యూల్‌లో షూట్ చేస్తున్నారని, ఈ షెడ్యూల్ షూటింగ్ జూలై 23తో పూర్తవుతుందని మేకర్స్ ఈ ప్రకటనలో తెలియజేశారు. ఇటీవల రిలీజ్ చేసిన ప్రోమోలో చిరంజీవి వింటేజ్, స్టైలిష్ లుక్‌లో అలరించిన విషయం తెలిసిందే. దర్శకుడు అనిల్ రావిపూడి స్టైల్‌కి తగ్గట్టుగా.. షూటింగ్ స్పీడుగా, పక్కా ప్లాన్డ్‌గా జరుగుతోంది. సినిమా మంచి నోస్టాల్జిక్ ఫీల్‌తో ఉండబోతోందని తెలుస్తోంది.
ఇక లీకైన వీడియోపై విడుదల చేసిన మెసేజ్‌లో.. ‘‘ఈ సినిమాకు సంబంధించిన కొన్ని వీడియోలు, ఫొటోలు సోషల్ మీడియాలో సంచరించడం మా దృష్టికి వచ్చింది. మా అనుమతి లేకుండా ఆ కంటెంట్ లీకయింది. ఇకపై సెట్స్‌ నుంచి కంటెంట్ రికార్డు చేయవద్దని ఈ సందర్భంగా కోరుతున్నాం. అలా చేస్తే ఇకపై చట్టపరమైన చర్యలు తీసుకుంటాం. ఇలాంటి పనుల వల్ల షూటింగ్‌కు అంతరాయం కలగడమే కాకుండా, దీనికోసం అవిశ్రాంతంగా పనిచేస్తున్న టీమ్ అందరినీ బాధ పెట్టినట్లు అవుతుంది. దీనికి సంబంధించిన ఫొటోలను ఎవరూ షేర్‌ చేయవద్దని విజ్ఞప్తి చేస్తున్నాం. ఎంతో ప్రేమతో ఈ సినిమాను తెరకెక్కిస్తున్నాం. మేము విడుదల చేసే అధికారిక సమాచారాన్ని మాత్రమే షేర్‌ చేయాలని అభిమానులను ఈ సందర్భంగా కోరుతున్నాం’’ అని తెలిపారు. Mega157 మూవీని 2026 సంక్రాంతికి విడుదల చేసేందుకు సన్నాహాలు చేస్తున్నారు.
An official note from team #MEGA157.
Team #ChiruAnil humbly request not to share or circulate any leaked photos or videos from the sets.
A strict legal action will be taken against anyone involved in recording or distributing unauthorized content.@Shine_Screens @GoldBoxEnt pic.twitter.com/WX2w5VbdCb
— Shine Screens (@Shine_Screens) July 19, 2025
స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు
