Prasanth Varma: ప్రశాంత్ వర్మకు అడ్వాన్స్ ఇవ్వడంపై క్లారిటీ ఇచ్చిన డీవీవీ ఎంటర్‌టైన్‌మెంట్స్..

Prasanth Varma: తెలుగు సినిమా పరిశ్రమలో ‘అడ్వాన్స్ డెలివరీ’ వివాదాలు ఎప్పటినుంచో ఉన్నాయి. కానీ ఇటీవల ‘హనుమాన్’ డైరెక్టర్ ప్రశాంత్ వర్మపై ఆరోపణలు జోరుగా వినిపిస్తున్నాయి. భారీ మొత్తంలో అడ్వాన్స్‌లు తీసుకుని ప్రాజెక్టులు మొదలుపెట్టకపోతున్నారని సోషల్ మీడియాలో వైరల్ అయిన ఈ రూమర్స్‌లో డీవీవీ ఎంటర్‌టైన్‌మెంట్స్ పేరు కూడా చేర్చబడింది. ‘ఓజీ’ సినిమాతో బ్లాక్‌బస్టర్ సక్సెస్ సాధించిన నిర్మాత డీవీవీ దానయ్య, తమ ప్రతిష్ట రక్షించుకోవడానికి తాజాగా అధికారిక ప్రకటన విడుదల చేశారు. అందులో ప్రశాంత్ వర్మకు ఎలాంటి అడ్వాన్సులు ఇవ్వలేదంటూ ఓ ప్రెస్ నోట్ ను విడుదల చేసింది.

Read also-Manchu Lakshmi: వారిని ఏకిపారేస్తున్న మంచు లక్ష్మి.. ఎందుకంటే?

ప్రశాంత్ వర్మ ‘హనుమాన్’తో పాన్-ఇండియా లెవెల్‌లో సూపర్‌హిట్ ఇచ్చిన తర్వాత, తన ప్రశాంత్ వర్మ్ సినిమాటిక్ యూనివర్స్ (PVCU)ను విస్తరించాలని ప్రకటించాడు. ‘మహాకాళీ’, ‘అధీర’ వంటి చిత్రాలు ఈ యూనివర్స్‌లో భాగం. ముఖ్యంగా ‘అధీర’లో డీవీవీ దానయ్య కుమారుడు కళ్యాణ్ దాసరిని హీరోగా పరిచయం చేస్తున్నారు. 2022 మార్చిలో టైటిల్ గ్లింప్స్ రిలీజ్ అయినప్పటికీ, ఆ తర్వాత అప్‌డేట్స్ రాకపోవడంతో అనుమానాలు మొదలయ్యాయి.

కొన్ని యూట్యూబ్ ఛానెళ్లు, సోషల్ మీడియా పోస్టులు “ప్రశాంత్ వర్మకు రూ. 80-100 కోట్ల అడ్వాన్స్‌లు తీసుకుని, ప్రాజెక్టులు సంతకం చేశాడు” అని ప్రచారం చేశాయి. ఈ జాబితాలో డీవీవీ ఎంటర్‌టైన్‌మెంట్స్, మిత్రా ఆర్ట్స్ వంటి బ్యానర్లు చేర్చబడ్డాయి. పరిశ్రమా చాంబర్ నుంచి చర్యలు తీసుకుంటామని కూడా కొన్ని మీడియా రిపోర్టులు పేర్కొన్నాయి. ఈ రూమర్స్ ‘ఓజీ’ సక్సెస్ తర్వాత డీవీవీ దానయ్య పేరును లింక్ చేయడంతో, వారు వెంటనే స్పందించారు. “డైరెక్టర్ ప్రశాంత్ వర్మ మా కంపెనీ లేదా డీవీవీ దానయ్య నుంచి ఎలాంటి అడ్వాన్స్‌లు లేదా ఆర్థిక సహాయం తీసుకోలేదు. ఈ ప్రచారం పూర్తిగా తప్పు అసంబద్ధం. మేం దీన్ని తీవ్రంగా ఖండిస్తున్నాం. ఇరువర్గాల మధ్య ఎలాంటి ఫార్మల్ ఒప్పందం లేదా ప్రొఫెషనల్ టై-అప్ కూడా లేదు. మీడియా, డిజిటల్ ప్లాట్‌ఫారమ్‌లు మరియు సోషల్ మీడియా వాడుకరులు వాస్తవాలు వెరిఫై చేయకుండా ఇలాంటి కంటెంట్ పోస్ట్ చేయవద్దు” అని స్పష్టం చేశారు.

Read also-Ravi Teja: హిట్టు లేదు.. కానీ మాస్ మహారాజాకు గ్యాప్ లేకుండా ప్రాజెక్ట్స్ ఎలా వస్తున్నాయంటే?

ఈ క్లారిఫికేషన్ తర్వాత, పరిశ్రమలో కొంత ప్రశాంత వాతావరణం నెలకొంది. కానీ ప్రశాంత్ వర్మపై మొత్తం ఒత్తిడి తగ్గలేదు. ‘హనుమాన్’ సక్సెస్ తర్వాత అతను పలు ప్రాజెక్టులు ప్రకటించినప్పటికీ, డెలివరీలో ఆలస్యం కావడంతో అతని క్రెడిబిలిటీపై ప్రశ్నలు లేవనెత్తుతున్నాయి. ఒక ప్రముఖ నిర్మాత మాట్లాడుతూ, “ప్రశాంత్ టాలెంటెడ్ డైరెక్టర్. కానీ అప్‌డేట్స్ ఇవ్వడం ముఖ్యం. ఇలాంటి రూమర్స్ పరిశ్రమకు బాడ్” అని అభిప్రాయపడ్డారు. దీని గురించి మిగతా నిర్మాణ సంస్థలు, నిర్మాతలు స్పందించాల్సి ఉంది. దీంతో ప్రశాంత్ వర్మపై నెగిటివిటీ పెరిగిపోతుంది. ఈ విషయంపై ప్రశాంత్ వర్మ ఎలా స్పందిస్తారో చూడాలి మరి.

pic.twitter.com/FdXzUh8LDw

— DVV Entertainment (@DVVMovies) October 31, 2025