Bellamkonda Sai Sreenivas: ‘కిష్కింధపురి’ చూశాను.. మైండ్ బ్లోయింగ్.. బెస్ట్ ఏంటంటే?

Bellamkonda Sai Sreenivas: బెల్లంకొండ సాయి శ్రీనివాస్ హీరోగా నటించిన మిస్టీరియస్ అకల్ట్ థ్రిల్లర్ ‘కిష్కింధపురి’ (Kishkindhapuri). అనుపమ పరమేశ్వరన్ హీరోయిన్‌గా నటించిన ఈ చిత్రానికి కౌశిక్ పెగల్లపాటి దర్శకుడు. షైన్ స్క్రీన్స్ బ్యానర్‌పై సాహు గారపాటి (Sahu Garapati) నిర్మించిన ఈ సినిమా సెప్టెంబర్ 12న గ్రాండ్‌గా విడుదలయ్యేందుకు ముస్తాబైంది. ఈ సందర్భంగా హీరో బెల్లంకొండ సాయి శ్రీనివాస్ మీడియాకు చిత్ర విశేషాలను తెలియజేశారు. ఆయన మాట్లాడుతూ.. (Bellamkonda Sai Sreenivas Interview)

సినిమా చూశాం.. అదిరిపోయింది

‘‘ఫస్ట్ టై హారర్ సినిమా చేశాను. నేను ఎప్పుడూ ఆడియన్స్‌కి నచ్చే సినిమాలు చేయడానికే ఇష్టపడతాను. ఈ క్రమంలో చాలా వరకూ మాస్ కమర్షియల్ ఎంటర్టైనర్స్ చేశాను. అయితే నాకు పర్సనల్‌గా ఇలాంటి డిఫరెంట్ సినిమాలు చేయడమంటే చాలా ఇష్టం. డైరెక్టర్ కౌశిక్ మొదట నన్ను కలిసినప్పుడు ఇదే విషయం మాట్లాడుకున్నాం. అప్పుడు ఈ సినిమా కథ చెప్పారు. నాకు బాగా నచ్చింది. నాకు బాగా ఇష్టమైన జానర్ ఇది. ప్రేక్షకులకు కూడా మంచి ఎక్స్‌పీరియెన్స్ ఉంటుందని భావించి, ఈ సినిమా చేశాం. మంగళవారం ఫస్ట్ టైమ్ థియేటర్స్‌లో సినిమా చూశాం..అదిరిపోయింది. ముఖ్యంగా సౌండ్. ‘సలార్, యానిమల్, కాంతార’ సినిమాలకు పనిచేసిన సౌండ్ డిజైనర్ రాధాకృష్ణ.. ఈ సినిమాకు సౌండ్‌ని అద్భుతంగా డిజైన్ చేశారు. ఒక్క మాటలో చెప్పాలంటే మైండ్ బ్లోయింగ్. హారర్ మిస్టరీ ఉన్న కొత్త జానర్ ఇది. టెక్నికల్‌గా అద్భుతంగా ప్రజెంట్ చేశామని అనిపించింది.

Also Read- OG Movie: రికార్డ్స్ రాకుండా చేస్తున్నారంటూ.. ‘ఓజీ’ అమెరికా డిస్ట్రిబ్యూటర్లపై ఫ్యాన్స్ ఆగ్రహం!

బెస్ట్ ఎక్స్‌పీరియెన్స్ ఇవ్వాలని

ఇంతకు ముందు థ్రిల్లర్ జానర్‌లో చేసిన ‘రాక్షసుడు’ సినిమాకు చాలా మంచి ఆదరణ లభించింది. ముఖ్యంగా మహిళా ప్రేక్షకుల నుంచి కూడా సినిమాకి గొప్ప ఆదరణ వచ్చింది. చాలా రోజుల తర్వాత మళ్లీ ‘కిష్కింధపురి’ సినిమాతో ఒక స్ట్రైట్ ఫిల్మ్ చేసే అవకాశం లభించింది. మా టీమ్ అంతా సినిమా మీద చాలా కాన్ఫిడెంట్‌గా ఉన్నాం. ఇలాంటి జోనర్స్ సినిమాలకు బడ్జెట్ లిమిటేషన్స్ ఉంటాయి. కానీ, మా నిర్మాత సాహు ఆడియన్స్‌కు ద బెస్ట్ ఎక్స్‌పీరియెన్స్ ఇవ్వాలని, ఎక్కడ కాంప్రమైజ్ కాకుండా సినిమాను నిర్మించారు. ఈ సినిమా చేసినందుకు చాలా ప్రౌడ్‌‌గా ఫీలవుతున్నాను. సినిమాని ఇలా కూడా తీయవచ్చా? అని అనిపించేలా చేసిన సినిమా ఇది. ఈ సినిమా కథలోనే యాక్షన్ ఉంటుంది. మొత్తం ఆర్గానిక్‌గా చేసిన సినిమా ఇది. విజువల్ ఎఫెక్ట్స్, సౌండ్ పరంగా ఆడియన్స్ గొప్పగా థ్రిల్ అవుతారు.

హంటెడ్ హౌస్‌లో షూట్ చేశాం

హారర్ సినిమాలో ఈ స్థాయి కథ ఉన్న సినిమా నేను ఎప్పుడూ చూడలేదు. హారర్ మిస్టరీ రెండు బ్లెండ్ అయిన సినిమా ఇది. ఆడియన్స్‌కి కచ్చితంగా సీట్ ఎడ్జ్ ఎక్స్‌పీరియన్స్ ఇస్తుంది. అనుపమ చేసిన పాత్ర చేయడం చాలా టఫ్. ఆమె అద్భుతంగా చేసింది. ఈ సినిమా కోసం సువర్ణమాయ రేడియో స్టేషన్‌ని సెట్‌గా వేశాం. అలాగే రియల్ హంటెడ్ హౌస్‌లో షూట్ చేశాం. అది రియల్‌గా పాతబడిపోయిన బిల్డింగు. తర్వాత వాళ్లకి కొత్త బిల్డింగ్ వేసి ఇవ్వడం జరిగింది. ఇలాంటి సినిమాలు అందరూ కలిసి ప్యాక్డ్‌గా థియేటర్లో చూస్తున్నప్పుడు ఆ ఎక్స్‌పీరియెన్స్ వేరే లెవెల్‌లో ఉంటుంది.

Also Read- Mee Seva: మీ సేవ పరిధిలోకి కొత్త విధానం.. ఈ సర్టిఫికెట్ జారీ చేయడంలో మరింత సులభతరం

చేస్తున్న సినిమాలివే..

నేను ఒక సినిమాని ఓకే చేయాలంటే ముందుగా కంటెంట్ చూస్తాను. ఈ మధ్య నాకు.. ఏదైనా కొత్తగా చేయాలి, యాక్టర్‌గా ఇంకా ప్రూవ్ చేసుకోవాలనే కసి పెరిగింది. ఒక కొత్త క్యారెక్టర్ ప్లే చేస్తున్నప్పుడు సెట్లో, లొకేషన్‌లో ఆ ఎనర్జీ వేరుగా ఉంటుంది. ఈ మధ్య ఎక్కువగా అది ఎక్స్‌పీరియెన్స్ చేస్తున్నాను. నా కొత్త సినిమాలంటే.. ‘టైసన్ నాయుడు’ షూటింగ్ పూర్తై పోస్ట్ ప్రొడక్షన్ జరుగుతుంది. ‘హైందవ’ షూటింగ్ చివరి దశకు చేరుకుంది. సమ్మె కారణంగా బ్రేక్ పడింది కానీ, లేదంటే ఈపాటికే షూటింగ్ అయిపోయేది. నేను చేస్తున్న ఈ రెండూ డిఫరెంట్ సినిమాలు. అలాగే ‘పొలిమేర’ డైరెక్టర్ అనిల్‌తో ఓ సినిమా చేయబోతున్నాను. అది న్యూ ఏజ్ థ్రిల్లర్ చిత్రం.. కథ చాలా బాగుంటుంది’’ అని చెప్పుకొచ్చారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు