Baahubali The Epic Collections Day 2: ‘బాహుబలి: ది ఎపిక్’ రెండో రోజు ఎంత కలెక్ట్ చేసిందో తెలుసా?

Baahubali The Epic Collections Day 2: దర్శకధీరుడు రాజమౌళి సృష్టించిన ‘బాహుబలి’ మళ్లీ తెరపైకి వచ్చి బాక్స్ ఆఫీస్ వద్ద హవా కొనసాగిస్తోంది. అయితే, మళ్లీ దీనిని ‘Baahubali: The Epic’ గా మన ముందుకు తీసుకొచ్చారు. అయితే, ఇప్పుడు ఈ సినిమా అంచనాలను మించి సత్తా చాటుతూ, విమర్శకులకు కూడా గట్టి సమాధానం చెప్పింది.

ప్రభాస్, రాణా దగ్గుబాటి హీరోలుగా నటించిన ఈ చిత్రానికి ప్రేక్షకుల స్పందన అద్భుతంగా ఉంది. విడుదలైన మొదటి రోజే 10 కోట్ల మార్క్ దాటేసిన ఈ సినిమా, ‘బాహుబలి: ది బిగినింగ్’, ‘బాహుబలి: ది కన్‌క్లూజన్’ చిత్రాల నుండి చూడని సన్నివేశాలు, కొత్తగా ఎడిట్ చేసిన సీక్వెన్స్‌లతో మన ముందుకొచ్చింది.

Also Read: Vishnupriya: బిగ్ బాస్ కి వెళ్లినందుకు తనకు తానే తిట్టుకున్నానని సంచలన కామెంట్స్ చేసిన యాంకర్ విష్ణుప్రియ

రెండో రోజు కలెక్షన్స్?

అమెరికా, యూకే, ఐర్లాండ్, ఆస్ట్రేలియా, యుఎఇ వంటి దేశాల్లో కూడా ఈ సినిమా విడుదలై భారీ హైప్ క్రియోట్ చేసింది. ప్రభాస్, రాణా, అనుష్క, తమన్నా, సత్యరాజ్, నాసర్, రమ్యకృష్ణన్ కీలక పాత్రల్లో నటించిన ఈ వెర్షన్ నిడివి దాదాపు 4 గంటలు ఉండటం విశేషం. విడుదలకి ముందు నుంచే 1 కోటి అడ్వాన్స్ బుకింగ్ కలెక్షన్ రాబట్టిన ‘బాహుబలి: ది ఎపిక్’, విడుదలైన కొన్ని గంటల్లోనే 3 కోట్లకుపైగా వసూలు చేసింది. మొదటి రోజ ముగిసే సమయానికి రూ. 9.65 కోట్లు, ప్రపంచవ్యాప్తంగా రూ. 16 కోట్లు వసూలు చేసింది.

Also Read: Illegal Land Surveys: దళిత రైతుల భూములపై అక్రమ సర్వేలు.. ఐకెపి కమ్యూనిటీ సర్వేయర్ పై చర్యలు తీసుకోవాలని డిమాండ్!

దర్శకధీరుడు రాజమౌళి సృష్టించిన ‘బాహుబలి: ది ఎపిక్’ రీ-రిలీజ్ కలెక్షన్లు రోజురోజుకూ పెరుగుతున్నాయి.  రెండో రోజు (శనివారం) కొద్దిగా తగ్గినప్పటికీ , రాత్రి షోలలో ఆక్యుపెన్సీ పెరిగి, సినిమా సత్తా చాటింది. సినీ  వర్గాల సమాచారం ప్రకారం, రెండో రోజు ఈ చిత్రం రూ. 7 కోట్లు వసూలు చేసింది. దీంతో సినిమా మొత్తం కలెక్షన్ రూ. 17.80 కోట్లకు చేరుకుంది. ఈ వేగం చూస్తుంటే త్వరలోనే 20 కోట్ల మార్క్ దాటడం ఖాయంగా కనిపిస్తోంది. హైదరాబాద్‌లో 357 షోలలో 63% ఆక్యుపెన్సీ నమోదైంది. బెంగళూరులో 149 షోలలో 62% సీట్లు నిండాయి. తమిళనాడులో కూడా ‘బాహుబలి: ది ఎపిక్’ కు మంచి రెస్పాన్స్ వచ్చింది. చెన్నై, కోయంబత్తూరులో 40% పైగా ఆక్యుపెన్సీతో సినిమా మంచి వసూళ్లు సాధిస్తోంది.

Also Read: Mallujola Venugopal: ప్రస్తుత పరిస్థితుల్లో లొంగి పోవాల్సి వచ్చింది.. ప్రజాస్వామ్య పద్ధతిలో ప్రజల మధ్య పనిచేయాలనే సంకల్పం!

టాలీవుడ్‌లో మళ్లీ ‘బాహుబలి’ కొత్త రికార్డ్ 

అర్కా మీడియా పతాకం పై రూపొందిన ఈ రీ-రిలీజ్ టాలీవుడ్‌లో మళ్లీ హవా సృష్టిస్తోంది. తాజా తమిళ బ్లాక్‌బస్టర్స్ ‘డ్యూడ్’ (ప్రదీప్ రంగనాథన్), ‘బైసన్’ (మారి సెల్వరాజ్) వంటి సినిమాలకూ గట్టి పోటీ ఇస్తోంది. వారాంతంలో కలెక్షన్లు మరింతగా పెరిగే అవకాశం ఉన్నట్లు ట్రేడ్ వర్గాలు చెబుతున్నాయి.