Epaper 
Ariana Glory: ఆర్జీవీతో ఫిట్ నెస్ వీడియో చేసి వైరల్ అయిన నటి అరియానా.. తాజాగా బిగ్ టీవీ ప్లస్ నిర్వహించే కిసిక్ టాక్స్ లో కనిపించి సందడి చేశారు. కిసిక్ టాక్స్ హోస్ట్ గా ఉన్న వర్ష అడిగిన ప్రశ్నలకు ఆశ్చర్య పరిచే సమాధానాలు చెబుతూ.. తన జీవిత మజిలీల గురించి చెప్పుకొచ్చారు. సిల్వర్ స్క్రీన్ పైన కనిపించే గ్లామర్ వెనుక ఎన్నో కష్టాలు, కన్నీళ్లు దాగి ఉంటాయని అరియానా గ్లోరీ జీవితం చూస్తే అర్థమవుతుంది. నేడు సోషల్ మీడియాలో, బుల్లితెరపై స్టార్గా వెలుగుతున్న అరియానా, ఇక్కడి వరకు రావడానికి పడ్డ కష్టాలు ఎంతో మందికి స్ఫూర్తినిస్తాయి. అలాంటి ఒక వీడియో కిసిక్ టాక్స్ లో రాబోతుంది. తాజాగా దీనికి సంబంధించిన ప్రోమో విడుదలై తెగ వైరల్ అవుతోంది.
Read also-Prakash Raj: మహిళలపై శివాజీ చేసిన వ్యాఖ్యలు అహంకారంతో కూడినవి.. నటుడు ప్రకాష్ రాజ్
ఆమె మాట్లాడుతూ.. ఆ ఒక్క ప్రకటన జీవితాన్ని మార్చేసింది.. అసలు గ్లామర్ ప్రపంచంలోకి రావాలనే ఆలోచన అరియానాకు యాదృచ్ఛికంగా కలిగింది. ఒకరోజు ఆమె తన చెల్లెలితో కలిసి ఇంట్లో కూర్చుని టీవీ చూస్తుండగా, “యాంకర్లు కావాలి” అనే ఒక చిన్న ప్రకటన కనిపించింది. ఆ ప్రకటనను చూసిన అరియానా, సరదాగా ప్రయత్నిద్దామని ఈ రంగంలోకి అడుగుపెట్టారు. అలా ఒక సాధారణ మధ్యతరగతి అమ్మాయి అర్చనగా ఉన్న ఆమె, అరియానా గ్లోరీగా తన ప్రయాణాన్ని మొదలుపెట్టారు. రూ. 1800ల కోసం ఐదారు పనులు.. నేడు లగ్జరీ లైఫ్ గడుపుతున్న అరియానా, గతంలో అనుభవించిన ఆర్థిక ఇబ్బందులు గుండెను కదిలిస్తాయి. కెరీర్ ప్రారంభంలో ఆమె ఒక పార్ట్ టైమ్ జాబ్లో చేరారు. అక్కడ ఆమె పని ఏమిటంటే.. ఫంక్షన్లలో పన్నీర్ చల్లడం. ఆ పని చేసినందుకు ఆమెకు నెలకు కేవలం రూ. 1800లు మాత్రమే వచ్చేవి. కానీ ఆ డబ్బు కూడా ఆమె దగ్గర మిగిలేది కాదు. అప్పట్లో ఆమె ఉంటున్న గది అద్దె కట్టడానికే ఆ రూ. 1800లు సరిపోయేవి కావు. ఆ ఒక్క గది కోసం, కడుపు నింపుకోవడం కోసం అరియానా రోజుకు ఏకంగా ఐదు నుండి ఆరు రకాల పనులు చేసేవారు. ఒక పక్క ఆకలి, మరోపక్క ఆశయం.. ఈ రెండింటి మధ్య ఆమె చేసిన పోరాటం అద్భుతం. అంటూ చెప్పుకొచ్చారు.
Read also-Mana Shankara Varaprasad Garu: పూనకాలు లోడింగ్.. ‘మెగా విక్టరీ మాస్ సాంగ్’ డేట్ ఫిక్స్!
ఇదే సందర్భంలో భావోద్వేగానికి గురైన అరియానా.. ఇటీవల ఒక ఇంటర్వ్యూలో తన పాత రోజులను గుర్తు చేసుకుంటూ అరియానా కన్నీటి పర్యంతమయ్యారు. “ఒకప్పుడు రూపాయి కోసం అంత కష్టపడ్డాను కాబట్టే, ఈరోజు దేవుడు ఇచ్చిన ఈ స్థాయిని గౌరవిస్తున్నాను” అని ఆమె పేర్కొన్నారు. చేతిలో చిల్లిగవ్వ లేని స్థితి నుండి నేడు కోట్లాది మంది అభిమానించే స్థాయికి చేరడం వెనుక ఆమె పట్టుదల, నిరంతర శ్రమ దాగి ఉన్నాయి. అరియానా జీవితం చెప్పే నీతి ఒక్కటే.. కలలు కనడం ముఖ్యం కాదు, ఆ కలలను నిజం చేసుకునే క్రమంలో ఎదురయ్యే ఎన్ని కష్టాలనైనా తట్టుకుని నిలబడాలి. అన్నట్లు ఉంటుంది. తాజాగా ఈ ప్రోమో వీడియో తెగ వైరల్ అవుతోంది.
