Epaper 
RK Roja: ఆంధ్రప్రదేశ్ ముఖ్యమంత్రి సొంత నియోజకవర్గం కుప్పంలో మహిళను చెట్టుకు కట్టేసి కొట్టిన దేశ వ్యాప్తంగా పెను సంచలనమే సృష్టిస్తోంది. వైసీపీ ఈ ఘటననే సువర్ణావకాశంగా మలుచుకొని ప్రభుత్వాన్ని ఓ రేంజిలో దుమ్ముదులిపి వదులుతోంది. ఇప్పటికే వైసీపీ నేతలు, మాజీ మంత్రులు దాదాపు స్పందించగా.. తాజాగా మాజీ మంత్రి, ఫైర్ బ్రాండ్ ఆర్కే రోజా ఓ వీడియో రూపంలో ఘాటుగా స్పందించారు. ఈ సందర్భంగా చంద్రబాబు, కూటమి సర్కార్‌పై ప్రశ్నల వర్షం కురిపిస్తూ.. తీవ్ర వ్యాఖ్యలు చేశారు. ‘ చంద్రబాబు సొంత ఇలాకాలోనే ఇలా జరుగుతోందంటే ఇది ప్రజాస్వామ్యమా? లేదంటే రెడ్ బుక్ రాజ్యాంగమా? రోజా మండిప‌డ్డారు. ‘ ఏ రాష్ట్రంలోనైనా ఇలా జరుగుతుందా? ఒక మహిళను చెట్టుకు కట్టేసి కొట్టడం ఎక్కడైనా చూశామా? టీడీపీ నాయకుడే మహిళను చెట్టుకు కట్టేసి కొట్టడం అత్యంత దారుణం. చంద్రబాబు అధికారంలోకి వచ్చిన తరువాత ఇది ప్రజాస్వామ్యామా? రెడ్‌బుక్‌ రాజ్యమా అనే అనుమానం కలుగుతోంది. రాష్ట్రంలో ప్రతి రోజు మహిళలు, బాలికలపై దాడులు చేయడం, అత్యాచారాలు చేయడం, హత్యలు చేయడం, చెట్టుకు కట్టేసి కొట్టడం లాంటి ఘటనలు జరుగుతున్నాయి. ఇలాంటి ఘటనలు ఏ రాష్ట్రంలోనైనా జరుగుతున్నాయా? ఒక్క ఆంధ్రప్రదేశ్ రాష్ట్రంలోనే జరుగుతుందంటే అర్థమేంటి? ఇక్కడ చంద్రబాబు గానీ, పవన్ కళ్యాణ్ గానీ, హోం మంత్రి అనితా మహిళల పట్ల ఎలా నిర్లక్ష్యంగా వ్యవహరిస్తున్నారో, మహిళల రక్షణను ఎలా గాలికి వదిలేశారో అందరికీ అర్థమవుతోంది’ అని రోజా ఘాటుగా స్పందించారు.
Read Also- Kuppam Incident: సీఎం ఇలాకాలో దారుణం.. మహిళను చెట్టుకు కట్టేసి చిత్ర హింసలు
నిజమా కాదా.. చెప్పండి?
‘ ఎవరైనా అడపిల్లల జోలికి వస్తే అదే వాళ్లకు చివరి రోజు అవుతుందని చంద్రబాబు అన్నారు. మరి మీ సొంత నియోజకవర్గంలో భర్త అప్పు చేశాడని భార్యను చెట్టుకు కట్టేసి కొడుతుంటే ఏం చర్యలు తీసుకున్నారు? వీళ్లకు ఎక్కడి నుంచి ధైర్యం వచ్చిందని నేను అడుగుతున్నా. మీ పార్టీకి సంబంధించిన టీడీపీ నాయకుడు ఒకడు ఈ అమ్మాయిని కట్టేసి కొట్టడం నిజమా? కాదా? అతనికి ఎక్కడి నుంచి ధైర్యం వచ్చింది. కొడుకు ముందు అమ్మను కట్టేసి కొట్టారంటే ఈ రోజు పోలీసులను చూసినా భయం లేదు. చంద్రబాబును, హోం మంత్రిని చూసినా మీ పార్టీ వాళ్లకు భయం లేకుండా పోయింది. ఎందుకంటే లోకేష్ చెప్పినట్లు ఎవరు ఎక్కువగా హింస చేస్తే, ఎవరు ఎక్కువ దాడులు చేస్తే మీ గుడ్‌లుక్స్‌లో ఉండొచ్చు అన్నట్లుగా రాష్ట్రవ్యాప్తంగా అరాచకం సృష్టిస్తున్నారు. రాష్ట్రంలో మహిళా హోంమంత్రి ఉండి కూడా మహిళలపై జరిగే దాడులను అరికట్టలేకపోతున్నారంటే అనిత నిర్లక్ష్యానికి నిదర్శనం కాదా? కుప్పంలో కూడా మహిళలు ప్రశాంతంగా పండుకునే పరిస్థితి లేదు. ఇవాళ హోం మంత్రి సెల్‌ఫోన్‌లో వీడియో కాల్‌ చేసి బాధిత మహిళను పరామర్శిస్తుందంటే ఆవిడ అహంకారానికి నిదర్శనం కాదా? మహిళలకు, ప్రజలకు రక్షణ కల్పించాల్సిన బాధ్యత హోం మంత్రికి ఉంటుంది. ఇంతకంటే ఏదో పని ఉన్నట్లు బిజీబిజీగా ఉంటున్నట్లు బాధిత కుటుంబాన్ని పరామర్శించడం లేదు. తప్పు చేసిన వారిని అరెస్టు చేయించాలన్న చిత్తశుద్ధి ఈవిడకు లేదు’ అని చంద్రబాబు, అనితలపై ఓ రేంజిలో రోజా విమర్శలు గుప్పించారు.
Read Also- YS Jagan: కుప్పం మహిళ ఘటనపై వైఎస్ జగన్ సంచలన ట్వీట్..
ఫెయిల్యూర్‌ కాదా?
‘ సాక్షి మీడియా కుప్పం ఘటనను వెలుగులోకి తెచ్చేవరకు ఇటు చంద్రబాబు కానీ, అటు హోం మంత్రికి గానీ విషయం తెలియకపోవడం గమనార్హం. చర్యలు చేపట్టలేదంటే అంతకన్నా సిగ్గుచేటు ఏదైనా ఉందా? సీఎం, డిప్యూటీ సీఎం, హోం మంత్రి టోటల్‌ ఫెయిల్యూర్‌ కాదా? కూటమి ప్రభుత్వం ఏర్పాటై ఏడాది అవుతోంది కదా.. మహిళల భద్రతకు సంబంధించి ఏ రోజైనా ఒక కమిటీ వేసి ముఖ్యమైన నాయకులు సమీక్ష చేశారా? మహిళలంటే అంత చిన్నచూపా? ఓట్లు వేయించుకోవడానికి మాత్రమే మహిళలు కావాలి. కానీ, వాళ్లకు రక్షణ ఇవ్వడానికి, వారికి సంక్షేమం అందించడానికి మాత్రం వాళ్లు మనుషులుగా మీరు పరిగణలోకి తీసుకోరేం? ఇప్పటికైనా చంద్రబాబు, పవన్ కళ్యాణ్, లోకేష్, అనిత రెడ్‌బుక్‌ రాజ్యాంగాన్ని పక్కనపెట్టి ముందు ఆడపిల్లలకు రక్షణ కల్పించే బాధ్యత తీసుకోండి. తప్పుచేసిన వాడు టీడీపీ పార్టీ వాడైనా శిక్షించాల్సిందే. అంతేగానీ, టీవీల ముందు కూర్చొని చంద్రబాబు చెప్పాడని వైఎస్ జగన్, భారతమ్మను తిట్టడానికి, సాక్షి మీడియా మీద కేసులు పెట్టడానికి టైమ్‌ ఉన్న హోం మంత్రికి నేరస్తులను శిక్షించేందుకు సమయం లేదా?’ అని రోజా తన వీడియోలో తీవ్రంగా హెచ్చరించారు. కాగా, ఈ వ్యాఖ్యలపై సీఎం చంద్రబాబు, అనిత నుంచి ఎలాంటి రియాక్షన్ ఉంటుందో చూడాలి మరి.
Read Also- Pawan Kalyan: పవన్ కళ్యాణ్ షాకింగ్ నిర్ణయం.. ఇంత సడన్‌గా ఎందుకిలా?
