Epaper 
Deputy CM Pawan Kalyan: అంధ్రప్రదేశ్ ఉపముఖ్యమంత్రి పవన్ కళ్యాణ్ నియోజకవర్గమైన పిఠాపురంలో సంక్రాంతి సంబరాలు ముందే మెుదలయ్యాయి. స్థానిక ఓ.బి.ఎస్ మున్సిపల్ హైస్కూల్ ప్రాంగణం వేదికగా ‘పీఠికాపురం సంక్రాంతి మహోత్సవ వేడుకలు’ ప్రారంభమయ్యాయి. రాష్ట్ర పర్యాటక శాఖ ఆధ్వర్యంలో హస్తకళలు, చేనేత కళ గొప్పదనాన్ని చాటేలా ఇక్కడ స్టాల్స్ కూడా ఏర్పాటు చేశారు. మూడు రోజుల పాటు వేడుకలు జరగనుండగా.. తొలిరోజున డిప్యూటీ సీఎం పవన్ కళ్యాణ్ ముఖ్య అతిథిగా పాల్గొన్నారు. ఈ సందర్భంగా తనకు స్వాగతం పలికిన కళాకారులతో పవన్ డ్యాన్స్ చేశారు.
పవన్ డ్యాన్స్తో అందరిలో జోష్
పిఠాపురం నియోజకవర్గంలో ప్రారంభమైన సంక్రాంతి మహోత్సవ వేడుకలకు విచ్చేసిన డిప్యూటీ సీఎం పవన్ కళ్యాణ్ అక్కడ సంప్రదాయ నృత్యం చేసి అందరినీ ఆశ్చర్యపరిచారు. మంత్రి నాదెండ్ల మనోహర్ తో కలిసి ఓ.బి.ఎస్ మున్సిపల్ హైస్కూల్ వద్దకు వచ్చిన పవన్ కళ్యాణ్ కు అక్కడే ఉన్న కళాకారులు ఘన స్వాగతం పలికారు. పవన్ ఎదుట సంప్రదాయ నృత్యం చేశారు. ఈ క్రమంలో పవన్ ను కూడా తమతో డ్యాన్స్ చేయాలని మహిళా కళాకారులు ఆహ్వానించారు. వారి పిలుపును మన్నించి పవన్ వారితో నృత్యం చేశారు. వారితో చేతులు కలిపి చుట్టూ తిరుగుతూ సంప్రదాయ శైలిలో చిందులు వేశారు. పవన్ డ్యాన్స్ తో వేడుకల ప్రాంగణంలో ఒక్కసారిగా జోష్ పెరిగింది.
డ్యాన్స్ చేసిన పవన్ కళ్యాణ్
పిఠాపురంలో సంక్రాంతి మహోత్సవాల్లో పాల్గొన్న ఏపీ డిప్యూటీ సీఎం పవన్ కళ్యాణ్
ఈ సందర్భంగా అక్కడ కళాకారులతో కలిసి సరదాగా డ్యాన్స్ చేసిన పవన్ https://t.co/qngPpkSAey pic.twitter.com/acqPNa19M3
— BIG TV Breaking News (@bigtvtelugu) January 9, 2026
సంక్రాంతి కళ ఉట్టిపడేలా..
గోదావరి జిల్లాలో సంక్రాంతి పండుగను ఏ స్థాయిలో జరుపుకుంటారో అందరికీ తెలిసిందే. ఈ క్రమంలోనే పిఠాపురంలో ఈ నెల 9 నుంచి 11 తేదీల మధ్య సంక్రాంతి సంబరాలు అంబరాన్నంటేలా ఏపీ ప్రభుత్వం ఏర్పాట్లు చేసింది. ప్రజలకు ఆకట్టుకునేలా అనేక సంస్కృతిక కార్యక్రమాలను ఈ మూడు రోజుల పాటు నిర్వహించనున్నారు. సంప్రదాయ గిరిజన నృత్యాలతో పాటు స్టేజీ ప్రదర్శనలు సైతం ఉండనున్నాయి. అలాగే కూచిపూడి నృత్యం, సంగీత కచేరి, ఇతర సాంస్కృతిక ప్రదర్శనలకు పిఠాపురం వేదిక కానుంది. ఇప్పటికే హరిదాసులను సైతం వేడుకల ప్రాంగణలో ఏర్పాటు చేశారు. వీటికి తోడు హస్తకళలు, కొండపల్లి బొమ్మలను ప్రదర్శించే స్టాల్స్ ను ప్రజల కోసం అందుబాటులోకి తీసుకొచ్చారు.
పిఠాపురం నియోజకవర్గం, ఓ. బి. ఎస్ మున్సిపల్ హైస్కూల్ ప్రాంగణం వేదికగా ఈరోజు ఘనంగా ప్రారంభమైన పీఠికాపురం సంక్రాంతి మహోత్సవ వేడుకలు. రాష్ట్ర వ్యాప్తంగా వివిధ సంస్కృతులను ప్రతిబింబించేలా సాంస్కృతిక కార్యక్రమాలతో ఈ వేడుకలు ప్రారంభమయ్యాయి. రాష్ట్ర పర్యాటక శాఖ ఆధ్వర్యంలో హస్తకళలు, చేనేత… pic.twitter.com/XZ33rX2zNH
— JanaSena Shatagni (@JSPShatagniTeam) January 9, 2026
Also Read: Iran Protests: ఇరాన్లో అల్లకల్లోలం.. వణుకు పుట్టించే దృశ్యాలు.. 45 మందికి పైగా మృతి!
సెలబ్రిటీల రాక..
పీఠికాపురం సంక్రాంతి వేడుకలను మరింత ఆకర్షణీయంగా మార్చేందుకు సెలబ్రిటీలు సైతం రాబోతున్నారు. దర్శకుడు హరీశ్ శంకర్ (Harish Shankar), హీరోలు నవీన్ పోలిశెట్టి, కిరణ్ అబ్బవరం మూడో రోజు (11వ తేదీ) జరిగే సంబురాల్లో పాల్గొననున్నారు. అలాగే జబర్దస్త్ కమెడియన్స్ హైపర్ ఆది, సుడిగాలి సుధీర్, ఆటో రామ్ ప్రసాద్, రాకెట్ రాఘవ, మెుగలి రేకులు సీరియల్ ఫేమ్ ఆర్కే నాయుడు ఈ వేడుకల్లో సందడి చేయనున్నారు. వీరికి తోడు టీమిండియా మాజీ క్రికెటర్ అంబటి రాయుడు (Ambati Rayudu) సైతం రానున్నట్లు తెలుస్తోంది. మెుత్తంగా చూస్తే పవన్ నియోజక వర్గమైన పిఠాపురంలో ఈ ఏడాది సంక్రాంతి వేడుకలు అదిరిపోవడం ఖాయమని జనసేన శ్రేణులు ధీమా వ్యక్తం చేస్తున్నారు.
