Nara Rohith Wedding Video: టాలీవుడ్ విలక్షణ నటుడు నారా రోహిత్, తన జీవిత భాగస్వామి శిరీష లెల్లాతో కలిసి ఇటీవల కొత్త జీవితాన్ని ప్రారంభించిన విషయం తెలిసిందే. రీసెంట్‌గానే వీరిద్దరి వివాహం (Rohith Nara and Sireesha Lella Wedding Video) అత్యంత వైభవంగా, బంధుమిత్రుల సమక్షంలో జరిగిన జరిగింది. తాజాగా ఈ వేడుకకు సంబంధించిన వెడ్డింగ్ వీడియో విడుదలైంది. ఈ వీడియో చూస్తుంటే ఒక అందమైన ప్రేమకథను వెండితెరపై చూస్తున్న అనుభూతి కలుగుతోందని చెప్పుకోవచ్చు. ప్రముఖ వెడ్డింగ్ ఫోటోగ్రఫీ సంస్థ RVR PRO ఈ వీడియోను విడుదల చేసింది. వీడియో ప్రారంభంలోనే నారా రోహిత్, శిరీషల మధ్య ఉన్న కెమిస్ట్రీ ప్రేక్షకులను ఆకట్టుకుంటుంది. ఇద్దరూ కలిసి డ్యాన్స్ చేస్తూ.. ఆహుతుల్ని ఆనందింపజేస్తున్నారు. పెళ్లి వేడుకలో వారిద్దరి ముఖాల్లోని సంతోషం, ఉత్సాహం ప్రతి ఫ్రేమ్‌లోనూ స్పష్టంగా కనిపిస్తోంది. సాంప్రదాయబద్ధమైన దుస్తుల్లో నారా రోహిత్ రాజసం ఉట్టిపడేలా కనిపిస్తుంటే, శిరీష లెల్లా తన చిరునవ్వుతో, అందంతో వెలిగిపోతోంది.

Also Read- Nithiin36: నితిన్‌కు ఈ దర్శకుడైనా హిట్ ఇస్తాడా? నితిన్36 ఎవరితో అంటే?

భావోద్వేగాల మేళవింపు

ఈ వెడ్డింగ్ వీడియోలో కేవలం పెళ్లి తంతు మాత్రమే కాకుండా, ఇరు కుటుంబాల మధ్య ఉన్న అనుబంధాన్ని కూడా ఎంతో చక్కగా క్యాప్చర్ చేశారు. తల్లిదండ్రుల ఆశీర్వాదాలు తీసుకుంటున్న దృశ్యాలు, స్నేహితులతో కలిసి సందడి చేసిన క్షణాలు, పెళ్లి పీటలపై ఒకరినొకరు చూసుకుంటూ మురిసిపోయిన సందర్భాలు వీడియోలో హైలెట్ అని చెప్పుకోవచ్చు. ముఖ్యంగా రోహిత్ తన పెళ్లి వేడుకను ఎంతగా ఎంజాయ్ చేస్తున్నారో ఆయన బాడీ లాంగ్వేజ్ తెలియజెప్తుంది. వీడియోకు అందించిన నేపథ్య సంగీతం, పాటలు ఆ దృశ్యాలకు మరింత జీవం పోశాయి. ఒక మెలోడీ సాంగ్‌లా సాగిపోయే ఈ వెడ్డింగ్ వీడియో, చూసే ప్రతి ఒక్కరినీ ఆకట్టుకునేలా ఉంది. నిరాడంబరంగా కనిపిస్తూనే, ఎంతో క్లాస్‌గా ఉండటం విశేషం.

Also Read- Balagam Venu: వివాదంలో ‘ఎల్లమ్మ’ దర్శకుడు.. అలా చేసినందుకు హిందూ సంఘాలు ఆగ్రహం

వైరల్ అవుతున్న వెడ్డింగ్ వీడియో

యూట్యూబ్‌లో విడుదలైన కొద్ది సేపటికే ఈ వీడియో సోషల్ మీడియాలో వైరల్‌గా మారింది. నందమూరి, నారా కుటుంబ అభిమానులతో (Nandamuri and Nara Family Fans) పాటు సినీ ప్రియులు కూడా ఈ జంటకు శుభాకాంక్షలు తెలుపుతున్నారు. ‘బెస్ట్ కపుల్’ అంటూ నెటిజన్లు కామెంట్లతో ముంచెత్తుతున్నారు. సినిమాల్లో విభిన్న పాత్రలతో మెప్పించిన నారా రోహిత్, తన నిజ జీవితంలో శిరీషతో కలిసి ప్రారంభించిన ఈ కొత్త ప్రయాణం ఎంతో సంతోషంగా సాగాలని కోరుకుంటూ ఈ నూతన జంటకు శుభాకాంక్షలు, శుభాశీస్సులు అందిస్తున్నారు. ఈ వెడ్డింగ్ వీడియో కేవలం ఒక ఈవెంట్ లాగా కాకుండా, వారి జీవితంలోని ఒక మధుర జ్ఞాపకంలా నిలిచిపోతుందనడంలో అతిశయోక్తి కానే కాదు. ఈ వీడియో చూసి ముఖ్యం నారా రోహిత్ అభిమానులు చాలా హ్యాపీగా ఫీలవుతున్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు