Marriage Rumours: వాలెంటైన్స్ డే రోజున ధనుష్, మృణాల్ పెళ్లి? వైరల్ అవుతున్న క్రేజీ అప్‌డేట్!

Marriage Rumours: దక్షిణాది సినీ పరిశ్రమలో ఎప్పుడూ ఏదో ఒక ఆసక్తికర వార్త హల్చల్ చేస్తూనే ఉంటుంది. తాజాగా కోలీవుడ్ స్టార్ హీరో ధనుష్ మరియు టాలీవుడ్ సెన్సేషన్, ‘సీతారామం’ బ్యూటీ మృణాల్ ఠాకూర్ పెళ్లి చేసుకోబోతున్నారనే వార్త సినీ వర్గాల్లోనూ, సోషల్ మీడియాలోనూ సంచలనం సృష్టిస్తోంది. ఈ ఇద్దరు తారలు త్వరలోనే ఒక ఇంటి వారు కాబోతున్నారని, దానికి ముహూర్తం కూడా ఖరారైందని వార్తలు వస్తున్నాయి.

ప్రేమికుల రోజున పెళ్లి పీటలు? తాజా సమాచారం ప్రకారం, ధనుష్, మృణాల్ ఠాకూర్ వచ్చే ఫిబ్రవరి 14న, అంటే ప్రేమికుల రోజు (వాలెంటైన్స్ డే) వివాహం చేసుకోబోతున్నట్లు ప్రచారం జరుగుతోంది. ఈ వివాహ వేడుక అత్యంత గోప్యంగా, కేవలం ఇరు కుటుంబ సభ్యులు అతి తక్కువ మంది సన్నిహితుల సమక్షంలో జరగనుందని తెలుస్తోంది. అయితే ఈ వార్తలపై ఇప్పటివరకు వీరిద్దరి నుంచి ఎలాంటి అధికారిక ప్రకటన రాలేదు.

Read also-Slumdog Movie: పూరీ, సేతుపతి సినిమా టైటిల్ వచ్చేసింది.. ఏం ఉంది మామా..

పుకార్లకు పునాది ఎక్కడ? గత కొంతకాలంగా ధనుష్ మరియు మృణాల్ మధ్య ఏదో నడుస్తోందంటూ వార్తలు వినిపిస్తూనే ఉన్నాయి. ముఖ్యంగా కొన్ని సినిమా అవార్డు వేడుకలు పార్టీలలో వీరిద్దరూ కలిసి కనిపించడం, కెమెరాలకు చిక్కడంతో వీరి మధ్య సాన్నిహిత్యం పెరిగిందని నెటిజన్లు భావించారు. దీనికి తోడు ధనుష్ తన వ్యక్తిగత జీవితంలో ఒడిదుడుకులు ఎదుర్కొన్న తర్వాత, మృణాల్‌తో కొత్త జీవితాన్ని ప్రారంభించబోతున్నారనే ఊహాగానాలు పెరిగాయి.

ధనుష్ 2004లో సూపర్ స్టార్ రజనీకాంత్ కుమార్తె ఐశ్వర్యను వివాహం చేసుకున్న సంగతి తెలిసిందే. దాదాపు 18 ఏళ్ల వైవాహిక జీవితం తర్వాత, వీరిద్దరూ మనస్పర్థల కారణంగా విడిపోవాలని నిర్ణయించుకున్నారు. 2022లో విడిపోతున్నట్లు ప్రకటించిన ఈ జంట, 2024లో అధికారికంగా విడాకులు తీసుకున్నారు. అప్పటి నుండి ధనుష్ తన పూర్తి దృష్టిని సినిమాలపైనే పెట్టారు. మరోవైపు, మృణాల్ ఠాకూర్ ‘సీతారామం’ సినిమాతో తెలుగు ప్రేక్షకులకు చేరువయ్యారు. ప్రస్తుతం ఆమె వరుస ప్రాజెక్టులతో బిజీగా ఉన్నారు. గతంలో కూడా మృణాల్ పేరు ఒక తెలుగు హీరోతో వినిపించినప్పటికీ, ఆమె వాటిని ఖండించారు.

Read also-MSG Boxoffice: ‘మన శంకరవరప్రసాద్ గారు’ నాలుగు రోజుల్లో బ్రేక్ ఈవెన్ దాటేశారు..

ఈ వార్త విన్న అభిమానులు రకరకాలుగా స్పందిస్తున్నారు. ధనుష్ తన వ్యక్తిగత జీవితంలో సంతోషంగా ఉండాలని కొందరు కోరుకుంటుండగా, మరికొందరు ఇవన్నీ కేవలం పుకార్లేనని కొట్టిపారేస్తున్నారు. గతంలో కూడా మృణాల్ తన పెళ్లి గురించి వస్తున్న వార్తలపై స్పందిస్తూ.. “ప్రతిసారీ నా పెళ్లి చేసేస్తున్నారు, కనీసం అబ్బాయి ఎవరో కూడా నాకు చెప్పండి” అంటూ వ్యంగ్యంగా వ్యాఖ్యానించారు. సినిమా రంగంలో ఇలాంటి వార్తలు రావడం కొత్తేమీ కాదు. కానీ ధనుష్ లాంటి పెద్ద స్టార్‌కు సంబంధించిన విషయం కావడంతో ఈ వార్త వైరల్ అవుతోంది. ఫిబ్రవరి 14న నిజంగానే వీరు పెళ్లి చేసుకుంటారా? లేక ఇవి కేవలం గాలి వార్తలేనా అన్నది తెలియాలంటే మరికొన్ని రోజులు వేచి చూడాల్సిందే.