Epaper 
Slumdog Movie: టాలీవుడ్ డైనమిక్ డైరెక్టర్ పూరి జగన్నాథ్, కోలీవుడ్ మక్కల్ సెల్వన్ విజయ్ సేతుపతి కలయికలో ఒక భారీ పాన్ ఇండియా సినిమా ఇప్పటికే షూటింగ్ పూర్తి చేసుకుంది. విజయ్ సేతుపతి పుట్టినరోజు సందర్భంగా ‘SLUMDOG – 33 Temple Road’ అనే పవర్ఫుల్ టైటిల్ను ఖరారు చేస్తూ ఫస్ట్ లుక్ విడుదల చేశారు. “స్లమ్స్ నుండి ఎవరూ ఆపలేని ఒక తుఫాను పుడుతుంది” అనే ట్యాగ్లైన్తో వచ్చిన ఈ పోస్టర్, సినిమా అత్యంత రా (Raw), రూత్లెస్ (Ruthless) మాస్ ఎంటర్టైనర్గా ఉండబోతోందని స్పష్టం చేస్తోంది. పూరి జగన్నాథ్ మార్క్ హీరో యాటిట్యూడ్, విజయ్ సేతుపతి సహజ నటన తోడైతే వెండితెరపై సంచలనం ఖాయమని ఫ్యాన్స్ భావిస్తున్నారు.
Read also-Rahul Sipligunj: ట్రెండింగ్లో ‘అమీర్ లోగ్’.. ‘అవ్వల్ దావత్’ సాంగ్..
ఈ చిత్రాన్ని పూరి కనెక్ట్స్ బ్యానర్పై పూరి జగన్నాథ్, ఛార్మీ కౌర్, జె.బి. నారాయణరావు కొండ్రోల సంయుక్తంగా నిర్మిస్తున్నారు. సంగీత దర్శకుడిగా హర్షవర్ధన్ రామేశ్వర్ పనిచేస్తున్నారు. స్లమ్ ఏరియా నేపథ్యంలో సాగే ఒక సామాన్యుడి పోరాటమే ఈ సినిమా ప్రధాన ఇతివృత్తమని టైటిల్ మరియు సబ్ టైటిల్ (33 టెంపుల్ రోడ్) సూచిస్తున్నాయి. పూరి సినిమాల్లో ఉండే కరుకుదనం, పదునైన సంభాషణలు విజయ్ సేతుపతి పాత్రకు కొత్త ఎనర్జీని ఇస్తాయని సినీ వర్గాల్లో చర్చ నడుస్తోంది.
Read also-Nabha Natesh: అతిలోక సుందరిలా నభా.. ‘నాగబంధం’ ఫస్ట్ లుక్ చూశారా?
పాన్ ఇండియా స్థాయిలో ప్లాన్ చేసిన ఈ చిత్రాన్ని తెలుగు, తమిళం, హిందీ, కన్నడ, మలయాళ భాషల్లో ఏకకాలంలో విడుదల చేయనున్నారు. విజయ్ సేతుపతికి ప్రస్తుతం ఉన్న నేషనల్ వైడ్ క్రేజ్ ఈ సినిమాకు పెద్ద ప్లస్ పాయింట్ కానుంది. ప్రస్తుతం ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ పనుల్లో ఉంది. ఇప్పటికే ఈ సినిమాపై భారీ అంచనాలు పెట్టుకున్నారు పూరీ అభిమానులు. గత కొంత కాలంగా హిట్స్ కోసం ఎదురు చూస్తున్న పూరీ జగన్నాథ్ కి ఈ సినిమా మంచి హిట్ అవుతుందని అభిమానులు భావిస్తున్నారు. ఈ సినిమా విడుదల కోసం అభిమానులు ఆసక్తిగా ఎదురు చూస్తున్నారు.
From the slums…
rises a storm no one can stop.
RAW. RUTHLESS. REAL. ❤️🔥❤️🔥❤️🔥#PuriSethupathi is #SLUMDOG – 33 Temple Road 💥💥💥Happy Birthday Makkalselvan @VijaySethuOffl ❤️#HBDVijaySethupathi
A #PuriJagannadh film 🎬@Charmmeofficial Presents 🎥
Produced by Puri… pic.twitter.com/ca2PCs6tBG— Puri Connects (@PuriConnects) January 16, 2026
