The RajaSaab Review: రెబల్ సాబ్ ‘ది రాజాసాబ్’తో ఎంతవరకూ మెప్పించారు?.. ఫుల్ రివ్యూ..

మూవీ: ది రాజా సాబ్ (The Raja Saab)
నటీనటులు: ప్రభాస్, సంజయ్ దత్, మాళవిక మోహనన్, నిధి అగర్వాల్, రిద్ధి కుమార్, జరీనా వహాబ్ తదితరులు.
కెమెరా: కార్తిక్ పళని
ఎడిటింగ్: కోటగిరి వెంకటేశ్వరరావు
దర్శకత్వం: మారుతి
సంగీతం: ఎస్. థమన్
నిర్మాత : టీజీ విశ్వప్రసాద్
విడుదల: జనవరి 9, 2026.

The RajaSaab Review: రెబల్ సాబ్ ఫ్యాన్ ఎప్పుడెప్పుడా అని ఎదురు చూస్తున్న ‘ది రాజాసాబ్’ థియేటర్లకు పండగ వాతావరణం ముందే తీసుకొచ్చింది. ఇప్పటికే ఈ సినిమాపై మూవీ టీం భారీ హైప్ తీసుకురావడంతో సినిమా విడుదల కోసం అభిమానులు ఆసక్తిగా ఎదురు చూశారు. నైజాంలో ప్రీమియర్లు ఎంత లేట్ అయినా సరే ఫ్యాన్స్ మాత్రం ఏ మాత్రం తగ్గకుండా సినిమా చూశారు. భారీ అంచనాలతో విడుదలైన ఈ సినిమాకు ప్రేక్షకులు ఎంతవరకూ కనెక్ట్ అయ్యారు. ప్రభాస్ ఫ్యాన్స్ కు ఈ సినిమాలో కావాల్సినవి ఉన్నాయా.. మొత్తానికి మూవీ ఎలా ఉంది అన్నది ఈ ఆర్టికల్లో చూద్దాం.

Read also-Sankranthi 2026: కళ్యాణ్ పడాల, తనూజ కలిసి డ్యాన్స్.. బిగ్ బాస్ తర్వాత మళ్లీ ఈ వేడుకలోనే!

కథా నేపథ్యం

రాజా సాబ్ అలియాస్ రాజు (ప్రభాస్) తన నానమ్మ గంగమ్మ (జరీనా వహాబ్)తో కలిసి సాదాసీదా జీవితం గడుపుతుంటాడు. మతిమరుపు ఉన్న నానమ్మ కోరిక మేరకు, తన తాత కనకరాజు (సంజయ్ దత్)ని వెతుకుతూ రాజు నర్సాపూర్ అడవుల్లోని ఒక పాత రాజమహల్‌కి చేరుకుంటాడు. అయితే ఆ కోట కేవలం కట్టడం మాత్రమే కాదు, అది రహస్యాలు క్షుద్ర శక్తులకు నిలయం. అక్కడ రాజుకు ఎదురైన సవాళ్లు ఏంటి? అసలు కనకరాజు ఎవరు? ఈ ప్రయాణంలో రాజుకు తోడైన ముగ్గురు భామల పాత్ర ఏంటి? అనేదే ఈ సినిమా కథ.

ఎవరు ఎలా చేశారంటే..

ముందు నుంచీ చెబుతున్నట్లు ఈ సినిమా ప్రభాస్ కామెడీ టైమింగ్ ను మరో సారి బయటకు తీస్తుంది. చాలా కాలం తర్వాత ప్రభాస్ కామెడీ చేశారు. కామెడీ మాత్రమే కాకుండా డ్యాన్స్‌లతో కూడా ఫ్యాన్స్‌ను అలరించారు. ‘బుజ్జిగాడు’, ‘డార్లింగ్’, ‘చక్రం’ కాలం నాటి ఎనర్జీని మళ్ళీ చూపించారు. దీంతో ప్రేక్షకులకు వింటేజ్ ప్రభాస్ ను చూసే అవకాశం దక్కింది. ఫ్యాన్ అయితే ప్రభాస్ అలా చూసి సంబరాలు చేసుకుంటున్నారు. క్లైమాక్స్ లో అయితే ప్రభాస్ నట విశ్వ రూపం చూస్తారు. ఇక హీరోయిన్ల విషయానికి వస్తే.. ప్రధాన హీరోయిన్ అనుకున్న నిధి అగర్వాలా దాదాపు పాటలకే పరిమితం అవుతుంది. మాళవిక మోహన్ దాదాపు సినిమా మొత్తం కనిపిస్తుంది. ఇక మూడో హీరోయిన్ పాత్రకు కథలో అంత ప్రాధాన్యత కనిపించలేదు. తాత పాత్రలో (కనకరాజు) సంజయ్ దత్ అయితే సినిమాకు ప్రధాన ఆకర్షణగా నిలిచారు. ఇక నానమ్మ పాత్ర చేసిన జరీనా వాహబ్ గురించి ప్రభాస్ చెప్పినట్లు సెకండ్ హీరో. సముద్రఖని, బొమన్ ఇరానీ తమ పాత్రల్లో ఒదిగిపోయారు. ఇక కామెడీ కోసం తీసుకున్న సప్తగిరి, వీటీవీ గణేష్, సత్య, ప్రభాస్ శ్రీను తమ పాత్రలకు న్యాయం చేశారు.

Read also-Kannada Actress: పురుషులను కుక్కలతో పోల్చిన కన్నడ నటి.. నెటిజన్లు ఏం చేశారంటే?

టెక్నికల్‌గా..

తమన్ అందించిన బ్యాక్ గ్రౌండ్ స్కోర్ (BGM) కొన్ని హారర్ సీన్లలో బాగా వర్కవుట్ అయింది. పాటలు కూడా విజువల్‌గా చాలా బాగున్నాయి. సెకండాఫ్‌లో వచ్చే మొసలి ఫైట్, చివరి 40 నిమిషాల క్లైమాక్స్ ఎపిసోడ్స్ వీఎఫ్ఎక్స్ పనితనం సినిమాకు ప్రధాన ఆకర్షణగా నిలిచాయి. కార్తిక్ పళని సినిమాను చాలా కలర్ ఫుల్ గా చూపించారు. కోటగిరి వెంకటేశ్వరరావు ఎడిటింగ్ ఆకట్టుకునేలా ఉంటుంది. టెక్నికల్ గా అందరూ తమ సామర్థ్యాలు మొత్తం చూపించారు. మొదటి భాగం కొంత స్లోగా వెళ్లడంతో ప్రేక్షకుల సహనాన్ని సరీక్షిస్తుంది. పాన్ ఇండియా స్టార్ ప్రభాస్ హీరోగా సినిమా వస్తుందంటే మంచి కథతో ముందుకు రావాలి, అది లేక పోవడంతో సినిమా కొంత వరకూ నిరాశపరిచిందనే చెప్పుకోవాలి. వీఎఫ్ఎక్స్ పరంగా కొన్ని సీన్లు బాగానే ఉన్నా.. ప్రభాస్ తో చేసిన సీన్లు తేలిపోతాయి. దీంతో తెలుగు ప్రేక్షకులకు ఈ సినిమా అంతగా ఎక్కక పోవచ్చు. నార్త్ ఇండియాలో మాత్రం ఈ సినిమా మంచి వసూళ్లు సాధించే అవకాశం ఉంది.

బలాలు..

• ప్రభాస్ నటన
• ఇంటర్వెల్, క్లైమాక్స్
• కామెడీ

బలహీనతలు..

• మొదటి భాగం
• కథలో కొత్తదనం లేకపోవడం

రేటింగ్ – 2 / 5