Aadi Sai Kumar: ఆది సాయి కుమార్ హీరోగా తెరకెక్కిన ‘శంబాల’ (Shambhala) చిత్రంపై ఇప్పటికే పాజిటివ్ వైబ్స్ ఏర్పడ్డాయి. ఇప్పటి వరకు విడుదలైన టీజర్, ట్రైలర్‌లు, పోస్టర్లు, పాటలు ఇలా అన్నీ కూడా ఆడియెన్స్‌లో మంచి బజ్‌ను క్రియేట్ చేశాయి. ఈ చిత్రం భారీ అంచనాల నడుమ డిసెంబర్ 25న ప్రపంచవ్యాప్తంగా గ్రాండ్‌గా విడుదలకాబోతోంది. డిసెంబర్ 23న ఆది సాయి కుమార్ (Aadi Sai Kumar) పుట్టిన రోజు సందర్భంగా మీడియాతో ముచ్చటిస్తూ ఈ చిత్ర విశేషాలను ఆయన చెప్పుకొచ్చారు. ‘శంబాల’ వంటి చిత్రాల్ని థియేటర్లో చూస్తేనే ఆ ఫీల్‌ను ఎంజాయ్ చేయగలుగుతారని ఆయన అన్నారు. ఇంకా ఆయన మాట్లాడుతూ..

‘కల్కి’ తర్వాత పేరు ట్రెండైంది

మేము అనుకున్నదానికన్నా చాలా గొప్పగా ‘శంబాల’ రెడీ అయింది. ప్రేక్షకులకు ఈ సినిమాతో బాగా ఎంజాయ్ చేస్తారు. ‘శంబాల’ ఫస్ట్ లుక్ వదిలిన క్షణం నుంచి మంచి బజ్ ఏర్పడుతూనే ఉంది. దుల్కర్, ప్రభాస్, నాని వంటి స్టార్స్ వదిలిన టీజర్, ట్రైలర్‌లు మంచి రెస్పాన్స్‌ను దక్కించుకుని, సినిమాపై మరింత హైప్‌ని క్రియేట్ చేశాయి. ఆడియెన్స్‌లో మా మూవీ పట్ల మంచి బజ్ ఏర్పడింది. ఈసారి మేము మంచి విజయాన్ని అందుకోబోతోన్నామనే కాన్ఫిడెన్స్ మాలో ఏర్పడింది. ‘శంబాల’ అనేది ఉందా? లేదా? అనేది ఎవ్వరికీ తెలీదు. మన పురాణాల ప్రకారం శంబాలకి ఓ మంచి గుర్తింపు ఉంది. శంబాల అని టైటిల్ చెప్పినప్పుడే నేను చాలా ఎగ్జైటయ్యాను. ఈ కథ విన్న కొన్ని రోజులకే ‘కల్కి’ రిలీజైంది. ఆ తర్వాత ‘శంబాల’ పేరు మరింత ఎక్కువగా ట్రెండ్ అయింది. ఈ సినిమా కోసం దర్శకుడు యుగంధర్‌ చాలా కష్టపడ్డారు. సినిమా పట్ల ఆయనకు చాలా ప్యాషన్ ఉంటుంది. ఆయన చెప్పిన కథను తెరపై అద్భుతంగా చూపించారు. ఆయన కచ్చితంగా పెద్ద డైరెక్టర్ అవుతారు.

Also Read- Sigma Telugu Teaser: దళపతి విజయ్ తనయుడి ‘సిగ్మా’ టీజర్ ఎలా ఉందంటే..

80వ దశకంలో వచ్చే కథ

‘శంబాల’ చిత్రంలో అద్భుతమైన యాక్షన్ ఉంది. రాజ్ కుమార్ మాస్టర్ అన్ని యాక్షన్ సీక్వెన్స్‌కి రిహార్సల్స్ చేశారు. దర్శకుడు యుగంధర్‌తో పాటుగా రాజ్ కుమార్ ఈ సినిమాకు ట్రావెల్ చేశారు. క్లైమాక్స్‌లో వచ్చే యాక్షన్ సీక్వెన్స్‌ అదిరిపోతుంది. ఆడియెన్స్‌కు ట్రీట్‌లా ఉంటుంది క్లైమాక్స్. 80వ దశకంలో వచ్చే కథ కాబట్టి.. లుక్స్ విషయంలో చాలా జాగ్రత్తలు తీసుకున్నాం. అందుకే కాస్ట్యూమ్స్‌ని చాలా సెలెక్టివ్‌గా తీసుకున్నాం. ఇందులో ఎక్కువ విఎఫ్ఎక్స్ షాట్స్ ఉండవు. కానీ, ఉన్న వాటిని మాత్రం చాలా జాగ్రత్తగా చేసుకున్నాం. అవుట్ పుట్ చూసి మేమంతా చాలా సంతృప్తి చెందాం. శ్రీ చరణ్ పాకాల ఆర్ఆర్‌తో అందరికీ షాక్ ఇచ్చాడు. ఆయన ఎక్కడా కూడా ఓ పట్టాన సంతృప్తి చెందరు. చివరి క్షణం వరకు థీమ్స్ చేస్తూనే వచ్చారు. ప్రతీ పాత్రకి ఆయన అద్భుతమైన థీమ్ సెట్ చేశారు. రేపు సినిమా చూసిన ప్రేక్షకులు కూడా ఇదే చెబుతారు. ఇందులో సాంగ్స్ ఎక్కువగా ఉండవు. ప్రమోషనల్ సాంగ్ చేయాలని అనుకున్నాం.. కానీ, మాకు టైమ్ సరిపోలేదు. అయినా ఇలాంటి జానర్ చిత్రాలకు హుక్ స్టెప్స్, సాంగ్స్ సెట్ అవ్వవని నేను అనుకుంటున్నాను. కానీ ఈ సినిమాకు శ్రీ చరణ్ పాకాల ఇచ్చిన మ్యూజిక్ కంటే బ్యాక్ గ్రౌండ్ మ్యూజిక్ అందరినీ మెస్మరైజ్ చేస్తుంది.

హిందీలోనూ విడుదల

ఈ సినిమాను నిర్మాతలు ఎంతో ప్యాషన్‌తో నిర్మించారు. మేము కూడా ఎక్కడా వేస్టేజ్ చేయకుండా సినిమాను తీశాం. నా మార్కెట్ కంటే ఎక్కువగానే ఖర్చు పెట్టారు. అలాగే ప్రమోషన్స్ కూడా భారీ ఎత్తున నిర్వహించారు. మేము వస్తున్న డేట్‌కి చాలా కాంపిటీషన్ ఏర్పడింది. మేం సినిమాని కష్టపడి చేశాం. ఆల్రెడీ చిత్రాన్ని చూశాము. మేం సినిమా పట్ల చాలా సంతృప్తిగా ఉన్నాం. హిందీలోనూ విడుదల చేయాలని ప్లాన్ చేస్తున్నాం. ముందుగా ఇక్కడ రిలీజ్ అవుతుంది. ఆ తర్వాత హిందీలో విడుదల చేయబోతోన్నాం. ఇక్కడ పాజిటివ్ టాక్ వచ్చిన తర్వాత, హిందీలో కూడా ప్రమోషన్స్ స్టార్ట్ చేస్తాం. ప్రస్తుతం ప్రేక్షకులు అద్భుతమైన సినిమాటిక్ ఎక్స్‌పీరియెన్స్‌ను కోరుకుంటున్నారు. రొటీన్ సినిమాలను యాక్సెప్ట్ చేయడం లేదు. ‘శంబాల’ వంటి జానర్‌లను ఆడియెన్స్ ఎక్కువగా ఇష్టపడుతున్నారు. మా టీమ్ నుంచి వచ్చిన ప్రతీ పోస్టర్, ప్రతీ కంటెంట్ ప్రేక్షకుల్లో అంచనాల్ని పెంచేసింది. మా ప్రమోషన్స్ ఆడియెన్స్‌ను ఆకట్టుకున్నాయి. ఇలాంటి చిత్రాల్ని థియేటర్లో చూస్తేనే ఆ ఫీల్‌ను ఎంజాయ్ చేయగలుగుతారు.

Also Read- Sai Kumar: ‘శంబాల’తో ఆదికి చిత్రోత్సాహం, నాకు పుత్రోత్సాహం, టీంకు విజయోత్సాహం

హిట్ చేస్తే.. పార్ట్ 2

డిసెంబర్ 25కి చాలా కాంపిటీషన్ ఉంది. డిసెంబర్ 25 డేట్‌ని వదులుకుంటే మళ్లీ ఇంత మంచి డేట్ నాకు దగ్గరలో కనిపించలేదు. మేం ప్రీమియర్లతో ముందుకు వస్తున్నాం. ఇప్పటికే పడిన ప్రీమియర్లకు మంచి స్పందన వస్తోంది. ప్రీమియర్ల నుంచి పాజిటివ్ టాక్ బయటకు వెళ్తే.. డే వన్ నుంచే సినిమా పికప్ అవుతుందని భావిస్తున్నాం. కానీ, ఈ డేట్‌కి టఫ్ కాంపిటీషన్ అయితే ఉంది. క్రిస్మస్, డిసెంబర్ 25 అనేది మంచి సీజన్. మా సినిమాతో పాటు రోషన్ సినిమా కూడా వస్తుంది. రోషన్ వాళ్ల ఫ్యామిలీతో మాకు మంచి బాండింగ్ ఉంది. అలాగే రోషన్‌తో నాకు మంచి పరిచయం ఉంది. మా క్రికెట్‌ టీంలో రోషన్ చురుకుగా ఉంటాడు. రోషన్ నటించిన ‘ఛాంపియన్’ సినిమా కూడా పెద్ద హిట్ అవ్వాలని మనస్ఫూర్తిగా కోరుకుంటున్నాను. ‘శంబాల’ని ప్రేక్షకులు హిట్ చేస్తే.. పార్ట్ 2 ప్లాన్ కూడా చేస్తాం. ప్రస్తుతం ఈటీవీ విన్‌ కోసం ‘సబ్ ఇన్‌స్పెక్టర్ యుగంధర్’ చేశాను. ఆ సినిమా కూడా చాలా బాగా వచ్చింది. త్వరలోనే ఆడియెన్స్ ముందుకు తీసుకు వస్తాం’’ అని చెప్పుకొచ్చారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు