Ma Vande: షూటింగ్ ప్రారంభమైన మోదీ బయోపిక్ ‘మా వందే‘.. ఇది ఒక చారిత్రక దృశ్యం..

Ma Vande: భారత దేశ గౌరవ ప్రధానమంత్రి నరేంద్ర మోదీ జీవిత ప్రయాణం కొన్ని కోట్ల మందికి స్ఫూర్తిదాయకం. ఆయన జీవితంలోని ఎత్తుపల్లాలు, వ్యక్తిగత సంఘర్షణలు, రాజకీయ ప్రస్థానాన్ని వెండితెరపై ఆవిష్కరించే ప్రయత్నంలో భాగంగా “మా వందే” చిత్రం రూపుదిద్దుకుంటోంది. సిల్వర్ కాస్ట్ క్రియేషన్స్ బ్యానర్‌పై ప్రముఖ నిర్మాత వీర్ రెడ్డి.ఎం ఈ ప్రతిష్టాత్మక చిత్రాన్ని నిర్మిస్తున్నారు. ఈ చిత్రంలో నరేంద్ర మోదీ పాత్రను మలయాళ స్టార్ హీరో ఉన్ని ముకుందన్ పోషిస్తున్నారు. తన విలక్షణమైన నటనతో దక్షిణాదిన మంచి గుర్తింపు తెచ్చుకున్న ఉన్ని ముకుందన్, మోదీ పాత్రలో పరకాయ ప్రవేశం చేయడానికి సిద్ధమయ్యారు. యువకుడిగా ఉన్నప్పటి నుంచి దేశ ప్రధాని అయ్యే వరకు మోదీ పడ్డ కష్టాలను ఆయన తన నటనతో పండించబోతున్నారు.

Read also-Bigg Boss Telugu 9: బిగ్ బాస్ జర్నీలో ఇమ్మానియేల్ ఫీలింగ్ ఏంటో తెలుసా.. కళ్యాణ్‌, తనూజల మధ్య ఉన్నది ఇదే?

దర్శకుడు క్రాంతికుమార్. సీహెచ్ ఈ చిత్రానికి దర్శకత్వం వహిస్తున్నారు. భారతీయ చలనచిత్ర పరిశ్రమలోని అగ్రశ్రేణి సాంకేతిక నిపుణులు ఈ ప్రాజెక్టు కోసం పనిచేస్తున్నారు. అత్యున్నత సాంకేతిక విలువలు, అంతర్జాతీయ ప్రమాణాలతో విజువల్ ఎఫెక్ట్స్ ఈ సినిమాకు ప్రధాన ఆకర్షణ కానున్నాయి. “ఎన్నో పోరాటాల కన్నా తల్లి సంకల్పం గొప్పది” అనే ఉదాత్తమైన సందేశంతో ఈ సినిమా తెరకెక్కుతోంది. మోదీ ఎదుగుదలలో ఆయన తల్లి హీరాబెన్ మోదీ పోషించిన పాత్ర, ఆమె అందించిన సంస్కారం మరియు పట్టుదల ఈ చిత్రంలో ప్రధానంగా కనిపించనున్నాయి. కేవలం ఒక రాజకీయ నాయకుడి కథగానే కాకుండా, ఒక సామాన్యుడు అసామాన్యుడిగా ఎదిగిన తీరును యదార్థ ఘటనల ఆధారంగా అన్ని వర్గాల ప్రేక్షకులకు నచ్చేలా తీర్చిదిద్దుతున్నారు.

Read also-Bharani- Suman Shetty: పవన్ కళ్యాణ్ పాటకు భరణి సుమన్ శెట్టి డాన్స్ చూశారా.. ఇరగదీశారుగా..

ఇటీవలే “మా వందే” సినిమా పూజా కార్యక్రమాలు ఘనంగా నిర్వహించి, లాంఛనంగా చిత్రీకరణను ప్రారంభించారు. మేకర్స్ వెల్లడించిన ప్రకారం, ఈ రోజు నుంచే రెగ్యులర్ షూటింగ్ శరవేగంగా సాగనుంది. ఈ సినిమాను కేవలం ప్రాంతీయ భాషలకే పరిమితం చేయకుండా పాన్ ఇండియా స్థాయిలో అన్ని ప్రధాన భారతీయ భాషల్లో విడుదల చేయనున్నారు. అంతర్జాతీయ గుర్తింపు కోసం ఇంగ్లీష్ భాషలో కూడా ఈ చిత్రాన్ని విడుదల చేయడానికి సన్నాహాలు చేస్తున్నారు. నరేంద్ర మోదీ వ్యక్తిగత జీవితంలోని ఆసక్తికర అంశాలు, రాజకీయ చదరంగంలో ఆయన వేసిన ఎత్తుగడలు మరియు దేశం పట్ల ఆయనకున్న అంకితభావాన్ని అత్యంత సహజంగా చూపేందుకు చిత్ర బృందం కృషి చేస్తోంది. “మా వందే” చిత్రం భారతీయ సినిమా చరిత్రలో ఒక మైలురాయిగా నిలుస్తుందని విశ్లేషకులు భావిస్తున్నారు.