Bhagyashri Borse: యంగ్ హీరోయిన్ భాగ్యశ్రీ బోర్సే (Bhagyashri Borse) కెరీర్ విషయంలో ప్రస్తుతం చర్చనీయాంశంగా మారిన అంశం ఏంటంటే.. ఆమెకు తాజాగా లభించిన విజయం. ‘మిస్టర్ బచ్చన్’ (Mr Bachchan) సినిమాతో టాలీవుడ్‌లోకి అడుగుపెట్టిన భాగ్యశ్రీకి మొదట్లో ఆశించిన స్థాయిలో హిట్లు దక్కకపోవడంతో, పరిశ్రమలో కొద్దిమంది ‘ఐరన్ లెగ్’ అంటూ కామెంట్లు చేస్తున్నారు. అయితే, తాజాగా రామ్ పోతినేని సరసన ఆమె నటించిన ‘ఆంధ్ర కింగ్ తాలుకా’ (Andhra King Taluka) చిత్రం విడుదలైన తర్వాత పరిస్థితి మారిపోయింది. ‘ఆంధ్ర కింగ్ తాలుకా’ సినిమాకు పాజిటివ్ స్పందన లభించడమే కాకుండా, బాక్సాఫీస్ వద్ద కూడా మంచి వసూళ్లు సాధిస్తున్నట్లు వార్తలు వస్తున్నాయి. ఈ విజయం భాగ్యశ్రీ కెరీర్‌కు ట్రంప్ కార్డ్ లాగా మారింది. ఎందుకంటే, ఒక నాయికకు విజయం లేనప్పుడు వచ్చే అపవాదులను, ఈ చిత్రం విజయం ఒక్క దెబ్బతో తుడిచిపెట్టేసింది.

Also Read- Balakrishna: ‘నన్నే అంటి పెట్టుకున్నారు’.. బాలయ్య భార్య మాటలు హరికృష్ణను ఉద్దేశించా.. లేక?

‘ఆంధ్ర కింగ్ తాలుకా’తో మారిన భాగ్యశ్రీ భాగ్యం!

సినిమా ఇండస్ట్రీలో హిట్టు, ఫ్లాపులు సర్వసాధారణం. కానీ ఒక నటికి వరుసగా ఫ్లాపులు పడితే, ‘ఐరన్ లెగ్’ అనే ముద్ర వేయడం సహజమనే విషయం తెలియంది కాదు. భాగ్యశ్రీ బోర్సే కూడా ఈ రకమైన విమర్శలను ఎదుర్కొంది. కానీ, ‘ఆంధ్ర కింగ్ తాలుకా’ సినిమాలో ఆమె పాత్రకు లభించిన మంచి స్పందన, రామ్ పోతినేనితో ఆమె పండించిన అద్భుతమైన కెమిస్ట్రీ సినిమా విజయానికి దోహదపడింది. ఈ సక్సెస్‌తో భాగ్యశ్రీకి వరుసగా అగ్ర హీరోల సరసన అవకాశాలు క్యూ కడుతున్నట్లు తెలుస్తోంది. ‘ఐరన్ లెగ్’ అనే నెగిటివ్ ముద్రను చెరిపేసుకుని, తనను తాను ‘గోల్డెన్ లెగ్’ అని నిరూపించుకునే దిశగా ఆమె అడుగులు వేస్తోంది. అందుకు ఈ సక్సెస్ ఆమెకు బూస్ట్ వంటిదని చెప్పాలి. ఈ సక్సెస్‌తో నిర్మాతలు, దర్శకుల్లో ఆమెపై నమ్మకం పెరగడంతో పాటు ఆమెను తమ ప్రాజెక్టుల్లో తీసుకునేందుకు ఆసక్తి చూపేందుకు క్యూ కట్టినా ఆశ్చర్యపోవాల్సిన అవసరం లేదు.

Also Read- Bhagyashri Borse: సినిమా ప్రమోషనా? ప్రీ వెడ్డింగ్ షూటా?.. భాగ్యశ్రీ షేర్ చేసిన ఫొటోపై నెటిజన్ల కామెంట్స్ వైరల్!

ఈ సక్సెస్‌ను కొనసాగిస్తుందా?

రామ్ పోతినేని (Ram Pothineni)తో కలిసి ప్రమోషన్స్‌లో భాగ్యశ్రీ పాల్గొన్న తీరు కూడా ప్రేక్షకులను ఆకట్టుకుంది. సినిమాలోనే కాకుండా రియల్‌గానూ వారిద్దరూ కనిపించిన తీరు చూస్తుంటే.. ఇద్దరిదీ అద్భుతమైన జోడీ అనేలా ప్రశంసలు పడుతున్నాయి. ఇది చూస్తుంటే.. సినిమాలో కూడా వారి కెమిస్ట్రీ ఎంత బాగా వర్కౌట్ అయిందో తెలియజేస్తుంది. మొదట్లో ఎదురైన ఎదురుదెబ్బలను పక్కనపెట్టి, భాగ్యశ్రీ బోర్సే ఇప్పుడు విజయాల బాట పట్టింది. ఈ విజయం ఆమె కెరీర్‌కు ఒక టర్నింగ్ పాయింట్ అని సినీ విశ్లేషకులు సైతం భావిస్తున్నారు. ఈ సక్సెస్‌ని పొదివి పట్టుకుని తన ఫ్యూచర్ ప్రాజెక్ట్‌ల విషయంలో భాగ్యశ్రీ బోర్సే చాలా జాగ్రత్తగా అడుగులు వేయాల్సి ఉంది. చూద్దాం.. మరి ఈ సక్సెస్‌ను ఆమె కొనసాగిస్తుందో లేదో..

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు